Yoane 10:4 - Le Nouveau Testament en Kikwango 1950

⁴ Bu yandi basisa mameme ya yandi yonso, yandi tambula nantwala na bau, mameme landa yandi, kadi bau zaba ndinga ya yandi.

Yoane 10:4 Iomraidhean Croise

Matai 16:24

Buna Yesu tubaka kwa banlonguki ya yandi: Kana muntu zola kulanda nanima na mono, bika yandi dibuya ye baka kulunsi ya yandi ye landa mono. Mat. 10:38; Mal. 8:34; Luk. 9:23

Yoane 10:16

Mono ikele na mameme yankaka, bau ikele ya lupangu yai ve; mono fwiti kutwala bau mpe, bau takuwa ndinga ya mono ye bau tavanda kibuka mosi ye mvungi mosi. Yeh. 37:22; Mat. 28:19; Yoa. 11:52; Bis. 10:35

Yoane 10:27

Mameme ya mono kuwa ndinga ya mono, ye mono zaba bau, ye bau landa mono. Yoa. 10:3

Yoane 10:3

Kwa yandi nkengi ya mwelo ikele kukangula, mameme kuwa ndinga ya yandi, yandi binga mameme na nkumbu ya bau, yandi basisa bau.

Yoane 10:5

Kansi bau talanda nzenza ve, bau tina tuka yandi, kadi bau zaba ve ndinga ya nzenza.

Yoane 10:8

Yonso ya kwizaka nantwala na mono ikele bamuyifi ye bantani, kansi mameme kuwaka ndinga ya bau ve.

Yoane 12:26

Kana muntu sadila mono, bika yandi landa mono. Ye sika ya mono ikele, kuna mpe tavanda sielo ya mono. Kana muntu sadila mono, Tata tazitisa yandi. 1 Tes. 4:17

Yoane 13:15

Kadi mono imene kupesa beno kifwani, na beno tasala, bonso mono imene kusala kwa beno. 1 Pet. 2:21

Yoane 18:37

Buna Pilatu tubaka kwa yandi: Buna nge ikele ntinu ? Yesu vutulaka: Nge tuba na mono ikele ntinu. Sambu na yai mono butukaka, ye sambu na yai mono kwizaka mu nsi, na mono tatuba kitemo sambu na kieleka. Konso muntu ya ikele nkwa kieleka, ikele kuwa ndinga ya mono. Yoa. 8:40, 47

Yoane 3:29

Muntu ya ikele na nkento ya makwela, yandi ikele toko ya makwela, kansi nduku ya toko ya makwela, bu yandi telema ye kuwa yandi, luta kuyangalala mu kiese sambu na ndinga ya toko ya makwela. Mpilayai, kiese ya mono imene kulunga.

1 Kolinto 11:1

Beno vanda balandi ya mono bonso mono ikele mulandi ya Klisto. Mat. 20:28; Lom. 15:3; Ef. 5:2; Fili. 2:4

Efeso 5:1

Mpilayai, beno vanda balandi ya Nzambi, bonso bana ya zolwa. Mat. 5:45

Ebeleo 12:2

beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

Ebeleo 6:20

muna Yesu kotaka, yandi ikele ntekidi sambu na beto, yandi kwizaka nganga nene mvu ya mvu mu kinganga ya Melekisedeki. Eb. 3:1; 4:14; 5:6; 8:1; 9:11

1 Petelo 2:21

Sambu na mambu yai, beno bingwaka, kadi Klisto mpe moniswaka mpasi, yandi bikilaka beno kifwani, na beno talanda mu bitambi ya yandi. Mat. 17:24; Yoa. 13:15; Fili. 2:5

1 Petelo 4:1

Buna sambu na Klisto moniswaka mpasi mu nsuni, beno vwata mpe binwaninu ya mabanza mosi, kadi yandi ya moniswa mpasi mu nsuni, imene kukatuka na masumu. Lom. 6:8

1 Petelo 5:3

Vanda ve bonso bamfumu mu mabundu ya beno, kansi vanda kifwani kwa mameme. 2 Kol. 1:24; Fili. 3:17; 1 Tim. 4:12