Yakobi 4:4 - Le Nouveau Testament en Kikwango 1950

⁴ Beno bafwi ya makwela, beno zaba ve kinduku ya nsi ikele kimbeni kwa Nzambi ? Konsonani ya zola kuvanda nduku ya nsi, ikele kudisala mbeni ya Nzambi.

Yakobi 4:4 Iomraidhean Croise

Matai 12:39

Kansi yandi vutulaka ye tubaka kwa bau: Mbandu ya mbi ye ya bizumba ikele kusosa kidimbu, kansi yo tapeswa kidimbu ve, kansi kidimbu ya Yona mbikudi kaka, Mat. 16:4; Luk. 11:29

Matai 16:4

Mbandu ya mbi ye ya bizumba ikele kusosa kidimbu, kansi yo tapeswa kidimbu ve, kansi kidimbu ya Yona kaka. Yandi bikaka bau ye kwendaka. Yona 2:1

Matai 6:24

Muntu lenda ve kusadila bamfumu zole, kadi yandi tavanda na makasi na mosi ye zola yankaka, keti yandi tavanda na mosi ye saula yankaka. Beno lenda ve kusadila Nzambi ye kimvwama. Luk. 16:13

Luka 19:27

Kansi bambeni yai ya mono ya zolaka ve mono kuvanda ntinu ya bau, twala bau awa, kufwa bau nantwala na mono.

Yoane 15:19

Kana beno ikele ya nsi, nsi tazola ya yandi, kansi sambu na beno ikele ya nsi ve, kansi mono solaka beno mu nsi, sambu na yai nsi kuwila beno makasi. 1 Yoa. 4:5

Yoane 17:14

Mono pesaka bau mambu ya nge; kansi nsi ikele na bau makasi, sambu na bau ikele ya nsi ve, bonso mono ikele ya nsi ve. Yoa. 15:18

Yoane 7:7

Nsi lenda kuvanda na beno makasi ve, kansi kwa mono yo ikele kuvanda na makasi, sambu na mono tuba kitemo ya yo na bisalu ya yo ikele mbi.

Loma 5:10

Kadi kana bu beto vandaka bambeni beto vutukaka kwa Nzambi mu lufwa ya Mwana ya yandi, buna beto imene kuvutuka kieleka kwwa Nzambi, beto tavuluswa mu moyo ya yandi;

Loma 8:7

sambu na mabanza ya nsuni ikele kimbeni kwa Nzambi, kadi yo ikele kulemvuka nsiku ya Nzambi ve, mpe yo lenda kusala mpila yai ve.

1 Kolinto 1:20

Wapi nkwa ngangu ? Wapi nsoniki ? Wapi mutudisi ya ntembe ya nsi yai ? Nzambi imene kukitula ngangu ya nsi kinzoba ve ? Yes. 44:25; Lom. 1:22

1 Kolinto 1:21

Kadi bu nsi mu ngangu ya nsi zabaka Nzambi ve mu ngangu ya yandi, yo vandaka nzolakani ya Nzambi kuvulusa bau ya kwikila mu kinzoba ya nsamunu ya nsamu mbote. Mat. 11:25; Luk. 10:21

Ngalata 1:10

Kadi ntangu yai mono ikele kusosa luzolo ya bantu keti ya Nzambi ? Keti mono sosa kuyangidisa bantu ? Kana mono ikele kuyangidisa bantu buna mono ikele sielo ya Klisto ve. 1 Tes. 2:4; Yak. 4:4

Yakobi 1:27

Nsambilu ya kieleka, ye ya kondwa kusumuka nantwala ya Nzambi Tata ya beto ikele yai: Sadisa bau ya konda tata, ye bafwola mu mpasi ya bau, ye dikeba kukondwa ya matona mu nsi.