୧ ଯୋହନ୍‌‌ 3:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ ।

୧ ଯୋହନ୍‌‌ 3:1 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 20:36

ଅଡ଼୍‌ ମେଣ୍ଡେ ଡଲ୍‍ଲେ ପାର୍‍ୱଡ଼୍, ବାତେଙ୍କ୍ ଇତ୍କେ ଅଡ଼୍‌ ଦୂତକିନ୍ ଲେକେମ୍ ମାନ୍‍ତଡ଼୍, ନୁ ମେଣ୍ଡେ ଅନ୍‌‍ଦାମ୍ ଜିୱେ ଆତ୍‍ତାଙ୍କ୍ ଇଶ୍ୱର୍‌ତେ ମାର୍‍ ମାୟାଡ଼୍ ଆଦ୍‍ତଡ଼୍ ।

ଯୋହନ୍‌‌ 1:12

ମାତର୍ ବେସର୍ ନାରୁଡ଼୍ ଅଂକିଙ୍କ୍‌ ଗ୍ରହନ୍ ମାଡ଼୍‍ତଡ଼୍, ଇତ୍‍କେ ବେନଡ଼୍ ଅନ୍‌ ପେଦେର୍‍ତେ ବିଶ୍ୱାସ୍ ମାଡ଼୍‍ତଡ଼୍, ଆ ସାରେତଡ଼୍‌କିଂଙ୍କ୍ ଅଣ୍ଡ୍‌ ଇଶ୍ୱରତେ ମାର୍‍ ଆଦ୍‍ଦାନ୍ ମାଇଦିଙ୍କ୍ ଅଦିକାର୍‌ ହିତ୍‍ତଣ୍ଡ୍;

ଯୋହନ୍‌‌ 11:52

ଚିହ୍ନେ ୱେରେ ଆସ୍‍ମାନ୍ଦାନ୍ ଇଶ୍ୱର୍‌ତେ ନାରୁଡ଼୍, ୱେରଡ଼୍ ଗଷ୍ଟିତାଗ୍ ଅଣ୍ଡୟାଗେ ମାଡ଼ାଙ୍କ୍ ଜିସୁଙ୍କ୍ ଡଲେ ୱେଇତିତ୍ ।

ଯୋହନ୍‌‌ 15:21

ବାତେଙ୍କ୍ ଇତ୍‍କେ ଅଡ଼୍‌ ନାକିଂଙ୍କ୍ ରଅତେନଙ୍କ୍ ପୁନ୍‍ୱା ମାଇଦିଙ୍କ୍ ନାୱାଦ୍ ପେଦେର୍ ସେଙ୍ଗେ ମିକିଂଙ୍କ୍ ଇଦ୍‍ସାରେ ମାଡ଼ିତଡ଼୍ ।

ଯୋହନ୍‌‌ 16:3

ନାରୁଡ଼୍ ଇୱୁସାରେ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ବାବାଙ୍କ୍ ନୁ ନାକିଂଙ୍କ୍ ପୁନଡ଼୍ ।

ଯୋହନ୍‌‌ 17:25

ହୋ ଦାର୍ମିକ୍ ବାବା ! ଜଗତ୍ ନିକିଂଙ୍କ୍ ପୁନନ୍, ବାତେଙ୍କ୍ ଇତ୍‍କେ ନାନ୍ ନିକିଂଙ୍କ୍ ପୁତ୍‍ତାନ୍; ମେଣ୍ଡେ ନିମ୍‍ ଯେ ନାକିଂଙ୍କ୍ ରହତି, ଆଦ୍ ଇଡ଼୍ ପୁତ୍‍ତଡ଼୍;

ଯୋହନ୍‌‌ 3:16

ବାତେଙ୍କ୍ ଇତ୍‍କେ ଇଶ୍ୱର୍ ଜଗତ୍‍ତିଙ୍କ୍ ଇସର୍ ପ୍ରେମ ମାଡ଼୍‍ତଣ୍ଡ୍ ଯେ, ଅଣ୍ଡ୍‌ ନିଜେତ୍ ଅଦ୍ୱିତିୟ ମାର୍‍ଦିଙ୍କ୍ ଦାନ ହିତ୍‍ତଣ୍ଡ୍, ବେଦ୍‍ପୁଟୁଙ୍କ୍ ବେନଆଇ ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ବିନଷ୍ଟ ଆୟ୍‍ୟକଟ ସାରେଦିନାତ୍ ଜିୱୁନ୍ ଦର୍ସିକିତନ୍ ।

