Yoane 19:4 - Le Nouveau Testament en Kikwango 1950

⁴ Pilatu basikaka diaka ye tubaka kwa bau: Tala, mono imene kutwala yandi kwa beno, na beno lenda kuzaba, na mono mona mbi mu yandi ve. Yoa. 18:38

Yoane 19:4 Iomraidhean Croise

Matai 27:19

Bu yandi vandaka va kiti ya mfundisi, nkento ya yandi fidisaka kwa yandi, kutuba: Kota ve mu mambu ya muntu yai ya lunungu, kadi mono imene kumona mpasi mingi mu ndozi sambu na yandi bubu.

Matai 27:24

Bu Pilatu monaka, yandi lenda ve kusala kima, kansi na makalele lutaka, buna yandi bakaka masa ye sukulaka maboko ya yandi nantwala na kibuka, kutuba: Mono ikele na mambu ve na menga ya muntu yai ya lunungu. Yo ikele mambu ya beno.

Matai 27:4

yandi tubaka: Mono imene kusala masumu, bu mono yekulaka menga ya konda mbi. Kansi bau tubaka: Yai ikele nki kwa beto ? Nge mosi tala yo.

Matai 27:54

Nkuluntu ya basoldat ye bau ya vandaka na yandi kukenga Yesu, bu bau monaka ndikunu ya ntoto ye mambu ya salwaka, bau vandaka na boma mingi, kutuba: Kie leka, yandi ikele Mwana ya Nzambi.

Luka 23:4

Buna Pilatu tubaka kwa bambuta banganga ye kwa bibuka: Mono mona mbi ve mu muntu yai.

Luka 23:41

Bau imene kuzenga mambu ya beto mbote, kadi beto baka nsendo ya lunga mu mambu ya beto salaka, kansi yai salaka mambu mbi ve.

Luka 23:47

Bu nkuluntu ya basoldat monaka mambu ya salwaka yandi kembilaka Nzambi, kutuba: Kieleka yai ikele nkwa lunungu.

Yoane 18:33

Buna Pilatu kotaka diaka mu nzo ya nyadi ye bingaka Yesu ye tubaka kwa yandi: Nge ikele ntinu ya baYuda ? Mat. 27:11; Mal. 15:2; Luk. 23:3

Yoane 18:38

Pilatu tubaka kwa yandi: Nki ikele kieleka ? Bu yandi imene kutuba yai, yandi basikaka diaka kwa baYuda, ye tubaka kwa bau: Mono mona mbi mu yandi ve. Mat. 27:15; Mal. 15:6; Luk. 23:18; Yoa. 19:4

Yoane 19:6

Bu bambuta banganga ye bapolisi monaka yandi, bau bokaka ye kutuba: Koma yandi va kulunsi, koma yandi va kulunsi! Pilatu tubaka kwa bau: Baka yandi beno mosi, ye koma yandi va kulunsi, kadi mono mona mbi mu yandi ve. Mat. 27:23

2 Kolinto 5:21

Yandi ya zabaka masumu ve, Nzambi kitulaka yandi masumu na sika ya beto, na beto lenda kuvanda lunungu ya Nzambi sambu na yandi. Yes. 53:1; 1 Pet. 2:22; Lom. 5:19; 8:3; Ngal. 3:13; 1 Yoa. 3:5

Ebeleo 7:26

Kadi nganga nene ya mpilayai lunga kwa beto, yandi ikele ya nlongo, ya konda mbi, ya konda kusumunwa, ya kutanaka na bankwa masumu ve, ye ya tombolwaka va zulu ya bimba yonso, Eb. 4:14

1 Petelo 1:19

kansi mu menga ya ntalu ya Klisto bonso ya mwana dimeme ya konda kieta keti tona. 1 Kol. 5:7; 6:20; Eb. 9:12, 14; Nzai. 5:9

1 Petelo 2:22

Yandi salaka masumu ve, mbi wakana mu munoko ya yandi ve; Yes. 53:9; 2 Kol. 5:21; 1 Yoa. 3:5

1 Petelo 3:18

Kadi Klisto mpe kufwaka mbala mosi sambu na masumu, nkwa lunungu sambu na bankwa kondwa lunungu, na yandi lenda kutwala beto kwa Nzambi, bau kufwaka yandi mu nsuni, kansi yandi ikele na moyo mu mpeve. Lom. 5:6; 2 Kol. 13:4; Eb. 9:15, 28

1 Yoane 3:5

Beno zaba yandi monikaka kukatula masumu, ye mu yandi masumu ikele ve. Yes. 53:4, 9; 2 Kol. 5:21; 1 Pet. 2:22, 24