Yoane 5:4 - Le Nouveau Testament en Kikwango 1950

⁴ Wanjo ya Mfumu vandaka na kifu ya kota mu zinga ye vundula masa, konsomuntu kota ntete bu masa vundulwa, yandi beluka na konso maladi ya vandaka na yandi.

Yoane 5:4 Iomraidhean Croise

Matai 11:12

Kadi tuka bilumbu ya Yoane mbotiki ti ntangu yai, kimfumu ya zulu ikele kusalwa ngolo, ye bankwa ngolo ikele kubotula yo.

Matai 6:33

Kansi beno sosa ntete kimfumu ya Nzambi ya lunungu ya yandi, ye bima yai yonso mpe tapeswa kwa beno.

Luka 13:24

Beno nwana kukota mu mwelo ya fioti; kadi mono tuba kwa beno: Mingi tasosa kukota, kansi bau talenda ve.

Luka 16:16

Bansiku ye bambikudi vandaka ti na Yoane. Tuka ntangu yina nsamu mbote ya kimfumu ya Nzambi ikele kusamunwa, ye bantu yonso ikele kukota muna na ngolo.

Yoane 5:3

Mu yau lalaka kibuka ya bambevo ye bampofo ye ya batembidi ye ya tanda, bau vingila vundula ya masa.

Yoane 5:5

Kuna vandaka muntu mosi, ya vandaka na maladi mvu makumi tatu ye nana.

Yoane 5:7

Mbevo vutulaka kwa yandi: Mfumu, mono ikele na muntu ve bu masa vundulwa, kutula mono mu zinga, kansi bu mono ikele kwiza yankaka imene kukulumuka nantwala na mono.

1 Kolinto 6:11

Bankaka ya beno vandaka mpilayai, kansi beno imene kusukulwa, beno imene kusalwa nlongo, beno imene kunungiswa mu nkumbu ya Mfumu Yesu Klisto ye mu Mpeve ya Nzambi ya beto. Ef. 5:8; Kolo. 3:7; Tit. 3:3

1 Yoane 1:7

Kansi kana beto tambula mu mwini, bonso yandi ikele mu mwini, beto ikele na kintuadi sikamosi ye menga ya Yesu, Mwana ya yandi ikele kusukula beto tuka masumu yonso. Eb. 9:12; 1 Pet. 1:18; Nzai. 1:5