ରୋମୀୟ 5:8

ଇତ୍‍କେ ମାନାଡ଼୍ ପାପି ମାତ୍‍ତେୱେଲେ ଜିସୁ ମାନ୍‍ ସେଙ୍ଗେ ନିଜର୍‍ ଜିୱୁଣ୍ଡ୍ ଇତ୍‍ତନ୍ । ଇଦିନ୍‍ ତଡ଼୍ ଇଶ୍ୱର୍ ମାନାଙ୍କ୍‍ ବେସର୍ ପ୍ରେମ ମାଡ଼ୁତଣ୍ଡ୍, ଆଦ୍ ଅଣ୍ଡ୍‌ ତଅତଣ୍ଡ୍ ।

ରୋମୀୟ 8:19

ସାର୍‍ରେ ସୃଷ୍ଟି ଆଦ୍ ଦିନାମ୍‍ତିଙ୍କ୍ ଆଗ୍ରହ ଆସ୍‍ କେପି ମିନ୍ଦେ,

ରୋମୀୟ 8:21

ଅନ୍‌‍ଦିନେ ଇଶ୍ୱର୍‌ତେ ମାର୍‍କିଡ଼୍ ଗୌରବ୍‍ତାଗ୍ ବାଗିଦାର୍ ଆସ୍ ଆଦ୍ ଗାଲା ତାନ୍ ଦାସତ୍ୱ ନଷ୍ଟ ଆଦାନାଗାଙ୍କ୍ ମୁକ୍ତି ପାଏମ୍ ଆଦ୍‍ତେ ।

ରୋମୀୟ 8:32

ଇଶ୍ୱର୍ ବେସୁଟ୍‍ବା ମାନ୍‍ ବିରୁଦ୍ ଆୟ୍‍ୟଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ନିଜେତ୍ ମାରିଙ୍କ୍ ମିକା ରକ୍ଷା ମାଡ଼କଟ୍ ମାନ୍‍ ସେଙ୍ଗେ ଦାନ ମାଡ଼୍‍ତଣ୍ଡ୍ । ଆଲାଇତ୍‍କେ, ଅଣ୍ଡ୍‌ ବାତ୍ ମାନାଙ୍କ୍‍ ସାର୍‍ରେ ବିଷୟ୍ ଦାନ ମାଡ଼ଣ୍ଡ୍ ?

୨ କରନ୍ତିୟ 6:18

ନାନ୍ ମିଇ ବାବାନ୍ ଆଦ୍‍ତନ୍, ମେଣ୍ଡେ ମିଡ଼୍ ନା ମାର୍‍କ୍‍ ଆଦ୍‍ତିଡ଼୍ ନୁ ମାୟାସ୍କ୍, ସାରେତିଙ୍କ୍ ଶକ୍ତିନଡ଼୍ ପ୍ରବୁ ଇଦ୍ ଗଟ୍ କେତ୍‍ତଣ୍ଡ୍ ।”

ଗାଲାତୀୟ 3:26

ବିଶ୍ୱାସ୍‍ ତଡ଼୍ ଜିସୁ କ୍ରିଷ୍ଟନାଗ୍ କାୟ୍‍ଲି ମିଡ଼୍ ସାରେତଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍ ଆତ୍‍ତିଡ଼୍ ।

ଗାଲାତୀୟ 3:29

ଯଦି ମିଡ଼୍ କ୍ରିଷ୍ଟନ୍‍ ନାରୁଡ଼ି, ଆଲେକେ ମିଡ଼୍‍ ଗାଲା ଅବ୍ରାହାମ୍‍ତେ ବଂଶତଡ଼ି ନୁ ଇଶ୍ୱର୍ ବାତ୍ ପ୍ରତିଜ୍ଞା ମାଡ଼୍‍ତଣ୍ଡ୍, ଆଦ୍ ପାଏମ୍ ଆଦ୍‍ତିଡ଼୍ ।

