Yoane 13:5 - Le Nouveau Testament en Kikwango 1950

⁵ Buna yandi tulaka masa mu dilonga, ye yantikaka kusukula makulu ya banlonguki, ye kukunguna yo na kitambala ya yandi kangaka va luketo.

Yoane 13:5 Iomraidhean Croise

Luka 7:38

yandi telemaka nanima na makulu ya yandi ye dilaka, ye yantikaka kutula mansanga va makulu ya yandi, ye kunguna yau na nsuki ya yandi, ye fibaka makulu ya yandi, ye sitaka yau mafuta nsunga.

Luka 7:44

Bu yandi pindukaka kwa nkento, yandi tubaka kwa Simoni: Nge mona nkento yai ? Mono kotaka mu nzo ya nge, nge pesaka mono masa ve sambu na makulu ya mono, kansi yandi tulaka mansanga va makulu ya mono, ye kungunaka yau na nsuki ya yandi. 1 Mose 18:4

Yoane 13:10

Yesu tubaka kwa yandi: Yandi ya imene kuyobila ikele na mambu ve na sukula, kansi kaka na makulu, kansi yandi ikele ya vedila yonso, ye beno ikele ya vedila, kansi beno yonso ve. Yoa. 15:3; Bis. 15:9

Yoane 13:6

Buna yandi kwizaka kwa Simoni Petelo, Petelo tubaka kwa yandi: Mfumu, nge sukula makulu ya mono ?

Yoane 13:8

Petelo tubaka kwa yandi: Nge tasukula makulu ya mono ta fioti ve. Yesu vutulaka kwa yandi: Kana mono sukula nge ve, nge ikele na mono kintwadi ve.

Yoane 19:34

kansi soldat mosi ya vandaka na dionga bulaka yandi mu lubanzi, nswalu menga ye masa basikaka.

Bisalu Ya Bantumwa 22:16

Ntangu yai, sambu na nki nge vingila ? Telema, kubotikwa ye kusukulwa masumu ya nge, ye bombidila nkumbu ya Mfumu.

1 Kolinto 6:11

Bankaka ya beno vandaka mpilayai, kansi beno imene kusukulwa, beno imene kusalwa nlongo, beno imene kunungiswa mu nkumbu ya Mfumu Yesu Klisto ye mu Mpeve ya Nzambi ya beto. Ef. 5:8; Kolo. 3:7; Tit. 3:3

Efeso 5:26

na yandi lenda kutula yo nlongo, bu yandi vedisaka yo mu ngiobolo ya masa ye mu mambu ya yandi, Yoa. 3:5; Tit. 3:5

1 Timoteo 5:10

ye yandi ikele na kitemo ya kisalu ya mbote; kana yandi imene kusansa bana kana yandi sadisaka banzenza, kana yandi sukulaka makulu ya banlongo, kana yandi sadisaka bambevo, kana yandi imene kuvibidila mu bisalu yonso ya mbote. 1 Pet. 4:9

Ebeleo 10:22

bika beto kufinama mu ntima ya kieleka mu lukwikilu ya lunga, ntima ya beto sukulwa tuka kansansa ya mbi, ye nitu ya beto sukulwa mu masa ya vedila;

1 Yoane 1:7

Kansi kana beto tambula mu mwini, bonso yandi ikele mu mwini, beto ikele na kintuadi sikamosi ye menga ya Yesu, Mwana ya yandi ikele kusukula beto tuka masumu yonso. Eb. 9:12; 1 Pet. 1:18; Nzai. 1:5

1 Yoane 5:6

Yai ikele yandi ya kwizaka mu masa ya mu menga, ikele Yesu Klisto, mu masa kaka ve, kansi mu masa ye menga. Ye Mpeve ikele kutuba kitemo, kadi Mpeve ikele kieleka.

Nzaikulu 1:5

ye tuka Yesu Klisto, ntemo ya kwikama, ya ntete ya fulukiswa tuka bafwa ye yandi ikele nyadi ya bamfumu ya ntoto. Kwa yandi ya zolaka beto ye sukulaka masumu ya beto mu menga ya yandi. Nk. 89:27; 51:2; 1 Kol. 15:20; Kolo. 1:18; Eb. 9:12, 14; 1 Pet. 1:18; 1 Yoa. 1:7, 9; Nzai. 3:14

Nzaikulu 7:14

Mono tubaka kwa yandi: Mfumu ya mono, nge zaba. Yandi tuba kwa mono: Bau yai ikele bau ya katuka na mpasi ya nene ye bau sukulaka mvwatu ya bau ye salaka yau mpembe mu menga ya Mwana Dimeme. Mat. 24:21; 1 Kol. 6:11; Eb. 9:14; 1 Yoa. 1:7; Nzai. 1:5