Yoane 10:3 - Le Nouveau Testament en Kikwango 1950

³ Kwa yandi nkengi ya mwelo ikele kukangula, mameme kuwa ndinga ya yandi, yandi binga mameme na nkumbu ya bau, yandi basisa bau.

Yoane 10:3 Iomraidhean Croise

Yoane 10:14

Mono ikele mvungi ya mbote, ye mono zaba mameme ya mono, ye mameme ya mono zaba mono,

Yoane 10:16

Mono ikele na mameme yankaka, bau ikele ya lupangu yai ve; mono fwiti kutwala bau mpe, bau takuwa ndinga ya mono ye bau tavanda kibuka mosi ye mvungi mosi. Yeh. 37:22; Mat. 28:19; Yoa. 11:52; Bis. 10:35

Yoane 10:4

Bu yandi basisa mameme ya yandi yonso, yandi tambula nantwala na bau, mameme landa yandi, kadi bau zaba ndinga ya yandi.

Yoane 10:9

Mono ikele mwelo: Kana muntu kota mu mono, yandi tavuluswa ye takota ye basika ye mona ya kudia.

Yoane 6:37

Yonso ya Tata pesaka mono takwiza kwa mono, ye yandi ya kwiza kwa mono, mono takula yandi ta mbala mosi ve;

Yoane 6:45

Yo ikele kusonama mu bambikudi: Bau yonso talonguka kwa Nzambi. Konsomuntu ya kuwa ye ya longuka kwa Tata, yandi ikele kwiza kwa mono. Yes. 54:13; Yel. 31:34; Yoa. 1:18; 1 Tes. 4:9; Eb. 1:8, 10

Loma 8:30

Bau ya yandi solaka ntete, yandi bingaka bau mpe; ye bau ya yandi bingaka, yandi nungisaka bau mpe, ye bau ya yandi nungisaka, yandi kembisaka bau mpe.

1 Kolinto 16:9

kadi mwelo ya kisalu ya nene ye ya ndandu ikele kukanguka kwa mono, ye bambeni ikele mingi.

Filipi 4:3

Ye nge mpe, kintuadi ya kieleka, mono lomba nge kusadisa bankento yina ya salaka na mono mu nsamu mbote ye Kleme ye basadi yankaka sikamosi na mono, bankumbu ya bau sonikwa mu nkanda ya moyo. Nzai. 20:15

Kolosai 4:3

Lomba sambu na beto mpe, na Nzambi lenda kukangudila beto mwelo sambu na mambu, kutuba mambu ya kinsweki ya Klisto, sambu na yo mono ikele kukangwa, Ef. 6:19; 2 Tes. 3:1

2 Timoteo 2:19

Kansi lufulu ya ngolo ya Nzambi ikele kutelema, yo ikele na kidimbu yai; Mfumu zaba bantu ya yandi, ye konso muntu ya binga nkumbu ya Mfumu fwiti kudikatula na mambu ya konda lunungu.

1 Petelo 1:12

Yo zaikuswaka kwa bau na bau imene kusadila bau kibeni ve, kansi bau sadilaka beno mambu yai ya samunwa ntangu yai kwa beno, mu bau ya samunaka nsamu mbote kwa beno mu Mpeve Yanlongo ya fidiswaka tuka zulu; mambu yai banjo tondaka kutala. Ef. 3:8

1 Yoane 4:6

Beto ikele ya Nzambi, yandi ya zaba Nzambi ikele kuwa beto, yandi ya ikele ya Nzambi ve ikele kuwa beto ve. Mu yai beto zaba mpeve ya kieleka ye mpeve ya luvunu. Yoa. 8:47; 10:27

3 Yoane 1:14

Kansi mono tula vuvu kumona nge ntama ve, buna beto tatubana mu munoko. Yenge kwa nge. Banduku fidisa nge mbote. Pesa mbote kwa banduku muntu na muntu. 1 Pet. 5:14

Nzaikulu 20:15

Kana nkumbu ya muntu sonikwaka ve mu nkanda ya moyo, yandi loswaka mu zanga ya tiya. Nzai. 3:5; 13:8; 17:8; 21:27

Nzaikulu 3:20

Tala, mono ikele kutelema na mwelo ye kunkuta. Kana muntu kuwa ndinga ya mono ye kangula mwelo, mono takota kwa yandi ye kudia na yandi ye yandi na mono. Mat. 26:29; Luk. 12:36; Yoa. 14:21

Nzaikulu 7:17

Kadi Mwana Dimeme ya ikele nakati kiti ya nkembo tavanda mvungi ya bau ye tatwala bau ku banto ya masa ya moyo; Nzambi takunguna mansanga yonso na meso ya bau. Nk. 23:1; Yes. 25:8; 40:10; Nzai. 21:4