Yoane 17:3 - Le Nouveau Testament en Kikwango 1950

³ Yai ikele moyo ya mvu ya mvu, na bau tazaba nge Nzambi mosi kaka ya kieleka; ye yandi ya nge fidisaka Yesu Klisto.

Yoane 17:3 Iomraidhean Croise

Malako 9:37

Konsonani ya baka mosi ya bana fioti mpilayai kaka mu nkumbu ya mono, yandi ikele kubaka mono; konsonani ya baka mono, ikele kubaka mono ve kansi yandi ya fidisaka mono.

Luka 9:48

Yandi tubaka kwa bau: Konsonani ya baka mwana yai ya fioti mu nkumbu ya mono ikele kubaka mono, konsonani ya baka mono, ikele kubaka yandi ya fidisaka mono; sambu na konsonani ya luta fioti nakati na beno yonso, yandi tavanda yanene. Luk. 10:16; 14:11; 18:14; Yoa. 13:20

Yoane 10:36

buna beno tuba sambu na yandi, ya Tata tulaka nlongo ye fidisaka mu nsi: Nge ikele kutuba mbi. Sambu na mono tubaka: Mono ikele Mwana ya Nzambi ?

Yoane 11:42

Ye mono, zaba nge ikele kuwa mono ntangu yonso, kansi sambu na kibuka ya telema ye zunga mono, mono tuba yo, na bau lenda kukwikila nge imene kufidisa mono.

Yoane 14:26

Kansi Nsadisi, ya ikele Mpeve Yanlongo, ya Tata tafidisa mu nkumbu ya mono, yandi talonga beno mambu yonso, ye bambukisa beno mambu yonso ya mono tubaka kwa beno. Yoa. 15:26; 16:13

Yoane 17:18

Bonso nge fidisaka mono mu nsi, mpilayai mono fidisa bau mu nsi.

Yoane 17:21

mpilayina bau yonso tavanda mosi, bonso nge Tata mu mono ye mono mu nge, na bau mpe vanda mu beto, na nsi lenda kukwikila na nge fidisaka mono. Yoa. 10:38; 14:11

Yoane 17:23

Mono mu bau, nge mu mono, na bau talungiswa mu mosi, na nsi lenda kuzaba, nge fidisaka mono, ye nge zola bau, bonso nge zola mono. 1 Yoa. 1:3; 3:24

Yoane 17:25

Tata ya lunungu, nsi zaba nge ve, kansi mono zaba nge; ye bayai zaba na nge fidisaka mono. Yoa. 16:3; 17:8

Yoane 17:8

Sambu na mambu ya nge pesaka kwa mono, mono pesaka kwa bau; ye bau bakaka yau ye zabaka kieleka, na mono katuka na nge ye bau kwikilaka, na nge fidisaka mono. Yoa. 17:25; 16:30

Yoane 3:17

Kadi Nzambi fidisaka Mwana ya yandi mu nsi ve, sambu na fundisa nsi, kansi na nsi lenda kuvuluswa mu yandi. Yoa. 12:47; 1 Yoa. 4:4

Yoane 3:34

Kadi yandi ya fidiswa kwa Nzambi ikele kutuba ndinga ya Nzambi, kadi yandi pesa ve Mpeve mu kitezo. Yes. 11:2; Bis. 10:38; Ef. 4:7

Yoane 5:44

Mpila nki beno lenda kukwikila, bu beno sosana nkembo, kansi beno sosa ve nkembo ya katuka na Nzambi kibeni kaka ?

Yoane 6:57

Bonso Tata ya moyo fidisaka mono, ye mono ikele na moyo sambu na Tata, mpilayai, yandi ya kudia mono, yandi mpe tavanda na moyo sambu na mono.

Yoane 7:29

Mono zaba yandi, sambu na mono katuka kwa yandi; ye yandi fidisaka mono. Mat. 11:27; Yoa. 10:15

Yoane 8:19

Buna bau tubaka kwa yandi: Wapi Tata ya nge ? Yesu vutulaka: Beno zaba mono ve keti Tata ya mono. Kana beno zabaka mono, beno imene kuzaba Tata ya mono mpe. Yoa. 14:7, 9

1 Kolinto 15:34

Sikama ku konda kukolwa, sala lunungu, sala masumu ve! Kadi bankaka konda kuzaba Nzambi. Mono tuba yai kumonisa beno nsoni.

