Yoane 10:6 - Le Nouveau Testament en Kikwango 1950

⁶ Yesu tubaka kingana yai kwa bau, kansi bau bakisaka ve, mambu yina ya yandi tubaka kwa bau.

Yoane 10:6 Iomraidhean Croise

Matai 13:34

Mambu yai yonso Yesu tubaka mu bingana kwa bibuka, yandi tubaka kwa bau mu bingana kaka, Mal. 4:33, 34

Matai 13:51

Beno zaba mambu yai yonso ? Bau tubaka kwa yandi: E.

Malako 4:34

Yandi tubaka kwa bau mpamba ve, kansi mu bingana, bu bau vandaka mu kinsweki yandi tendulaka mambu yonso kwa banlonguki ya yandi.

Yoane 16:25

Mambu yai mono tubaka kwa beno mu bingana, kansi ntangu takwiza bu mono tatuba kwa beno mu bingana diaka ve, kansi mono tatuba kwa beno mambu ya Tata.

Yoane 16:29

Banlonguki ya yandi tuba: Tala, ntangu yai nge imene kutuba mbote, nge tuba ve mu bingana.

Yoane 6:52

Buna baYuda vandana na ntembe, sambu na mambu yai, kutuba: Nki mpila muntu yai lenda kupesa beto nsuni ya yandi sambu na kudia ?

Yoane 6:60

Buna banlonguki mingi ya yandi, bu bau kuwaka yo, tubaka: Mambu yai ikele ya ngolo, nani lenda kuwa yo ?

Yoane 7:36

Nki ndinga yai ya yandi tubaka ? Beno tasosa mono, kansi beno tamona mono ve, ye sika na mono ikele, beno lenda kukuma kuna ve.

Yoane 8:27

Bau zabaka ve, yandi ikele kutuba kwa bau sambu na Tata.

Yoane 8:43

Sambu na nki beno bakisa ve ndinga ya mono ? Yo ikele sambu na beno lenda ve kuwa mambu ya mono.

1 Kolinto 2:14

Kansi muntu ya kinsuni lenda ve kubaka mambu ya Mpeve ya Nzambi, kadi yau ikele kinzoba kwa yandi, yandi lenda ve kuzaba yau, sambu na yau ikele kufundiswa ya kimpeve. Yoa. 14:17

2 Petelo 2:22

Mambu kwizaka kwa bau bonso kingana ya kieleka: Mbwa vutuka ku biluku ya yandi ye ngulu ya yobilaka kulala mu potopoto. Bing. 26:11

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.