Yoane 9:2 - Le Nouveau Testament en Kikwango 1950

² Banlonguki ya yandi yuvulaka yandi kutuba: Nlongi, nani salaka masumu, yandi keti tata ye ngudi ya yandi, na yandi butukaka mpofo ?

Yoane 9:2 Iomraidhean Croise

Matai 16:14

Bau tubaka: Bankaka tuba Yoane Mbotiki, bankaka Elia, bankaka Yelemia keti mosi ya bambikudi. Mat. 14:2

Matai 23:7

ye peswa mbote mu mazandu, ye bingwa Labi ya bantu.

Matai 23:8

Kansi beno bingwa Labi ve, kadi mosi kaka ikele nlongi ya beno, ye beno yonso ikele bampangi. Yak. 3:1

Luka 13:2

Yandi vutulaka ye tubaka kwa bau: Beno banza bantu ya Ngalili yai, lutaka bantu ya Ngalili yonso na masumu, sambu na bau monaka mpasi yai ?

Yoane 4:31

Mu ntangu yina banlonguki ya yandi lombaka yandi, kutuba: Nlongi, kudia.

Yoane 9:1

Bu Yesu lutaka yandi monaka mpofo, tuka lubutuku ya yandi.

Yoane 9:34

Bau vutulaka ye tubaka kwa yandi: Nge imene kubutuka mu masumu, ye nge longa beto ? Bau kulaka yandi.

Bisalu Ya Bantumwa 28:4

Bu bantu ya nsi yina monaka nioka ya mbi va diboko ya yandi, bau tubanaka: Kieleka muntu yai ikele mufwi, kadi yandi vuluswaka na masa, kansi mfundusu tonda kubikaka yandi vanda na moyo ve. 5 Mose 32:24; Yobi 20:16; Luk. 13:2