କଲସୀୟ 3:3

ବାତେଙ୍କ୍ଇତ୍‍କେ ମିଡ଼୍ ଡଲ୍‍ତିଡ଼୍ ନୁ କ୍ରିଷ୍ଟନ୍ ତଡ଼୍ ମିୟାଦ୍ ଜିୱେ ଇଶ୍ୱର୍‌ତାଗେ ମିଞ୍ଜି ମିନ୍ଦେ ।

୧ ଯୋହନ୍‌‌ 3:10

ଇଗେ ବେନ ଇଶ୍ୱର୍‌ତେ ପିଲା ନୁ ଶୟତାନ୍ ପିଲା ଇଦ୍ ପ୍ରକାଶ୍‍ ଆଦ୍‍ତେ, ବେନ୍ ସତ୍‍କାମ୍ ମାଡ଼ଣ୍ଡ୍ ବା ନିଜର୍‍ ବିଶ୍ୱାସୀ ଏଲାଡ଼୍‍ତାମୁଙ୍କ୍ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ପିଲେ ଆୟଣ୍ଡ୍ ।

୧ ଯୋହନ୍‌‌ 3:2

ଆ ନା ପ୍ରିୟ ସାଙ୍ଗନଡ଼ି, ଇଞ୍ଜେ ମାନାଡ଼୍ ଇଶ୍ୱର୍‌ତେ ପିଲାନଡ଼୍, ବାତେଙ୍କ୍ଇତ୍କେ ବବିଷ୍ୟତ୍‍ତେ ବାତେ ଆଦ୍‍ତାଡ଼୍, ଇଦ୍‍ ଗଟ୍ ମେଣ୍ଡେ ପ୍ରକାଶ୍ ଆୟକେ । ଇସର୍ ମାତର୍‌ ମାନାଡ଼୍ ପୁତ୍‍ତାଡ଼୍, ବେସୁଙ୍କ୍‍ କ୍ରିଷ୍ଟ ମେଣ୍ଡନ୍‍ଦାମ୍ ୱାଦ୍‍ତନ୍, ମାନାଡ଼୍ ଅନ୍‌‍ୱାଦ୍‍ ନିଜାତାଦ୍‍ ମକମ୍‌ ଉଡ଼ି ଅନ୍‌‍ ଲେକାମ୍ ଆଦ୍‍ତାଡ଼୍ ।

୧ ଯୋହନ୍‌‌ 4:17

ଇଶ୍ୱର୍‌ତେ ପାକେ ଜିୱୁଣ୍ଡ୍‍ ବାଦ୍‍କାନ୍‍ ତଡ଼୍‍ ମାନ୍‍ ଜିୱେତାଗ୍ ଇଦ୍ ପ୍ରେମ ସିଦ୍ଦ ଆତ୍‍କେ, ମାମେ ୱେର୍‍ୱେକଞ୍ଚ୍ ବିଚାର୍ ଦିନେ ମୁନେ ୱାଦେପାର୍‍ଦ୍‍ତାଡ଼୍‍, ବାତେଙ୍କ୍‍ଇତ୍କେ ଇଦ୍ ଜଗତ୍‍ତେ ମାଞ୍ଜ ମାମେ କ୍ରିଷ୍ଟନ୍ ଲେକାମ୍ ଜିବନ୍ ଜାପନ୍ ମାଡ଼ୁତମ୍ ।

ପ୍ରକାଶିତ୍‌ ବାକ୍ୟ 21:7

ବେନ ବିଜୟ ଆସ୍‍ ମାନ୍‍ତନ୍, ନାନେ ଅଙ୍କ୍‌ ଇଦ୍‍ ପୁରସ୍କାର୍ ଇଦ୍‍ତାନ୍ ନାନେ ଅନ୍‌ ଇଶ୍ୱର୍ ଆଦ୍‍ତାନ୍ ନୁ ଅଣ୍ଡ୍‌ ନା ପିଲା ଆଦ୍‍ତନ୍ ।