Yoane 21:16 - Le Nouveau Testament en Kikwango 1950

¹⁶ Yandi tubaka diaka kwa yandi mbala ya zole: Simoni, mwana ya Yona, Nge zola mono ? Yandi tubaka kwa yandi: E, Mfumu, nge zaba na mono zola nge. Yandi tubaka kwa yandi: Vanda mvungi ya mameme ya mono.

Yoane 21:16 Iomraidhean Croise

Matai 2:6

Nge Betelemi, mu nsi ya Yuda, nge ikele fioti ve nakati bamfumu ya Yuda, kadi mu nge tabasika nyadi ya tavanda mvungi ya bantu ya mono Isaeli. Mika 5:2

Matai 25:32

Makanda yonso takutakana nantwala na yandi, ye yandi takabisa bau mpilamosi mvungi kabisa mameme ye bankombo. Lom. 14:10; 2 Kol. 5:10; Yeh. 34:17, 20

Matai 26:72

Yandi buyaka diaka mu ndefi: Mono zaba muntu yai ve.

Luka 19:10

Kadi Mwana ya muntu imene kwiza kusosa ye kuvulusa bau ya vilaka.

Yoane 18:17

Buna sielo nkento, nkengi ya mwelo, tubaka kwa Petelo: Kansi nge mpe ikele ya nlonguki ya muntu yai ? Yandi tubaka: Ikele mono ve.

Yoane 18:25

Simoni Petelo telemaka ye yotilaka tiya. Buna bau tubaka kwa yandi: Kadi nge mpe ikele nlonguki ya yandi ? Yandi buyaka ye tubaka: Ikele mono ve.

Yoane 21:17

Yandi tubaka kwa yandi diaka mbala ya tatu: Simoni, mwana ya Yona, Nge zola mono ? Petelo vandaka na ntantu, sambu na yandi tubaka kwa yandi mbala ya tatu: Nge zola mono ? Yandi tubaka kwa Yandi: Mfumu, nge zaba mambu yonso; nge zaba na mono zola nge. Yesu tubaka kwa yandi: Dikila mameme ya mono.

Bisalu Ya Bantumwa 20:28

Beno ditomatala beno kibeni ye kibuka yamvimba ya mameme, ya Mpeve Yanlongo imene kutula beno minkengi, kuvanda bamvungi ya dibundu ya Mfumu, ya yandi sumbaka na menga ya yandi kibeni. Nk. 74:2; Kolo. 1:14; 1 Tim. 3:1; 4:16; 1 Pet. 5:2; Ef. 1:7

Ebeleo 13:20

Ntangu yai, Nzambi ya yenge, ya vutulaka Mfumu ya beto Yesu tuka bafwa, yandi ikele mvungi ya nene ya mameme, mu menga ya luwawanu va mvu ya mvu, Yes. 63:11; Yel. 10:11; 1 Tes. 5:23; 1 Pet. 2:25; 5:4

1 Petelo 2:25

Kadi beno vandaka ya kuvila bonso mameme, kansi ntangu yai beno imene kuvutuka kwa Mvungi ye Nkengi ya miela ya beno. Yes. 53:6; Yel. 34:5; Yoa. 10:11; Eb. 13:20

1 Petelo 5:2

Vanda mvungi ya mameme ya Nzambi ya ikele nakati na beno, mu ngolo ve, kansi mu luzolo, bonso ikele luzolo ya Nzambi sambu na ndandu ya nsoni ve, kansi mu zola ya ntima. Bis. 20:28; 1 Tim. 3:3; Tit. 1:7, 11

Nzaikulu 7:17

Kadi Mwana Dimeme ya ikele nakati kiti ya nkembo tavanda mvungi ya bau ye tatwala bau ku banto ya masa ya moyo; Nzambi takunguna mansanga yonso na meso ya bau. Nk. 23:1; Yes. 25:8; 40:10; Nzai. 21:4