Yoane 9:3 - Le Nouveau Testament en Kikwango 1950

³ Yesu vutulaka: Muntu yai salaka masumu ve keti tata ye ngudi ya yandi ve, kansi sambu na bisalu ya Nzambi lenda kumonika mu yandi.

Yoane 9:3 Iomraidhean Croise

Matai 11:5

bampofo mona, batembidi tambula, bankwa bwazi vediswa, bafwa makutu kuwa, bafwa fulukiswa, nsamu mbote samunwa kwa bansukami. Yes. 35:5; 61:1

Yoane 11:4

Kansi bu Yesu kuwaka yo, yandi tubaka: Ikele maladi ya lufwa ve, kansi sambu na nkembo kwa Nzambi, na Mwana ya Nzambi lenda kukembiswa mu yo.

Yoane 11:40

Yesu tubaka kwa yandi: Mono imene kutuba kwa nge ve: Kana nge kwikila nge tamona nkembo ya Nzambi ?

Bisalu Ya Bantumwa 28:4

Bu bantu ya nsi yina monaka nioka ya mbi va diboko ya yandi, bau tubanaka: Kieleka muntu yai ikele mufwi, kadi yandi vuluswaka na masa, kansi mfundusu tonda kubikaka yandi vanda na moyo ve. 5 Mose 32:24; Yobi 20:16; Luk. 13:2

Bisalu Ya Bantumwa 4:21

Bu bau imene kutuba ndinga ya makasi yankaka kwa bau, bau bikaka bau kwenda, sambu na bau monaka mambu ve kubula bau, sambu na bantu, kadi bantu yonso kembisaka Nzambi sambu na mambu ya salwaka.

1 Yoane 4:16

Beto zaba ye kwikila zola ya Nzambi kwa beto. Nzambi ikele zola, yandi ya ikele kuvanda mu zola, ikele kuvanda mu Nzambi, ye Nzambi ikele kuvanda mu yandi.

1 Yoane 4:9

Mu yai zola ya Nzambi moniswaka kwa beto, sambu na Nzambi fidisaka Mwana ya yandi mosi kaka mu nsi, na beto lenda kuvanda na moyo mu yandi. Yoa. 3:16; Lom. 5:8; 8:32; 1 Yoa. 3:16