Tito 3:3 - Le Nouveau Testament en Kikwango 1950

³ Kadi ntete beto mpe vandaka buzoba, ye kolama, ye kuswa, beto vandaka bampika ya luzolo ya mbi ye kiese ya mbi mutindu ye mutindu, beto vandaka na kimpala ye kimbeni, beto tulanaka kimbeni. 1 Kol. 6:11; Ef. 2:1; 5:8; Kolo. 3:7

Tito 3:3 Iomraidhean Croise

Matai 21:29

Kansi yandi vutulaka, ye tubaka: Mono zola ve. Nanima yandi pindulaka ye kwendaka.

Luka 21:8

Yandi tubaka: Beno tala, beno kuswa ve, kadi mingi takwiza mu nkumbu ya mono ye tuba: Mono ikele yandi; ntangu ikele mfinama, beno landa bau ve. Ef. 5:6; Kolo. 2:8; 1 Tes. 2:3

Yoane 8:34

Yesu vutulaka kwa bau: Kieleka, kieleka, mono tuba kwa beno: Konsomuntu ikele kusala masumu yandi ikele mpika ya masumu. Lom. 6:16; 2 Pet. 2:19

Loma 11:30

Kadi bonso mu ntangu ya lutaka, beno kolamaka Nzambi, kansi ntangu yai beno imene kubaka nkenda sambu na nkolomono ya bau,

Loma 6:12

Sambu na yai, bika masumu yala ve mu nitu ya beno ya lufwa, na beno talemvuka lutondo ya yo;

Loma 6:17

Kansi matondo kwa Nzambi, bonso beno vandaka bampika ya masumu, beno imene kulemvuka tuka ntima ya beno malongi yina ya longwa kwa beno.

Loma 6:22

Kansi ntangu yai, beno imene kukangulwa tuka masumu ye kukituka bampika ya Nzambi, beno ikele na mabundu ya beno mu bifu ya nlongo, ye nsuka ya yo ikele moyo ya mvu ya mvu. 1 Pet. 1:9

Loma 6:6

kadi beto zaba yai, na muntu ya beto ya nkulu komwaka va kulunsi sikamosi na yandi, na nitu ya masumu lenda kukatulwa, na beto tavanda mpika ya masumu diaka ve. Ngal. 2:19; 5:24; Ef. 4:22; 5:19—6:17

2 Kolinto 12:20

Kadi mono ikele na boma, keti bu mono kwiza mono tamona beno ve bonso mono zola, ye kana beno takuta mono ve bonso beno zola, kana beno ikele na mambu, kunwana, kimpala, makasi, kukabana, nsoki, bituba-tuba, kuditombula, makalele, 1 Kol. 3:3; Ngal. 5:20

Ngalata 6:3

Kadi kana muntu dibanza yandi ikele nene, bu yandi ikele mpamba, yandi ikele kudikusa. Lom. 12:3

Kolosai 1:21

Beno mpe vandaka ntete nanganda, beno vandaka bambeni mu mabanza ya beno mu bisalu ya mbi ya beno, kansi ntangu yai yandi vutulaka beno 2 Kol. 5:18; Ef. 2:12, 16

Kolosai 3:7

Ntete beno tambulaka mu yau mpe, bu beno vandaka na moyo mu mambu yai. Ngal. 5:19; Ef. 2:3; 4:31

2 Timoteo 3:13

Bantu ya mbi ye bantu ya luvunu taluta ye luta mu mbi, bau takusa ye bau takuswa.

2 Timoteo 3:6

Kadi bayai ikele kukota mu banzo, ye baka bankento ya buzoba, ya fuluka na masumu, ya ikele kutwadiswa na luzolo ya mbi mutindu na mutindu, Tit. 1:11

Tito 1:16

Bau tuba bau zaba Nzambi; kansi na bisalu ya bau, bau ikele kubuya yandi, bau ikele mbi ye kolama, bau lenda ve kusala mambu ya mbote, tafioti. 2 Tim. 3:5; Yud. 4

Tito 2:12

yo ikele kulonga beto kubuya mambu ya konda vumi ya Nzambi, ye luzolo ya mbi ya nsi, na beto tavanda na moyo ya mbote, ye ya lunungu, ye ya vumi ya Nzambi, mu ntangu yai, Ef. 1:4; Kolo. 1:22; 1 Yoa. 2:16

Yakobi 1:26

Kana muntu banza, na yandi ikele nsambidi ya Nzambi, ye ikele kuyala ludimi ya yandi ve, kansi ikele kukusa ntima ya yandi, nsambilu ya Nzambi ya muntu yai ikele mpamba. 1 Pet. 3:10

1 Petelo 1:14

Bonso bana ya kulemvuka ya landa ve luzolo ya nsuni ya ntete mu ntangu ya beno kondaka ngangu,

Nzaikulu 12:9

Dalaka ya nene loswaka na nsi, yandi ikele nioka ya nkulu, ya bingwa diable ye Satana, yandi ikele mukusi ya bantu yonso na nsi, yandi loswaka ku ntoto, ye banjo ya yandi loswaka sikamosi na vandi 1 Mose 3:1, 4; Luk. 10:18; Yoa. 12:31; Nzai. 20:2

Nzaikulu 13:14

Ye yandi kusaka bau ya vandaka va ntoto sambu na bidimbu ya yandi peswaka kusala nantwala ya mbizi, ye kutuba kwa bau ya vandaka va ntoto na bau tasala kifwanusu sambu na mbizi ya lwadiswa na mbele ye ikele na moyo. 2 Tes. 2:11; Nzai. 13:3

Nzaikulu 18:2

Yandi bokaka na ndinga ya ngolo, kutuba: Babeli ya nene imene kubwa, imene kubwa, yo imene kwiza sika ya bampeve mbi kuvanda, ye boloko ya bampeve yonso ya sumuka ye boloko ya bandeke yonso ya sumuka ye yambi. Yes. 13:19; 21:9; 34:11; Yel. 50:39; 51:8, 34; Dan. 4:30; Nzai. 14:8