Yoane 1:9 - Le Nouveau Testament en Kikwango 1950

⁹ Mwini yai vandaka mwini ya kieleka, yo kienzulaka bantu yonso ya kwiza mu nsi. Yoa. 3:19; 8:12; 9:5; 12:35, 46

Yoane 1:9 Iomraidhean Croise

Matai 6:23

Kansi kana disu ya nge ikele mbi, nitu ya nge yonso tafuluka na tombe. Mpilayai kana mwini ya ikele mu nge ikele tombe buna tombe yina ikele kuluta mingi.

Luka 11:36

Kana nitu ya nge yamvimba fuluka na mwini, ye ndambu fioti ikele ntombe ve; buna yo yonso fuluka na mwini, bonso mwinda ikele kukienzula kwa beno mu tentina ya yo.

Yoane 1:4

Mu yandi vandaka moyo, ye moyo yai vandaka mwini ya bantu. Yoa. 5:26; 1 Yoa. 5:11

Yoane 1:7

Yandi imene kwiza sambu na kitemo, na yandi lenda kutuba kitemo ya mwini, na bau yonso lenda kukwikila mu yandi.

Yoane 12:46

Mono imene kwiza mwini ya nsi, ye yandi ya kwikila mono, tavanda mu tombe ve. Yoa. 13:19

Yoane 14:6

Yesu tubaka kwa yandi: Mono ikele nzila ye kieleka ye moyo, muntu lenda kwiza kwa Tata ve, kansi mu mono kaka.

Yoane 15:1

Mono ikele nti ya vinia kieleka, ye Tata ya mono ikele musadi ya yo.

Yoane 6:32

Buna Yesu tubaka kwa bau: Kieleka, kieleka, mono tuba kwa beno: Mose pesaka beno mampa ve ya katuka na zulu, kansi Tata ya mono pesa beno mampa ya kieleka ya katuka na zulu.

Yoane 7:12

Ye bamina mingi vandaka nakati kibuka, sambu na yandi. Bankaka tubaka: Yandi ikele muntu ya mbote; bankaka tubaka: Ve, yandi ikele kuvengumisa bantu.

1 Yoane 1:8

Kana beto tuba, beto ikele na masumu ve, beto dikusa ye kieleka ikele ve mu beto. 1 Nt. 8:46; Bing. 20:9; Mpovi 7:21

1 Yoane 2:8

Diaka mono sonika kwa beno nsikudukusu yampa, yo ikele kieleka mu yandi ye mu beno; sambu na tombe ikele kuluta, ye mwini ya kieleka ikele kukienzula. Yoa. 8:12; 13:14; Lom. 13:12

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.