Yoane 11:2 - Le Nouveau Testament en Kikwango 1950

² Malia yina ya sitaka Mfumu mafuta ya ntalu ye kunguna makulu ya yandi na nsuki ya yandi. Mpangi ya yandi Lazalo belaka. Mat. 26:6; Mal. 14:3; Luk. 10:28; Yoa. 12:3

Yoane 11:2 Iomraidhean Croise

Malako 14:3

Bu yandi vandaka mu Betania mu nzo ya Simoni, nkwa bwazi, bu yandi vandaka na meza, nkento kwizaka, ya vandaka na mulangi ya mafuta ya nsunga ya ntalu mingi, yo ikele mafuta ya nardi. Nkento pasulaka mulangi ye tiamunaka yo va ntu ya yandi. Yoa. 12:3; Mat. 26:6; Yoa. 12:1

Luka 7:13

Bu Mfumu monaka yandi, yandi kuwilaka yandi nkenda, ye tubaka kwa yandi: Kudila ve.

Luka 7:19

Ye Yoane bingaka banlonguki ya yandi zole, ye fidisaka bau kwa Mfumu, kutuba: Nge ikele yandi ya kwiza, keti beto vingila yankaka ?

Yoane 11:21

Buna Malata tubaka kwa Yesu: Mfumu, kana nge vandaka awa, mpangi ya mono imene kufwa ve.

Yoane 11:3

Mpilayai bampangi bankento fidisaka kwa yandi kutuba: Mfumu, tala yandi ya nge zola ikele kubela.

Yoane 11:32

Bu Malia kwizaka ku sika ya vandaka Yesu, ye monaka yandi, yandi fukamaka na makulu ya yandi, ye tubaka kwa yandi: Mfumu, kana nge vandaka awa, mpangi ya mono imene kufwa ve.

Yoane 12:3

Buna Malia bakaka tezo mosi ya mafuta ya nsunga ya ntalu, yandi sitaka makulu ya Yesu ya kungunaka makulu ya Yesu na nsuki ya yandi; ye nzo fulukaka na nsunga ya mafuta ya nsunga.

Yoane 13:13

Beno binga mono, Nlongi ye Mfumu. Beno ikele kutuba mbote, mpilamosi mono ikele. Mal. 9:5; 11:21; Luk. 12:41; 22:33, 38; Mat. 23:8, 10; 1 Kol. 8:6

Yoane 13:14

Buna kana mono ya ikele Mfumu ye Nlongi, imene kusukula makulu ya beno, buna beno mpe sukulana makulu.