Tito 3:2 - Le Nouveau Testament en Kikwango 1950

² kutuba mbi ve sambu na muntu, kuvanda na makalele ve, kansi kuvanda bankwa nlembami, ye kusonga nlembami yonso kwa bantu yonso. Fili. 4:5; 2 Tim. 2:24

Tito 3:2 Iomraidhean Croise

Matai 11:29

Baka vangu ya mono ye beno, longuka na mono, kadi mono ikele nlembami ye ntima ya kulumuka; ye beno tamona luvundu mu miela ya beno. Yel. 6:16

Bisalu Ya Bantumwa 23:5

Paulu tubaka: Bampangi, mono zabaka ve yandi ikele nganga nene, kadi yo ikele kusonama: Tuba mbi ve sambu na nkuluntu ya bantu ya nge. 2 Mose 22:28

1 Kolinto 6:10

keti bamwivi, keti bankwa zola ya bima ya muntu, keti bakolwi, keti bafingi, keti babotodi ya bima mu nsoki, bau tabaka ve difwa ya kimfumu ya Nzambi.

1 Kolinto 9:19

Kadi bu mono ikele mpwansi, mono ditulaka mpika kwa bantu yonso, na mono lenda kubaka mingi mu ndandu.

2 Kolinto 10:1

Mono kibeni Paulu bombidila beno mu nlemvo ya Klisto ye nlembami ya yandi, mono ikele kudikulumusa na luse ya beno, kansi bu mono ikele na beno ve, mono ikele na kikesa kwa beno. Yes. 42:2; Mat. 11:29; 12:19; Lom. 12:1; 1 Kol. 1:10

2 Kolinto 12:20

Kadi mono ikele na boma, keti bu mono kwiza mono tamona beno ve bonso mono zola, ye kana beno takuta mono ve bonso beno zola, kana beno ikele na mambu, kunwana, kimpala, makasi, kukabana, nsoki, bituba-tuba, kuditombula, makalele, 1 Kol. 3:3; Ngal. 5:20

Ngalata 5:22

Kansi mabundu ya Mpeve ikele zola, kiese, yenge, mvibudulu, nlembami, mbote, kwikama, Ef. 5:9; Yak. 1:19

Ngalata 6:1

Bampangi, kana muntu bakwa mu masuma, buna beno ya kimpeve sungika muntu ya mpilayai, mu mpeve ya nlembami; ye dikenga na nge tapukumunwa mpe ve.

Ngalata 6:10

Buna bonso beto ikele na ntangu, bika beto sala mbote kwa bantu yonso, kansi ya luta kwa bau ya ikele na kintuadi na beto mu lukwikilu.

Efeso 4:2

Mu kudikulumusa yonso ye nlembami ye mvibidulu, kuvibidilana mu zola,

Efeso 4:31

Bika ndudi yonso ye kimbeni ye makasi ye makalele ye kutuba mbi ye mbi yonso katulwa na beno. Kolo. 3:8

Filipi 4:5

Bika nlembami ya beno zabakana kwa bantu yonso. Mfumu ikele mfinama.

1 Tesalonika 2:7

Kansi beto vandaka nlembami nakati na beno, bonso nkento ikele kukeba mbote bana fioti ya yandi kibeni,

1 Timoteo 3:11

Mpilayai, bankento mpe fwiti kuvanda na luzitu, kuvanda na luvunu ve, kukolwa na malafu ve, kuvanda ya kwikama mu mambu yonso.

1 Timoteo 3:3

Munwi ya vinia ve, ye kunwana ve, kansi ya nlembami, ya makalele ve, ya zola mbongo ve, 2 Tim. 2:24

Yakobi 3:17

Kansi ngangu ya kulumuka tuka zulu, ikele ntete ya vedila, nanima yenge, nlembami, bombidilwa nswalu, fuluka na nkenda ye mabundu ya mbote, yo ikele na diswaswana ve, ye na luvunu ve. Mat. 5:9; 1 Tim. 3:3

Yakobi 4:11

Bampangi, beno tubana mbi ve. Yandi ya tuba mbi sambu na mpangi ya yandi, keti fundisa mpangi ya yandi, ikele kutuba mbi sambu na nsiku ye kufundisa nsiku; kansi kana nge fundisa nsiku, nge ikele musadi ya nsiku ve, kansi mfundisi ya yo. Mat. 7:1; Lom. 2:1; 1 Kol. 4:5

1 Petelo 2:1

Sambu na yai katula masumu yonso ye kinkita yonso ya baluvunu ye kimpala ye kutuba yonso ya mbi, Ef. 4:22, 25; Kolo. 3:8; Eb. 12:1; Yak. 1:21

1 Petelo 3:10

Kadi yandi ya zola luzingu ya nda ye bilumbu ya mbote, bika yandi lunda ludimi ya yandi kutuba mbi, ye bikoba ya yandi tuba luvunu ve.

1 Petelo 3:8

Na zulu na yai yonso, beno yonso vanda na mabanza mosi, kuwilana ntantu, zolana bonso bampangi, ntima ya nkenda ye mabanza ya dikulumusa. Lom. 12:16; 15:5; Fili. 3:15

1 Petelo 4:4

Bau ikele kuyituka ye tuba mbi sambu na beno, sambu na beno sala ve nsumukunu ya bau sala.

2 Petelo 2:10

Kansi ya luta kwa bau ya tambula mu nsuni, mu luzolo ya nsuni ya nsoni, ye ikele kusaula luyalu. Bankwa ntu ngolo, lulendo, bau tita ve kufinga bankwa nkembo. Yud. 8

Yuda 1:10

Kansi bayai ikele kutuba mbi sambu na mambu ya bau konda kuzaba ye mu mambu yonso ya bau zaba mu kimuntu, bonso bambizi ya konda ngangu, mu mambu yai bau ikele mu mbungulu. 2 Pet. 2:12

Yuda 1:8

Mpilayai mpe bayai mu bandozi ya bau ikele kusumuna nsuni ye kitula kimfumu mpamba ye finga bankwa nkembo mu zulu. 2 Pet. 2:10