Yoane 13:3 - Le Nouveau Testament en Kikwango 1950

³ Yesu zabaka na Tata imene kupesa bima yonso mu maboko ya yandi, ye yandi katukaka na Nzambi, ye ikele kwenda kwa Nzambi. Yoa. 3:35; 17:2; 1 Kol. 15:27

Yoane 13:3 Iomraidhean Croise

Matai 11:27

Tata ya mono imene kupesa mono bima yonso; muntu zaba Mwana ve kaka Tata, ye muntu zaba Tata ve kaka Mwana, ye konsonani ya Mwana zola kuzabisa yandi. Nk. 8:6; Mat. 28:18; Yoa. 1:18; 3:35; 6:46; 17:2

Matai 28:18

Yesu kwizaka kutuba kwa bau: Ngolo yonso imene kupeswa kwa mono mu zulu ye va ntoto. Nk. 2:6; Mat. 11:27; Yoa. 3:35; 13:3; 17:2; Ef. 1:22; Eb. 1:2; 2:8

Luka 10:22

Mambu yonso peswaka mono tuka Tata ya mono, ye muntu zaba ve Mwana ikele nani, kansi Tata, ye Tata ikele nani kansi Mwana kaka, ye konsonani ya Mwana zola kuzabisa yandi. Nk. 8:6; Yoa. 3:35; Yoa. 17:2; Ef. 1:20; Yoa. 1:18; 6:46; 10:15

Yoane 1:18

Muntu imene kumona Nzambi ve ta mbala mosi; Mwana mosi kaka ya vandaka na ntulu ya Tata, yandi imene kuzaisa yandi. Mat. 11:27; Luk. 10:22; Yoa. 6:46; 1 Tim. 6:16

Yoane 13:1

Ntete na fete ya Pake, Yesu zabaka, lokula ya yandi imene kwiza, na yandi takatulwa na nsi yai; ye kwenda kwa Tata, yandi zolaka bantu ya yandi ya ikele na nsi, yandi zolaka bau ti na nsuka. Mat. 26:7, 30; Mal. 14:16, 26; Luk. 22:14, 39

Yoane 17:2

Bonso nge imene kupesa yandi ngolo va zulu ya bansuni yonso, na yandi lenda kupesa moyo mvu ya mvu, kwa bau yonso ya nge pesaka yandi. Yoa. 6:39; Mat. 11:27; 28:18

Yoane 3:13

Muntu imene kutombokaka ku zulu ve, kansi yandi ya kulumukaka tuka zulu, ikele Mwana ya muntu ikele mu zulu. Bing. 30:4; Yoa. 6:62; Ef. 4:9

Yoane 3:35

Tata zola Mwana, ye imene kupesa bima yonso mu maboko ya yandi. Yoa. 5:20

Yoane 7:29

Mono zaba yandi, sambu na mono katuka kwa yandi; ye yandi fidisaka mono. Mat. 11:27; Yoa. 10:15

Yoane 7:33

Mpilayai Yesu tubaka kwa bau: Ntangu fioti mono ikele na beno, buna mono takwenda kwa yandi ya fidisaka mono. Yoa. 12:35; 16:16

Yoane 8:14

Yesu vutulaka tubaka kwa bau: Kana mono ikele kutuba kitemo ya mono mosi, kansi kitemo ya mono ikele kieleka, kadi mono zaba sika ya mono katuka ye sika ya mono takwenda, kansi beno zaba ve sika ya mono katuka keti ya mono kwenda.

Yoane 8:42

Yesu tubaka kwa bau: Kana Nzambi ikele Tata ya beno, beno tazola mono, kadi mono basikaka ye katukaka na Nzambi, kadi mono kwizaka na luzolo ya mono mosi ve, kansi yandi fidisaka mono Yoa. 16:27

Bisalu Ya Bantumwa 2:36

Sambu na yai, bika nzo yamvimba ya Isaeli zaba kieleka na Yesu ya bau komaka va kulunsi, Nzambi imene kusalaka yandi Mfumu ye Klisto. Fili. 2:9; Eb. 2:9

1 Kolinto 15:27

Kadi yandi lemvulaka bima yonso nansi ya bitambi ya yandi. Bu yandi tubaka: Bima yonso ikele kulemvulwa nansi ya bitambi ya yandi, buna yo ikele kumonika na yandi ya lemvudilaka bima yonso, yandi dilemvulwaka ve. Nk. 8:6; Ef. 1:20; Eb. 2:8

Ebeleo 1:2

Mu bilumbu yai ya nsuka, yandi tubaka kwa beto mu Mwana ya yandi, ya yandi tulaka mvingidi ya difwa ya bima yonso. Mu yandi mpe yandi salaka bansi; 4 Mose 12:6; Yoa. 1:3; Lom. 8:17; Kolo. 1:15