Yakobi 2:1 - Le Nouveau Testament en Kikwango 1950

¹ Bampangi ya mono, beno vanda na lukwikilu ya Mfumu ya beto Yesu Klisto, yandi ikele Mfumu ya nkembo, ye banza ve na muntu luta muntu yankaka mbote.

Yakobi 2:1 Iomraidhean Croise

Matai 22:16

Bau fidisaka banlonguki ya bau ye bantu ya Elode kwa yandi, bau tubaka: Nlongi, beto zaba na nge ikele ya kieleka, ye ikele kulonga nzila ya Nzambi mu kieleka, ye nge ti ta muntu ve, kadi nge ikele kutala luse ya bantu ve.

Bisalu Ya Bantumwa 10:34

Petelo kangulaka munoko ya yandi, ye tubaka: Kieleka, mono zaba Nzambi ikele kutala luse ya muntu ve. 5 Mose 10:17; Lom. 2:11; 1 Pet. 1:17

Bisalu Ya Bantumwa 20:21

mono songaka kitemo kwa baYuda ye kwa baElena, mpindulu mabanza kwa Nzambi, ye lukwikilu mu Mfumu ya beto Yesu Klisto. Bis. 14:1; 3:19; 8:22; Mal. 1:15; Luk. 24:47

Bisalu Ya Bantumwa 24:24

Nanima bilumbu ndambu, Feliki kwizaka na Dusila nkento ya yandi ya ikele muYuda, yandi bingaka Paulu ye kuwaka yandi sambu na lukwikilu mu Klisto Yesu.

Bisalu Ya Bantumwa 7:2

Yandi tubaka: Bampangi ye batata, kuwa: Nzambi ya nkembo monikaka kwa tata ya beto Abalahami bu yandi vandaka mu Mesopotamia ntete na yandi vandaka na Halani. 1 Mose 12:1

Loma 1:11

Kadi mono zola kumona beno, na mono lenda kukabila beno matabisi ya kimpeve, na beno lenda kwiza ngolo, Lom. 15:23, 32

1 Kolinto 2:8

ya mosi ya banyadi ya nsi yai zabaka ve, kadi kana bau zabaka yo, bau komaka ve Mfumu ya nkembo va kulunsi. Luk. 23:34; Bis. 3:17; 13:27

Kolosai 1:4

bu beto kuwaka sambu na lukwikilu ya beno mu Klisto Yesu ye zola ya ikele na beno kwa banlongo yonso,

1 Timoteo 1:19

bu nge ikele kukeba lukwikilu ye kansansa ya mbote; bankaka imene kulosa yau, ye imene kuvidisa lukwikilu ya bau.

1 Timoteo 5:21

Mono sikidikisa nge nantwala na Nzambi ye Klisto Yesu ye banjo ya solwa, na nge fwiti kukeba mambu yai, ye banza ve muntu luta muntu yankaka, ye sala kima ve ya tula kimpala. 2 Tim. 4:1

Tito 1:1

Paulu, mpika ya Nzambi, ye ntumwa ya Yesu Klisto, bonso lukwikilu ya basolwa ya Nzambi, ye nzailu ya kieleka, ya ikele bonso vumi ya Nzambi,

Tito 2:13

bu beto vingila vuvu ya kiese, ye kumonika ya nkembo ya Nzambi ya nene, ye Mvulusi ya beto Klisto Yesu. 1 Kol. 1:7; Fili. 3:20

Ebeleo 1:3

yandi ikele ntentina ya nkembo ya Nzambi, ye kifwani ya mutindu ya yandi, ye yandi simba bima yonso mu ndinga ya ngolo ya yandi. Buna, bu yandi manisaka kuvedisa masumu, yandi vandaka na diboko kibakala ya Nkwa nene mu zulu. Nk. 110:1; Eb. 8:1

Ebeleo 12:2

beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

Yakobi 1:16

Bampangi ya mono ya zolwa, beno kuswa ve. Ngal. 6:7; 1 Kol. 6:9; 15:33

Yakobi 1:19

Beno zaba yai, bampangi ya mono ya zolwa. Kansi bika bantu yonso kuvanda nswalu kuwa, kansi malembe kutuba, ye malembe kubaka makasi. Yak. 3:1

Yakobi 2:3

ye beno zola yandi ya vwata mvwatu ya kitoko, ye tuba: Nge vanda awa mu sika ya mbote, kansi beno tuba kwa nsukami: Nge telema awa, keti vanda na kiti ya makulu ya mono.

Yakobi 2:9

Kansi kana beno banza muntu luta muntu yakaka mbote, beno ikele kusala masumu, nsiku ikele kufundisa beno bonso bafwi ya nsiku. 3 Mose 19:15; 5 Mose 1:17; 16:19

Yakobi 3:17

Kansi ngangu ya kulumuka tuka zulu, ikele ntete ya vedila, nanima yenge, nlembami, bombidilwa nswalu, fuluka na nkenda ye mabundu ya mbote, yo ikele na diswaswana ve, ye na luvunu ve. Mat. 5:9; 1 Tim. 3:3

2 Petelo 1:1

Simoni Petelo, sielo ye ntumwa ya Yesu Klisto, Fidisa mbote kwa bau ya imene kubaka lukwikilu ya ntalu mutindu mosi na beto mu lunungu ya Nzambi ya beto ye Mvulusi Yesu Klisto.

Yuda 1:16

Bayai ikele babamini ya dila mpamba ya tambula mu luzolo ya bau ya nsuni, munoko ya bau ikele kutuba mambu ya lulendo, ye ikele kutala luse ya bantu kubaka ndandu.

Nzaikulu 14:12

Awa ikele mvibudulu ya banlongo, bau ya lunda bansikudukusu ya Nzambi ye lukwikilu ya Yesu. Eb. 4:10; Nzai. 19:9