Yoane 4:10 - Le Nouveau Testament en Kikwango 1950

¹⁰ Yesu vutulaka ye tubaka kwa yandi: Kana nge zabaka matabisi ya Nzambi ye nani ya tubaka kwa nge: Pesa mono ya kunwa, nge zolaka kuyuvula yandi, ye yandi imene kupesa nge masa ya moyo. Nk. 23:2; Yes. 12:3

Yoane 4:10 Iomraidhean Croise

Luka 11:13

Mpilayai kana beno ya ikele mbi, zaba kupesa bana ya beno matabisi mbote, buna Tata ya beno ya ikele mu zulu taluta kupesa Mpeve Yanlongo kwa bau ya lomba yandi.

Yoane 16:3

Kansi mambu yai bau tasala, sambu na bau zaba Tata keti mono ve.

Yoane 17:3

Yai ikele moyo ya mvu ya mvu, na bau tazaba nge Nzambi mosi kaka ya kieleka; ye yandi ya nge fidisaka Yesu Klisto.

Yoane 3:16

Kadi Nzambi luta kuzola bantu ya nsi, yandi pesaka Mwana ya yandi mosi kaka, na konsonani kwikila yandi takufwa ve, kansi yandi ikele na moyo mvu ya mvu. Lom. 5:8; 1 Yoa. 4:9

Yoane 4:14

kansi konsonani ya kunwa masa ya mono tapesa yandi, yandi tamona kiwini diaka ve, mvu ya mvu, kansi masa ya mono tapesa yandi, tavanda mu yandi nto ya masa ya tomboko mu moyo mvu ya mvu. Yoa. 6:35; Yes. 55:1; Yoa. 6:27; 7:37

Yoane 6:35

Buna Yesu tubaka kwa bau: Mono ikele mampa ya moyo. Konsomuntu ya kwiza kwa mono takufwa nzala ve ta mbala mosi; ye ya kwikila mono, tamona kiwini ve ta mbala mosi. Yes. 55:1; Mat. 11:28; Yoa. 4:14; 7:37

Yoane 6:51

Mono ikele mampa ya ikele na moyo ya kulumuka tuka zulu. Kana muntu kudia mampa yai, yandi tavanda na moyo mvu ya mvu; mampa ya mono pesa ikele nsuni ya mono, ya mono tapesa sambu na moyo ya nsi. Yoa. 3:13

Bisalu Ya Bantumwa 9:11

Mfumu tubaka kwa yandi: Telema, kwenda mu nzila ya bingwa yasungama, yuvula na nzo ya Yuda, sambu na muntu nkumbu ya yandi Sauli, yandi katuka na Talaso; kadi tala, yandi ikele kulomba.

Loma 8:32

Yandi ya buyaka ve Mwana mosi ya yandi, kansi pesaka yandi sambu na beto yonso, yandi lenda ve mu yandi kupesa beto mpe bima yonso ya matabisi ? Yoa. 3:16; Lom. 4:25; 5:6, 9

1 Kolinto 1:30

Kansi sambu na yandi, beno ikele mu Klisto Yesu, kitulwa ngangu tuka Nzambi ye kutulwa lunungu ye nlongo ye nkudulu kwa beto,

1 Kolinto 10:4

bau yonso kunwaka ndwinu mosi ya kimpeve, kadi bau kunwaka na ditadi ya kimpeve ya landaka bau, ditadi yina ikele Klisto. 2 Mose 17:6; 4 Mose 20:11; Nk. 78:15; 105:41

2 Kolinto 9:15

Bika Nzambi kupeswa matondo sambu na matabisi ya yandi ya konda kutuba.

Efeso 2:8

Kadi, mu nlemvo, beno vuluswaka mu lukwikilu, yo ikele sambu na beno kibeni ve, ikele matabisi ya Nzambi, Lom. 3:24; 4:16; Tit. 3:6

Ebeleo 6:4

Kansi sambu na bau ya kienzulwa ntete, ye bau ya mekaka matabisi ya zulu ye bau ya vandaka bintwadi mu Mpeve Yanlongo Eb. 10:26

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.

Nzaikulu 21:6

Yandi tubaka kwa mono: Imene kusalwa. Mono ikele Alafa ye Omega, luyantiku ye nsuka. Mono tapesa kwa yandi ya ikele na kiwini kunwa na nto ya masa ya moyo na kufuta ve. Yes. 44:6; 55:1; Yoa. 7:37; Nzai. 16:17; 19:9; 22:6, 17

Nzaikulu 22:17

Mpeve ya nkento ya makwela tuba: Kwiza! Yandi ya kuwa, bika yandi tuba: Kwiza! Yandi ya ikele na kiwini, bika yandi kwiza, yandi ya zola, bika yandi baka masa ya moyo ya futa ve. Yes. 55:1; Yoa. 4:14; 7:37; Nzai. 14:13; 21:6

Nzaikulu 7:17

Kadi Mwana Dimeme ya ikele nakati kiti ya nkembo tavanda mvungi ya bau ye tatwala bau ku banto ya masa ya moyo; Nzambi takunguna mansanga yonso na meso ya bau. Nk. 23:1; Yes. 25:8; 40:10; Nzai. 21:4