୧ ଯୋହନ୍‌‌ 2:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ କିନ୍ତୁ ବେନ ଅନ୍‌‍ ବାକ୍ୟ ପାଳନ୍ ମାଡ଼ିତଣ୍ଡ୍‍ ଇଶ୍ୱର୍‌ତାଗ୍‍ ଅନ୍‌‍ୱାଦ୍‍ ଗଟ୍‍ତେ ପାଲନ୍ ମାଡ଼ିତନ୍; ଇଶ୍ୱର୍‌ତେ ସେଙ୍ଗେ ଅନାଦ୍‌ ପ୍ରେମ ପାଏମ୍ ଆସ୍‍ମାନ୍ତନ୍ । ଜିୱେ ଇଶ୍ୱର୍‌ତେ ସତ୍‍ତା ମାନାଡ଼୍ ଯେ ଏର୍କାମାଡ଼ୁତାଡ଼୍; ଇଦ୍ ନିଜାମ୍‍ତେ ବେଲାନ୍ ପୁନ୍ଦେ ପାର୍‍ତାଡ଼୍ ?

୧ ଯୋହନ୍‌‌ 2:5 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:28

ମାତର୍ ଜିସୁ କେତ୍‍ତଣ୍ଡ୍, “ଇଲା, ବେନଡ଼୍ ପରମେଶ୍ୱର୍‍ତେ ବାକ୍ୟ କେଞ୍ଜିତଡ଼୍, ମେଣ୍ଡେ ପାଲନ୍ ମାଡ଼ିତଡ଼୍, ପ୍ରକୃତ୍ ତେ ଆସତ୍ ନାରୁଡ଼୍ ଦନ୍ୟ ।”

ଯୋହନ୍‌‌ 14:21

ବେନ ନା ଗଟିସାରେ ଗ୍ରହନ୍ ମାଡ଼ି ପାଲନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ବେନ୍ ନାକିଂଙ୍କ୍ ପ୍ରେମ ମାଡ଼ିତନ୍, ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ନାନେମିକା ଅଂକିଙ୍କ୍‌ ପ୍ରେମ ମାଡ଼ିତାନ୍ ନୁ ଅଂକିଙ୍କ୍‌ ପ୍ରକାଶ୍ ମାଡ଼ିତାନ୍ ।

ଯୋହନ୍‌‌ 14:23

ଜିସୁ ଅଂକିଙ୍କ୍‌ ଉତ୍ତର୍ କେତ୍‍ତଣ୍ଡ୍‌, ଯଦି ବେନ ନାକିଂଙ୍କ୍ ପ୍ରେମ ମାଡ଼୍‍କେ ଆଲେକେ ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ମାମ୍‍ମେ ଅନ୍‌ ପାକେ ୱାସ୍ ଅନ୍‌ ତଡ଼୍ ମାନ୍‍ତମ୍ ।

ଯୋହନ୍‌‌ 15:5

“ନାନ୍ ଅଙ୍ଗୁର୍‌ ଟଣ୍ଡ୍ ମିଡ଼୍ ଆଦୁତିଡ଼୍ କମ୍‍ମା; ବେନ ନାୟାଗ୍ ମାନ୍‍ତଣ୍ଡ୍ ନୁ ନାନ୍ ବେନନାଗ୍‍ ମାନ୍‍ତାନ୍, ଅଣ୍ଡ୍‌ ଗାଟି କାୟା ଆଦିତଣ୍ଡ୍; ବାତେଙ୍କ୍ ଇତ୍‍କେ ନାନ୍ ଇଲ୍‍ଉକ୍ ମିଡ଼୍ ବାଆତେ ମିକା ମାଡ଼୍ ପାର୍‍ୱିଡ଼୍ ।

ଯୋହନ୍‌‌ 6:56

ବେନ ନା ଆଉଙ୍ଗ୍ ତିନ୍‍ତଣ୍ଡ୍ ନୁ ନା ନେତୁର୍ ଉନ୍‍ତଣ୍ଡ୍, ଅଣ୍ଡ୍‌ ନାୟାଗେ ମାନ୍‍ତଣ୍ଡ୍ ନୁ ନାନ୍ ଅନ୍‌‍ଆଗେ ମାନ୍‍ତାନ୍ ।

