Yoane 3:2 - Le Nouveau Testament en Kikwango 1950

² Yandi kwizaka kwa Yesu mu mpimpa, ye tubaka kwa yandi: Nlongi, beto zaba, nge ikele nlongi ya katuka na Nzambi; kadi muntu lenda ve kusala bidimbu yai, ya nge ikele kusala, kana Nzambi ikele na yandi ve. Yoa. 7:50; 9:16, 33; 19:39

Yoane 3:2 Iomraidhean Croise

Matai 22:16

Bau fidisaka banlonguki ya bau ye bantu ya Elode kwa yandi, bau tubaka: Nlongi, beto zaba na nge ikele ya kieleka, ye ikele kulonga nzila ya Nzambi mu kieleka, ye nge ti ta muntu ve, kadi nge ikele kutala luse ya bantu ve.

Matai 23:7

ye peswa mbote mu mazandu, ye bingwa Labi ya bantu.

Matai 23:8

Kansi beno bingwa Labi ve, kadi mosi kaka ikele nlongi ya beno, ye beno yonso ikele bampangi. Yak. 3:1

Malako 12:14

Bu bau kumaka, bau tubaka kwa yandi: Nlongi, beto zaba nge ikele ya kieleka, ye nge ikele kutula bantu yonso kitezo mosi, kadi nge ikele kutala luse ya muntu ve, kansi nge ikele kulonga nzila ya Nzambi mu kieleka: Nsiku pesa nzila kufuta mpaku kwa Kaisali keti ve.

Yoane 1:38

Buna Yesu pindukaka, yandi monaka bau kulanda yandi, yandi yuvulaka bau: Nki beno sosa ? Bau tubaka kwa yandi: Labi— tendula yai ikele Nlongi—, nge vanda wapi ?

Yoane 10:38

Kansi kana mono sala yau, kana beno kwikila mono ve, kwikila bisalu yai, na beno lenda kuzaba ye kubakisa na Tata ikele mu mono, ye mono mu Tata. Yoa. 14:10; 17:21

Yoane 12:37

Kansi yandi salaka bidimbu mingi nantwala na bau, kansi bau kwikilaka yandi ve,

Yoane 14:10

Nge kwikila ve, mono ikele mu Tata, ye Tata mu mono ? Mambu ya mono tuba kwa beno, mono tuba mono mosi ve, kansi Tata ya vanda mu mono, ikele kusala bisalu ya yandi.

Yoane 15:24

Kana mono imene kusala ve bisalu nakati ya bau na muntu yankaka salaka ve, bau ikele na masumu ve, kansi ntangu yai bau imene kumona mono, ye kuvanda na makasi kwa mono ye kwa Tata ya mono.

Yoane 2:11

Yai ikele luyantiku ya bidimbu yina ya Yesu salaka mu Kana mu Ngalili, yo monikisaka nkembo ya yandi; banlonguki ya yandi kwikilaka yandi.

Yoane 20:16

Yesu tubaka kwa yandi: Malia. Yandi pindukaka, ye tubaka kwa yandi mu kiEbeleo: Labuni! yo ikele kubingwa, Nlongi!

Yoane 3:26

Bau kwizaka kwa Yoane, ye tubaka kwa yandi: Nlongi, yandi ya vandaka na nge kuna simu ya Yodani ya nge tubaka kitemo, tala yandi ikele kubotika, ye bantu yonso ikele kwiza kwa yandi. Yoa. 1:15, 26, 30

Yoane 4:31

Mu ntangu yina banlonguki ya yandi lombaka yandi, kutuba: Nlongi, kudia.

Yoane 5:36

Kansi kitemo ya mono ikele, na yo luta yina ya Yoane, kadi bisalu ya Tata pesaka mono kumanisa yau, bisalu yai ya mono sala, kutuba kitemo sambu na mono, na Tata imene kufidisa mono. Yoa. 10:25; 14:11

Yoane 6:2

Kibuka ya nene landaka yandi, sambu na bau monaka bidimbu ya yandi salaka kwa bambevo.

Yoane 7:31

Kansi mingi ya kibuka kwikilaka mu yandi, ye tubaka: Bu Klisto takwiza, yandi tasala bidimbu ya luta mingi na muntu yai imene kusala ? Yoa. 8:30

Yoane 9:16

Buna bafalisi yankaka tubaka: Muntu yai katukaka na Nzambi ve, sambu na yandi ikele kulunda ve kilumbu ya luvundu. Kansi bankaka tubaka: Mpila nki muntu ya masumu lenda kusala bidimbu yai ? Mpilayai bau vandaka na ntembe.

Bisalu Ya Bantumwa 10:38

Ikele Yesu ya Nazaleti, ya Nzambi sitaka na Mpeve Yanlongo ye na ngolo, yandi zietaka ye salaka mbote ye belulaka bau yonso ya moniswa mpasi ya diable, kadi Nzambi vandaka na yandi.

Bisalu Ya Bantumwa 2:22

Beno babakala ya Isaeli, kuwa mambu yai: Yesu ya Nazaleti, muntu ya Nzambi songaka kitemo kwa beno mu bisalu ya ngolo ye nyitukulu ye bidimbu, ya Nzambi salaka mu yandi nakati na beno bonso beno kibeni zaba. Bis. 10:38

Filipi 1:14

sambu na yai, bampangi mingi mu Mfumu, bu bau tulaka vuvu sambu na minyololo ya mono, bau tulaka kikesa ngolo kutuba mambu ya Nzambi na kutita ve.