1 Kolinto 8:4

Buna sambu na mbizi ya yokwa nkailu kwa biteki, beto zaba kiteki ikele kima ve na nsi yai, ye Nzambi yankaka ikele ve, kansi mosi kaka. 5 Mose 4:36; 6:4; Mal. 12:29; 1 Kol. 10:20; Ef. 4:5; 1 Tim. 2:5

2 Kolinto 4:6

Sambu na yo ikele Nzambi ya tubaka: Mwini kienzula mu mpimpa; yo kienzulaka ntima ya beto, kupesa mwini ya nzailu ya nkembo ya Nzambi na luse ya Klisto.

Filipi 3:10

na mono lenda kuzaba yandi ye ngolo ya mfulukulu ya yandi ye kintuadi ya mpasi ya yandi, ye kuvanda mpilamosi yandi mu lufwa ya yandi,

Filipi 3:8

Kieleka, mono ikele kutanga mambu yonso bonso mvidusu sambu na nzailu ya luta mbote ya Klisto Yesu, Mfumu ya mono, sambu na yandi mono vidisaka mambu yonso, mono ikele kutanga yo bonso kima ya sumuka na mono lenda kubaka Klisto ndandu,

1 Tesalonika 1:9

Kadi bau kibeni ikele kutuba bonso beto kotaka nakati ya beno, ye bonso beno pindukaka kwa Nzambi ye bikaka biteki, sambu na sadila Nzambi ya ikele na moyo ye ya kieleka. Bis. 4:15

2 Tesalonika 1:8

mu nlemo ya tiya kuvutula ndinda kwa bau ya zaba Nzambi ve ye bau ya lemvuka ve nsamu mbote ya Mfumu ya beto Yesu. Yes. 66:15; Lom. 2:8; 2 Pet. 3:7

Ebeleo 3:1

Sambu na yai, bampangi ya nlongo, bintwadi mu mbokolo ya zulu, beno tala Ntumwa ye Nganga nene ya kitemo ya lukwikilu ya beto, yandi ikele Yesu.

2 Petelo 1:2

Bika nlemvo ye yenge kwiza mingi kwa beno mu nzailu ya Nzambi ye Yesu Mfumu ya beto. 1 Pet. 1:2

2 Petelo 1:3

Kadi ngolo ya yandi ya kinzambi imene kupesa beto mambu yonso ya lunga na moyo ye vumi ya Nzambi, mu nzailu ya yandi ya bingaka beto mu nkembo ya yandi ye mbote ya yandi.

2 Petelo 1:8

Kadi kana mambu yai yonso ikele na beno ye ikele mingi, beno tavanda bumolo ve ye konda mabundu ve mu nzailu ya Mfumu ya beto Yesu Klisto.

1 Yoane 1:2

Moyo yina monikaka, ye beto monaka yo, ye beto ikele kutuba kitemo ye kusamuna kwa beno moyo ya mvu ya mvu, ya vandaka na Tata, ye monikaka kwa beto.

1 Yoane 1:3

Mambu ya beto monaka ye ya beto kuwaka, beto ikele kutuba yau kwa beno mpe, na beno mpe lenda kuvanda kintuadi na beto; ye kintuadi ya beto ikele na Tata ye Mwana ya yandi Yesu Klisto. Yoa. 17:21; 1 Kol. 1:9

1 Yoane 2:23

Konsonani ya ikele kubuya Mwana, yandi ikele mu Tata ve, kansi muntu ya ikele kundima Mwana, yandi ikele mu Tata mpe. Yoa. 15:23; 1 Yoa. 4:15

1 Yoane 4:6

Beto ikele ya Nzambi, yandi ya zaba Nzambi ikele kuwa beto, yandi ya ikele ya Nzambi ve ikele kuwa beto ve. Mu yai beto zaba mpeve ya kieleka ye mpeve ya luvunu. Yoa. 8:47; 10:27

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.