Yoane 3:11 - Le Nouveau Testament en Kikwango 1950

¹¹ Kieleka, kieleka, mono tuba kwa nge: Beto ikele kutuba ya beto zaba, ye beto tuba kitemo ya beto imene kumona, ye beno ikele kubaka kitemo ya beto ve. Yoa. 7:16; 8:28; 12:49; 14:24

Yoane 3:11 Iomraidhean Croise

Matai 11:27

Tata ya mono imene kupesa mono bima yonso; muntu zaba Mwana ve kaka Tata, ye muntu zaba Tata ve kaka Mwana, ye konsonani ya Mwana zola kuzabisa yandi. Nk. 8:6; Mat. 28:18; Yoa. 1:18; 3:35; 6:46; 17:2

Matai 23:37

Yelusalemi, Yelusalemi, ya kufwa bambikudi ye kufwa na matadi bau ya fidiswa kwa nge! Mbala mingi mono zola kutikisa bana ya nge, mpilamosi nsusu ikele kutikisa bana ya yandi nansi ya maveve ya yandi, kansi beno zolaka ve. Yes. 31:5; 65:2; Yel. 7:13; Luk. 13:34

Luka 10:22

Mambu yonso peswaka mono tuka Tata ya mono, ye muntu zaba ve Mwana ikele nani, kansi Tata, ye Tata ikele nani kansi Mwana kaka, ye konsonani ya Mwana zola kuzabisa yandi. Nk. 8:6; Yoa. 3:35; Yoa. 17:2; Ef. 1:20; Yoa. 1:18; 6:46; 10:15

Yoane 1:11

Yandi kwizaka kwa ya yandi, kansi bau ya vandaka ya yandi bakaka yandi ye.

Yoane 1:18

Muntu imene kumona Nzambi ve ta mbala mosi; Mwana mosi kaka ya vandaka na ntulu ya Tata, yandi imene kuzaisa yandi. Mat. 11:27; Luk. 10:22; Yoa. 6:46; 1 Tim. 6:16

Yoane 12:49

Kadi mono tubaka mu mono mosi ve, kansi Tata ya fidisaka mono, yandi imene kupesa mono nsikudukusu, nki mono fwiti kutuba ye nki mono fwiti kusamuna. Yoa. 14:10

Yoane 14:24

Yandi ya zola mono ve, ikele kulunda ndinga ya mono ve. Mambu ya beno kuwaka ikele ya mono ve, kansi ikele ya Tata ya fidisaka mono. Yoa. 7:16

Yoane 3:12

Bu mono tuba kwa beno mambu ya ntoto ye beno kwikila ve, buna nki mpila beno takwikila, bu mono tuba kwa beno mambu ya zulu ?

Yoane 3:13

Muntu imene kutombokaka ku zulu ve, kansi yandi ya kulumukaka tuka zulu, ikele Mwana ya muntu ikele mu zulu. Bing. 30:4; Yoa. 6:62; Ef. 4:9

Yoane 3:3

Yesu vutulaka ye tubaka kwa yandi: Kieleka, kieleka, mono tuba kwa nge: Kana muntu butuka yampa ve, yandi lenda ve kumona kimfumu ya Nzambi. Tit. 3:5

Yoane 3:5

Yesu vutulaka: Kieleka, kieleka, mono tuba kwa nge: Kana muntu butuka ve na masa ye Mpeve, yandi lenda ve kukota mu kimfumu ya Nzambi.

Yoane 5:43

Mono kwizaka mu nkumbu ya Tata ya mono, kansi beno baka mono ve; kana yankaka takwiza mu nkumbu ya yandi mosi, beno tabaka yandi.

Yoane 7:16

Buna Yesu vutulaka kwa bau, ye tubaka: Malongi ya mono ikele ya mono ve, kansi ya yandi ya fidisaka mono. Yoa. 12:49

Yoane 8:14

Yesu vutulaka tubaka kwa bau: Kana mono ikele kutuba kitemo ya mono mosi, kansi kitemo ya mono ikele kieleka, kadi mono zaba sika ya mono katuka ye sika ya mono takwenda, kansi beno zaba ve sika ya mono katuka keti ya mono kwenda.

Yoane 8:26

Mono ikele na mambu mingi kutuba ye kufundisa mu beno, kansi yandi ya fidisaka mono ikele kieleka; mambu yonso ya mono kuwaka kwa yandi mono tuba yau ku nsi.

Yoane 8:38

Mono tuba mambu ya mono monaka kwa Tata, mpilayai beno mpe sala mambu ya beno kuwaka kwa tata ya beno.

Bisalu Ya Bantumwa 22:18

Mono monaka Mfumu tuba kwa mono: Sala ntinu, katuka nswalu na Yelusalemi kadi bau takwikila ve kitemo ya nge sambu na mono.

2 Kolinto 4:4

Kadi nzambi ya nzi yai imene kufwa meso ya mabanza ya bantu ya konda lukwikilu, na mwini ya nsamu mbote ya nkembo ya Klisto ya ikele kifwani ya Nzambi takienzudila bau ve. Kolo. 1:15

Nzaikulu 1:5

ye tuka Yesu Klisto, ntemo ya kwikama, ya ntete ya fulukiswa tuka bafwa ye yandi ikele nyadi ya bamfumu ya ntoto. Kwa yandi ya zolaka beto ye sukulaka masumu ya beto mu menga ya yandi. Nk. 89:27; 51:2; 1 Kol. 15:20; Kolo. 1:18; Eb. 9:12, 14; 1 Pet. 1:18; 1 Yoa. 1:7, 9; Nzai. 3:14

Nzaikulu 3:14

Sonika kwa wanjo ya dibundu mu Laodikia: Mambu yai tubaka yandi ya ikele Amen, kitemo ya kwikama ye ya kieleka, luyantiku ya nsemono ya Nzambi: Bing. 8:22; Kolo. 1:15; Nzai. 1:5; 19:11