Yoane 4:3 - Le Nouveau Testament en Kikwango 1950

³ buna yandi katuka mu Yuda, yandi kwendaka ku Ngalili.

Yoane 4:3 Iomraidhean Croise

Matai 10:23

Bu bau zoma beno mu mbanza mosi, tinina ku yankaka, kadi kieleka mono tuba kwa beno: Beno taluta bambanza yonso ya Isaeli ve ntete Mwana ya muntu imene kwiza.

Malako 3:7

Kansi Yesu vutukaka sikamosi na banlonguki ya yandi ku mbu, ye kibuka ya nene ya katukaka na Ngalili ye Yuda landaka yandi. Luk. 6:17

Luka 17:11

Yo vandaka, bu bau kwendaka ku Yelusalemi, yandi kibeni lutaka nakati ya Samalia ye Ngalili.

Yoane 1:43

Kilumbu ya landa, Yesu zolaka kwenda ku Ngalili, yandi monaka Filipo. Yesu tubaka kwa yandi: Landa mono.

Yoane 10:40

Yandi vutukaka diaka ye kwendaka ku simu ya Yodani, sika ya Yoane vandaka kubotika ntete, ye kuna yandi vandaka.

Yoane 11:54

Sambu na yai, Yesu tambulaka diaka ve nantwala na baYuda, kansi yandi katukaka kuna, ye kwendaka ku ntoto mfinama ku nseke ya mpamba, ku mbanza bingwa, Efalaimi; kuna yandi vandaka na banlonguki.

Yoane 2:11

Yai ikele luyantiku ya bidimbu yina ya Yesu salaka mu Kana mu Ngalili, yo monikisaka nkembo ya yandi; banlonguki ya yandi kwikilaka yandi.

Yoane 3:22

Landa mambu yai, Yesu ye banlonguki ya yandi kwendaka ku nsi ya Yuda. Kuna yandi vandaka na bau ye yandi botikaka.

Yoane 3:32

yandi ikele kutuba kitemo ya mambu ya yandi monaka, ye kuwaka, kansi muntu ikele kubaka ve kitemo ya yandi. Yoa. 5:20; 8:26; 12:49; 14:10

Yoane 4:47

Bu yandi kuwaka Yesu imene kukatuka mu Yuda, ye imene kwiza ku Ngalili, yandi kwendaka kwa yandi, ye bombidila yandi, na yandi kulumuka ye belula mwana ya yandi, kadi mwana vandaka mfinama ku lufwa.

Yoane 7:1

Landa mambu yai, Yesu tambulaka mu Ngalili; kadi yandi zolaka kuzieta mu Yuda ve, sambu na baYuda, sosaka kufwa yandi.