Yakobi 4:6 - Le Nouveau Testament en Kikwango 1950

⁶ Kansi yandi ikele kupesa nlemvo ya luta nene. Buna yo ikele kutubwa: Nzambi ikele kubuya bankwa lulendo, kansi ikele kupesa nlemvo kwa muntu ya dikulumusa. Bing. 3:34; 1 Pet. 5:5

Yakobi 4:6 Iomraidhean Croise

Matai 13:12

Kadi konsonani ya ikele na yau, tapeswa kwa yandi ye yandi tavanda na mingi, kansi konsonani ya ikele na yau ve, yina ya ikele na yandi tabotulwa mpe. Mat. 25:29; Mal. 4:25; Luk. 8:18; 19:25

Matai 23:12

Konsonani ya ditombola takulumuswa, konsonani ya dikulumusa tatombolwa. Yobi 22:29; Bing. 29:23; Luk. 4:11; 18:14; 1 Pet. 5:5

Luka 1:52

Yandi imene kulumusa bankwa ngolo na bakiti ya bau; ye tombola bau ya dikulumusa. 1 Sam. 2:7; Yobi 5:11; Nk. 113:6

Luka 14:11

Kadi konso muntu ya ditombola, yandi takulumuswa, yandi ya dikulumusa yandi tatombulwa. Yobi 22:29; Bing. 29:23; Luk. 18:14; 1 Pet. 5:5

Luka 18:14

Mono tuba kwa beno: Muntu yai kulumukaka ku nzo ya yandi ya nungiswa, kansi yina yankaka ve. Kadi konso muntu ya ditombola, takulumuswa; ye yandi ya dikulumusa, tatombolwa. Yobi 22:29; Bing. 29:23; Luk. 14:11; 1 Pet. 5:5

Yakobi 4:10

Beno dikulumusa nantwala na Mfumu, ye yandi tatombola beno. Luk. 4:11; 1 Pet. 5:6

1 Petelo 5:5

Mpilayai mpe, beno baleke, lemvuka kwa bambuta, kansi beno yonso vanda ya dikulumusa kusadilana, kadi Nzambi zola ve bankwa lulendo, kansi yandi pesa nlemvo kwa bankwa dikulumusa. Bing. 3:34; Lom. 12:10, 16; Ef. 5:21; Yak. 4:6