ରୋମୀୟ 8:1

ତ ବେନଡ଼୍ କ୍ରିଷ୍ଟ ଜିସୁନାଗ୍ ମିନ୍ଦେଡ଼୍‍, ଅଡ଼୍‌ ସେଙ୍ଗେ ବାତ୍ ତିପାଲ୍ ଇଲ୍‍ଲେ ।

୧ କରନ୍ତିୟ 1:30

ଇତ୍‍କେ ଇଶ୍ୱର୍ ମିକିଂଙ୍କ୍ କ୍ରିଷ୍ଟ ଜିସୁନ୍‌ ତଡ଼୍ କାଲ୍‌ପି ମିନ୍ଦେଣ୍ଡ୍‌ ନୁ ଆଦ୍ କ୍ରିଷ୍ଟଙ୍କ୍ କେ ମାନ୍‍ ମାଇଦିଙ୍କ୍‌ ବୁଦ୍‍ତେ ଲେକାମ୍ ମାଡ଼ିମିନ୍ଦେଣ୍ଡ୍ । ଅନ୍‌ ତଡ଼୍ ଇଶ୍ୱର୍‌ତେ ତଡ଼୍ ମାୟାଦ୍‌ ସାୟେତ୍ ସମ୍ପର୍କ ତିୟାର୍ ଆତ୍‍ତେ, ମାନାଡ଼୍ ଦାର୍ମାମ୍‌ ନୁ ପବିତ୍ର ଜିୱାତେ ନାରୁଡ଼୍ ଆସ୍ ମୁକ୍ତି ପାଏମ୍ ଆତ୍‍ତାଡ଼୍ ।

୨ କରନ୍ତିୟ 5:17

କ୍ରିଷ୍ଟନ୍‍ ତଡ଼୍ କାଇଲ୍‍କେ, ନାରୁନାଦ୍ ପୁନେ ତିଆର୍ ଆଦ୍‍ତେ । ପାଃନ୍ତେ ବିଷୟସାରେ ମାଇ ଆଦ୍‍ତେ, ପୁନେତାଉ ତିଆର୍ ଆଦ୍‍ତେ ।

୨ କରନ୍ତିୟ 5:21

ବାତେଙ୍କ୍ ଇତ୍‍କେ ବେନନାଗେ ପାପ୍‌ ଇସୁର୍‍ ମିକା ଇଲ୍‍ୱେ ମାତ୍‍କେ, ଅଂକିଙ୍କ୍‌ ଅଣ୍ଡ୍‌ ମାନ୍‍ ସେଙ୍ଗେ ପାପ୍‌ ବଲି ଲେକାମ୍ ମାଡ଼୍‍ତଣ୍ଡ୍, ବେଲାନ୍ ମାନାଡ଼୍ ଅନ୍‌‍ତଡ଼୍ ଇଶ୍ୱର୍‌ତେ ଦାର୍ମାମ୍ ଲେକାମ୍ ଆଦିକାଡ଼୍‍ ।

ଯାକୁବ 2:22

ମିଡ଼୍ ଉଡ଼ୁତିଡ଼୍ ଯେ ବିଶ୍ୱାସ୍ ଅନ୍‌ ତଡ଼୍ ମାତ୍‍ତେ, ମେଣ୍ଡେ ଆଦ୍ ପାଡ଼୍‍ୟିତଡ଼୍ ବିଶ୍ୱାସ୍ ନିଜାମ୍ ଆତ୍‍ତେ;

୧ ଯୋହନ୍‌‌ 3:24

ବେନ ଆୟି ଇଶ୍ୱର୍‌ତେ ଆଜ୍ଞା ପାଲନ୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‍ ମାନ୍ଦାନାଦ୍‍ ପୁନ୍ଦେପାର୍‍ଦ୍‍ତଣ୍ଡ୍‍, ଅନ୍‌ ହୃଦୟତାଗ୍ ଇଶ୍ୱର୍‍ ମାନ୍‍ତଣ୍ଡ୍‍ । ଇଶ୍ୱର୍ ମାନ୍‍ ହୃଦୟତାଗ୍ ମାନ୍‍ତଣ୍ଡ୍‍, ଇଦ୍ ଗଟ୍ ମାନାଙ୍କ୍ ଇତ୍‍ତେ ଅନାଦ୍‌ ଆତ୍ମା ସାହାଯ୍ୟତେ ମାନାଡ଼୍ ପୁନ୍ଦାନଙ୍କ୍‍ ପାର୍‍ଦୁତାଡ଼୍ ।

