Yoane 1:51 - Le Nouveau Testament en Kikwango 1950

⁵¹ Yandi tubaka kwa yandi: Kieleka, kieleka, mono kutuba kwa beno: Beno tamona zulu kanguka ye banjo ya Nzambi tomboka ye kulumuka va Mwana ya muntu.

Yoane 1:51 Iomraidhean Croise

Matai 25:31

Bu Mwana ya muntu takwiza mu nkembo ya yandi, ye banjo yonso sikamosi na yandi, buna yandi tavanda va kiti ya nkembo ya yandi. Zak. 14:5; Mat. 16:27; 1 Tes. 4:16; 2 Tes. 1:7; Yud. 14

Matai 26:24

Mwana ya muntu ikele kwenda bonso yo ikele kusonama sambu na yandi, kansi ndola kwa muntu yina ya yekula Mwana ya muntu! Yo ikele mbote kwa muntu yina kana yandi imene kubutuka ve. Nk. 41:9

Matai 3:16

Bu Yesu botukwaka, nswalu yandi basikaka tuka masa, tala, mazulu kangukaka, yandi monaka Mpeve ya Nzambi kulumuka mu kifwani ya yembe, ye kwiza va yandi. Mat. 1:10; Luk. 3:22; Yoa. 1:32, 33

Matai 4:11

Buna diable bikaka yandi, tala, banjo kwizaka kusadila yandi.

Matai 8:20

Yesu tubaka kwa yandi: Bibulu ikele na mabulu, bandeke ya zulu ikele na bazanza ya bau, kansi Mwana ya muntu ikele na sika ve kutula ntu ya yandi.

Matai 9:6

Kansi na beno lenda kuzaba na Mwana ya muntu ikele ngolo va ntoto kuvidisa masumu, yandi tubaka kwa muntu ya maladi ya mianzi: Telema, baka mbeto ya nge, kwenda ku nzo ya nge.

Malako 1:10

Ye nswalu bu yandi tomboka tuka masa, yandi monaka zulu kanguka ye Mpeve, mpilamosi yembe, kulumukaka va yandi.

Malako 14:62

Yesu tubaka: Mono ikele yandi, ye beno tamona Mwana ya muntu kuvanda na diboko kibalaka ya Ngolo ye kwiza mu matuti ya zulu. Nk. 110:1

Luka 2:13

Ye nswalu kuna vandaka sikamosi na wanjo kibuka yanene ya banjo ya zulu kusika Nzambi, kutuba:

Luka 2:9

Tala, wanjo ya Mfumu telemaka mfinama kwa bau, ye nkembo ya Mfumu tentina ye zungudilaka bau, ye bau monaka boma mingi.

Luka 22:43

Ye kuna monikaka kwa yandi wanjo ya Mfumu.

Luka 22:69

Tuka ntangu yai Mwana ya muntu tavanda na diboko kibakala ya ngolo ya Nzambi. Nk. 110:1

Luka 24:4

Yo vandaka, bu bau yituka mingi, tala, babakala zole telema mfinama na bau na mvwatu ya kenzima. Mat. 28:5; Mal. 16:5

Luka 3:21

Yo vandaka bu bantu yonso botikwaka, Yesu mpe botikwaka ye kulomba, zulu kangukaka, Mat. 3:13; Mal. 1:19

Yoane 1:50

Yesu vutulaka ye tubaka kwa yandi: Sambu na mono tubaka kwa nge: Mono monaka nge nansi ya nti ya figi, nge ikele kukwikila ? Nge tamona ya luta yai nene.

Yoane 10:1

Kieleka, kieleka, mono tuba kwa beno, yandi ya kota ve mu mwelo ya lupangu ya mameme, kansi ya mata sika yankaka, yandi ikele muyifi ye ntani. Nk. 23; Eb. 13:20; 1 Pet. 5:4

Yoane 10:7

Buna Yesu tuba kwa bau diaka: Kieleka, kieleka, mono tuba kwa beno, Mono ikele mwelo ya mameme.

Yoane 13:16

Kieleka, kieleka, mono tuba kwa beno: Mpika luta Mfumu ya yandi nene ve, ye ntumwa luta ve yandi ya fidisaka yandi. Mat. 10:24; Luk. 6:40; 22:27; Yoa. 15:20

Yoane 13:38

Yesu vutulaka: Nge tapesa moyo ya nge sambu na mono ? Kieleka, kieleka, mono tuba kwa nge: Nsusu tadila ve, ntete na nge imene kubuya mono mbala tatu. Mat. 26:74; Mal. 14:30; Luk. 22:34

Yoane 14:12

Kieleka, kieleka, mono tuba kwa beno: Yandi ya kwikila mono, bisalu ya mono sala, yandi mpe tasala yau; ye bisalu ya luta yai nene yandi tasala, sambu na mono kwenda kwa Tata.

