Yakobi 1:4 - Le Nouveau Testament en Kikwango 1950

⁴ Kansi bika mvibudulu kuvanda kisalu ya lunga, na beno lenda kuvanda ya fwana ye ya lunga, ye konda kima ve.

Yakobi 1:4 Iomraidhean Croise

Matai 10:22

Bantu yonso tavanda na kimbeni kwa beno sambu na nkumbu ya mono, kansi konsonani ya vibidila ti nsuka tavuluswa. Luk. 21:17; Mat. 24:13; Mal. 13:13

Matai 19:20

Toko tubaka kwa yandi: Mambu yai yonso mono imene kukeba. Mono konda nki diaka ?

Matai 5:48

Sambu na yai beno vanda ya lunga, bonso Tata ya beno mu zulu ikele ya lunga. 3 Mose 11:44; 19:2; 20:7, 26

Malako 10:21

Yesu talaka yandi ye zolaka yandi ye tubaka kwa yandi: Nge konda kima mosi, kwenda kuteka bima yonso ya nge ye pesa kwa bansukami, ye nge tavanda na kimvwama mu zulu, ye kwiza kula, nda mono. Mat. 6:20; Luk. 12:33

Luka 18:22

Bu Yesu kuwaka mambu yai, yandi tubaka kwa yandi: Nge konda kima mosi ti ntangu yai; teka yonso ya ikele na nge ye kaba yo kwa bansukami, ye nge tabaka lundulu mu zulu; ye kwiza kulanda mono. Mat. 6:19; Luk. 12:33

Luka 21:19

Mu mvibidulu ya beno, beno tabakila miela ya beno.

Luka 8:15

Bau mu ntoto ya mbote, ikele bau ya keba mambu mu ntima ya lunga ye ya mbote, bu bau kuwaka yau, ye bau buta mabundu mu mvibudulu.

Yoane 17:23

Mono mu bau, nge mu mono, na bau talungiswa mu mosi, na nsi lenda kuzaba, nge fidisaka mono, ye nge zola bau, bonso nge zola mono. 1 Yoa. 1:3; 3:24

1 Kolinto 2:6

Kansi beto ikele kutuba ngangu kwa bau ya imene kukula, kansi ngangu ya nsi yai ve, keti na banyadi ya nsi yai ya ikele kwiza mpamba. Yak. 3:15

Ngalata 6:9

Bika beto konda kikesa ve mu kisalu ya mbote, kadi mu ntangu ya lunga, beto tabuka, kana beto lembwa ve. 2 Kol. 4:16; 2 Tes. 2:13

Kolosai 4:12

Epafala fidisa beno mbote, yandi ikele mosi ya beno, sielo ya Klisto Yesu, ya tula ngolo mu lombilu sambu na beno ntangu yonso, na beno lenda kutelema ya lunga ye zaba mbote luzolo yonso ya Nzambi.

1 Tesalonika 5:23

Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

2 Timoteo 3:17

na muntu ya Nzambi lenda kuvanda ya lunga, ye ya toma yidikwa mu bisalu yonso ya mbote. 2 Tim. 2:21

Ebeleo 13:21

bika yandi lungisa beno mu mambu yonso ya mbote kusala luzolo ya yandi, bu yandi ikele kusala mu beno yina ya ikele mbote na luse ya yandi, mu Yesu Klisto; kwa yandi nkembo ya mvu ya mvu, Amen. Lom. 16:27; 2 Tes. 2:17

Yakobi 1:5

Buna, kana muntu nakati na beno konda ngangu, bika yandi lomba kwa Nzambi, ya tupesa kwa bantu yonso mu luzolo, ye semba ve, buna yandi tapeswa yo. Mat. 7:7; Bing. 2:3; Yak. 5:13

Yakobi 3:2

Kadi, mu mambu mingi beto yonso ikele kuta sakuba. Kana muntu kuta sakuba ve mu ndinga, yandi ikele muntu ya lunga, ya lenda kuyala nitu ya yandi ya mvimba. Bing. 20:9; Yak. 1:26

1 Petelo 5:10

Nzambi ya nlemvo yonso, ya bingaka beno ku nkembo ya yandi ya mvu ya mvu mu Klisto, bu beno imene kumoniswa mpasi ntangu fioti, yandi kibeni talungisa, ye sikidika, ye siamisa beno. 2 Kol. 4:17; 1 Tes. 5:23, 24; 2 Tim. 1:9; Eb. 13:21

2 Petelo 1:9

Kadi yandi ya konda mambu yai ikele mpofo, yandi tala kaka yina ya ikele mfinama, ye imene kuvila na yandi vediswaka tuka masumu ya yandi ya ntama. 1 Yoa. 2:9, 11