୧ ଯୋହନ୍‌‌ 4:17

ଇଶ୍ୱର୍‌ତେ ପାକେ ଜିୱୁଣ୍ଡ୍‍ ବାଦ୍‍କାନ୍‍ ତଡ଼୍‍ ମାନ୍‍ ଜିୱେତାଗ୍ ଇଦ୍ ପ୍ରେମ ସିଦ୍ଦ ଆତ୍‍କେ, ମାମେ ୱେର୍‍ୱେକଞ୍ଚ୍ ବିଚାର୍ ଦିନେ ମୁନେ ୱାଦେପାର୍‍ଦ୍‍ତାଡ଼୍‍, ବାତେଙ୍କ୍‍ଇତ୍କେ ଇଦ୍ ଜଗତ୍‍ତେ ମାଞ୍ଜ ମାମେ କ୍ରିଷ୍ଟନ୍ ଲେକାମ୍ ଜିବନ୍ ଜାପନ୍ ମାଡ଼ୁତମ୍ ।

୧ ଯୋହନ୍‌‌ 4:18

ବେଗେ ପ୍ରେମ ମାନ୍‍ତେ, ଆଗେ ୱେର୍ରେ ମାନ । ସାୟେ ପ୍ରେମ ସାରେ ୱେର୍ରେ ଦୂରାମ୍ ମାଡ଼ିତ୍‍ । ବେନ ୱେର୍‍ତଣ୍ଡ୍‍, ଅନାଗେ ପ୍ରେମ ସଫଳ ଆୟ; ବାତେଙ୍କ୍‍ଇତ୍କେ ଦଣ୍ଡ୍‍ ଦର୍‍କାନାଦ୍ ୱେର୍ରେ ଅନାଦ୍‌ ମେଣ୍ଡେ ମିନ୍ତେ ।

୧ ଯୋହନ୍‌‌ 5:2

ଯଦି ମାମେ ଇଶ୍ୱର୍‌ତିଙ୍କ୍ ପ୍ରେମ ମାଡ଼ି ଅନାଦ୍‌ ଆଜ୍ଞା ପାଲନ୍‍ ମାଡ଼ିତାଡ଼୍‍ ଇଶ୍ୱର୍‌ତେ ପିଲାନ୍‍ ସେଙ୍ଗେ ମାୟାଦ୍ ପ୍ରେମ ମିନ୍ଦେ ଇଞ୍ଜ ପୁନ୍ଦାଙ୍କ୍ ଆଦ୍‍ତେ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।

୨ ଯୋହନ୍‌‌ 1:6

ବେନ୍ ପ୍ରେମ ଗଟ୍ ଇଗେ ଲେକ୍‍ତାନ୍, ଆଦିନ୍ ଅର୍ତ ଆତ୍‍ତେ, ଜିୱେତାଗ୍ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିକାଡ଼୍ । ଆଦ୍ ଗଟ୍ ବାତେ, ମିଡ଼୍ ମୁନେଙ୍କ୍‍କଞ୍ଜ୍ କେଞ୍ଜ୍‍ତିଡ଼୍, ଆଦ୍ ଆତ୍‍ତେ, ମାମେ ସାରେତମ୍ ନିଜେ ନିଜର୍‍ ଲୋପେ ପ୍ରେମତେ କାଇଲି ମାନ୍ଦାନାଦ୍ ସାୟେ ।

ପ୍ରକାଶିତ୍‌ ବାକ୍ୟ 12:17

ଆଗାଙ୍କ୍ ତାଡ଼ାମ୍ ନାଟାକିଙ୍କ୍ ପରୁ ଗାଟି କପାମ୍ ଆସ୍, ଆଦ୍‍ ନାଟାଡ଼୍‍ ପର ପ୍ରତିଶୋଦ୍‍ ଆଦାନ୍‍ ସେଙ୍ଗେ ତାନ୍ ଜାମେତ୍ ବେନ୍‍ ନାରୁଡ଼୍‍ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିତଡ଼୍ ନୁ ଜିସୁନ୍ ବିଷୟତେ ସାକ୍ଷ୍ୟ ଦାନ ମାଡ଼ିତଡ଼୍, ଅଡ଼୍‌‍ତଡ଼୍ ଯୁଦ୍‌ ମାଡ଼ାନଙ୍କ୍ ଆତ୍‍ତନ୍ ।

ପ୍ରକାଶିତ୍‌ ବାକ୍ୟ 14:12

ବେନଡ଼୍ ଇଶ୍ୱର୍‌ତେ ଆଦେଶ୍‍ ପାଲନ୍‍ ମାଡ଼ୁତନ୍ ନୁ ଜିସୁନ୍ ପରୁ ବିଶ୍ୱାସ୍‍ତଣ୍ଡ୍, ଇଶ୍ୱର୍‌ତେ ଆ ନାରିଡ଼୍‍ ପାକେ ସହିଷ୍ଣତା ନିଜାମ୍‌ ଦର୍‍କାର୍‍ ।