Yoane 16:20

Kieleka, kieleka, mono tuba kwa beno, beno tadila ye vanda na nionga, kansi nsi tayangalala, ye beno tavanda na ntantu, kansi ntantu ya beno takituka kiese. Nk. 30:11

Yoane 16:23

Kilumbu yina beno tayuvula mono kiuvu ve. Kieleka, kieleka, mono tuba kwa beno: Kana beno talomba konsokima ya Tata yandi tapesa yo mu nkumbu ya mono. Yoa. 14:13; 15:16

Yoane 21:18

Kieleka, kieleka mono tuba kwa nge bu nge vandaka toko, nge kangaka mukaba ya nge, ye tambulaka na sika ya nge zola, kansi bu nge tanuna, nge tanangula maboko ya nge, yankaka takanga nge mukaba ye nata nge na sika ya nge zola ve. 2 Pet. 1:14

Yoane 3:3

Yesu vutulaka ye tubaka kwa yandi: Kieleka, kieleka, mono tuba kwa nge: Kana muntu butuka yampa ve, yandi lenda ve kumona kimfumu ya Nzambi. Tit. 3:5

Yoane 3:5

Yesu vutulaka: Kieleka, kieleka, mono tuba kwa nge: Kana muntu butuka ve na masa ye Mpeve, yandi lenda ve kukota mu kimfumu ya Nzambi.

Yoane 5:19

Buna Yesu vutulaka ye tubaka kwa bau: Kieleka, kieleka, mono tuba kwa beno: Mwana lenda ve kusala mambu yandi mosi, kansi yina ya yandi monaka Tata kusala; kadi mambu yonso ya yandi salaka, yina Mwana mpe sala mutindu mosi. Yoa. 8:38

Yoane 5:27

Yandi pesaka yandi ngolo kuzenga mfundusu, sambu na yandi ikele Mwana ya muntu.

Yoane 6:26

Yesu vutulaka kwa bau ye tubaka: Kieleka, kieleka mono tuba kwa beno: Beno sosa mono ve, sambu na beno monaka bidimbu, kansi sambu na beno kudiaka mampa, ye beno yukutaka.

Yoane 6:32

Buna Yesu tubaka kwa bau: Kieleka, kieleka, mono tuba kwa beno: Mose pesaka beno mampa ve ya katuka na zulu, kansi Tata ya mono pesa beno mampa ya kieleka ya katuka na zulu.

Yoane 6:47

Kieleka, kieleka, mono tuba kwa beno: Yandi ya kwikila ikele na moyo mvu ya mvu. Yoa. 3:36

Yoane 6:53

Buna Yesu tubaka kwa bau: Kieleka, kieleka, mono tuba kwa beno: Kana beno kudia nsuni ya Mwana ya muntu ve, ye kunwa menga ya yandi ve, beno ikele ve na moyo mu beno. Yoa. 1:12

Yoane 8:34

Yesu vutulaka kwa bau: Kieleka, kieleka, mono tuba kwa beno: Konsomuntu ikele kusala masumu yandi ikele mpika ya masumu. Lom. 6:16; 2 Pet. 2:19

Yoane 8:51

Kieleka, kieleka, mono tuba kwa beno: Kana muntu lunda ndinga ya mono, yandi tamona lufwa ve mvu ya mvu. Yoa. 5:24; 11:25

Yoane 8:58

Yesu tubaka kwa bau: Kieleka, kieleka, mono tuba kwa beno, ntete na Abalahami butukaka, mono ikele.

Bisalu Ya Bantumwa 10:11

yandi monaka zulu kanguka ye kima mpilamosi lele ya nene ya kangwa na nsongi iya, kulumuka va ntoto;

Bisalu Ya Bantumwa 7:56

yandi tubaka: Tala mono mona zulu kanguka, ye Mwana ya muntu telema na diboko kibakala ya Nzambi.

2 Tesalonika 1:7

kwa beno ya moniswa mpasi, vunda sikamosi na beto mu nzaikusu ya Mfumu Yesu tuka zulu ye banjo ya ngolo ya yandi, 1 Tes. 3:13; 4:15

2 Tesalonika 1:9

Bau tamoniswa mpasi, yo ikele lufwa ya mvu ya mvu tuka luse ya Mfumu ye nkembo ya ngolo ya yandi, Yes. 2:10, 19, 21

1 Timoteo 3:16

Kansi kondwa ntembe, vumi ya Nzambi ya kinsweki ikele nene: Nzambi monikaka mu nsuni, yandi nunguswaka mu mpeve, yandi monwaka kwa banjo, yandi samunwaka kwa bapaien, bantu ya nsi kwikilaka yandi, ye yandi bakwaka ku zulu mu nkembo.

Ebeleo 1:14

Kadi bau yonso ikele bampeve ya kisielo ya fidiswa kusadila bau ya tavingila difwa ya mpulusu. Nk. 34:7; 91:11

Yuda 1:14

Hanoki ya nsambwadi tuka Adami bikulaka kwa bau mpe, kutuba: Tala, Mfumu kwizaka na banlongo ya yandi mafunda kumi,

Nzaikulu 19:11

Mono monaka zulu kanguka, tala, kavalu ya mpembe ye yandi ya vandaka va yo bingwaka ya Kwikama ye ya Kieleka, mu lunungu yandi ikele kufundisa ya kunwana mvita. Nzai. 6:2

Nzaikulu 4:1

Nanima na mambu yai mono talaka ye monaka mwelo kanguka mu zulu, ndinga ya ntete ya mono kuwaka vandaka bonso ndinga ya mpungi, ya tuba na mono, kutuba: Kwiza awa, ye mono tasonga nge mambu ya takwiza nantwala. Nzai. 1:10