Yoane 1:12 - Le Nouveau Testament en Kikwango 1950

¹² Kansi yonso ya bakaka yandi, yandi pesaka bau ngolo kuvanda bana ya Nzambi, ikele bau ya kwikila mu nkumbu ya yandi. Ngal. 3:26; 1 Yoa. 3:1

Yoane 1:12 Iomraidhean Croise

Matai 10:40

Yandi ya baka beno ikele kubaka mono, ye yandi ya baka mono ikele kubaka yandi ya fidisaka mono. Mat. 18:5; Luk. 10:16; Yoa. 13:20

Matai 12:21

Bapaien tatula vuvu mu nkumbu ya yandi.

Matai 18:5

Ye konsonani ya baka mwana fioti mpilayai mu nkumbu ya mono, ikele kubaka mono. Mat. 10:42

Yoane 1:11

Yandi kwizaka kwa ya yandi, kansi bau ya vandaka ya yandi bakaka yandi ye.

Yoane 1:7

Yandi imene kwiza sambu na kitemo, na yandi lenda kutuba kitemo ya mwini, na bau yonso lenda kukwikila mu yandi.

Yoane 11:52

Ye sambu na kanda yai kaka ve, kansi na yandi lenda kukutikisa sikamosi bana ya Nzambi ya mwanganaka. Yoa. 10:16

Yoane 2:23

Bu yandi vandaka mu Yelusalemi na kilumbu ya fete ya Pake, mingi kwikilaka mu nkumbu ya yandi, bu bau monaka bidimbu ya yandi salaka.

Yoane 20:31

Kansi yai ikele kusonama, na beno lenda kukwikila, Yesu ikele Klisto, Mwana ya Nzambi, na beno kwikila, beno tavanda na moyo mu nkumbu ya yandi. Yoa. 5:24; 1 Yoa. 5:13

Yoane 3:18

Yandi ya kwikila yandi, ikele kufundiswa ve; yandi ya konda kukwikila yandi imene kufundiswa, sambu na yandi kwikila ve, mu nkumbu ya Mwana mosi kaka ya Nzambi. Yoa. 5:24; 6:40; Bis. 4:12

Bisalu Ya Bantumwa 3:16

Mu lukwikilu mu nkumbu ya yandi, nkumbu ya yandi imene kusala muntu yai kwiza ngolo, ya beno ikele kumona ye kuzaba. Lukwikilu ya ikele mu yandi imene kusala muntu yai kwiza ngolo yonso nantwala na beno yonso.

Loma 8:14

Kadi bau yonso ya twadiswa mu Mpeve ya Nzambi, bau ikele bana ya Nzambi.

Loma 8:16

Mpeve kibeni tuba kitemo sikamosi na mpeve ya beto na beto ikele bana ya Nzambi. 2 Kol. 1:22; 5:5; Ef. 1:13; 4:30

Loma 8:19

Kadi nsemono ikele kuvingila na vuvu mingi nzaikusu ya bana ya Nzambi.

Ngalata 3:26

Kadi beno yonso ikele bana ya Nzambi mu lukwikilu mu Klisto Yesu. Yoa. 1:12; Lom. 8:15; Ngal. 4:5

Ngalata 4:6

Sambu na beno ikele bana, Nzambi fidisaka Mpeve ya Mwana ya yandi mu mintima ya beno, kuboka: Aba, Tata. Lom. 8:15

Kolosai 2:6

Mpilamosi beno bakaka Klisto Yesu Mfumu; beno tambula mu yandi,

2 Petelo 1:4

Mu yau yandi imene kupesa beto bansilulu ya yandi ya nene mingi ye ya ntalu, buna mu yau beno lenda kuvanda na kintuadi ya moyo ya kinzambi, sambu na beno imene kutina mbivisu ya ikele mu nsi, mu luzolo ya nsuni. 2 Kol. 3:18; 1 Yoa. 3:2

1 Yoane 3:1

Tala, zola ya nene ya Tata zolaka beto, na beto bingwa bana ya Nzambi, ye beto ikele yina mpe, sambu na yai nsi zaba beto ve, kadi yo zabaka yandi ve. Yoa. 1:12; 16:3

1 Yoane 3:10

Mu mambu yai bana ya Nzambi ye bana ya diable ikele kumonika; konsonani ya sala lunungu ve ikele ya Nzambi ve ye konsonani ya zola ve mpangi ya yandi.

1 Yoane 3:2

Beno bazolwa, beto ikele bana ya Nzambi kansi yo imene kumonika ve mpila nki beto tavanda. Beto zaba bu yandi monika beto tavanda mpilamosi yandi, kadi beto tamona yandi bonso yandi ikele. Lom. 8:8; 1 Kol. 15:49; Fili. 3:21; Kolo. 3:4; 2 Pet. 1:4

1 Yoane 3:23

Yai ikele nsikudukusu ya yandi, na beto fwiti kukwikila nkumbu ya Mwana ya yandi Yesu Klisto ye zolana, bonso yandi pesaka beto nsikudukusu.