Tito 3:12 - Le Nouveau Testament en Kikwango 1950

¹² Bu mono imene kufidisa Alatema keti Tikiko kwa nge, buna tula ngolo nakwiza kwa mono ku Nikopoli; kadi mono imene kukana kuvanda kuna mu nsungi ya madidi.

Tito 3:12 Iomraidhean Croise

Bisalu Ya Bantumwa 20:4

Sopato mwana ya Pilo, mwisi Belea ye Alistalako ye Sekundo bisi Tesalonika, ye Ngayo mwisi Delebe, ye Timoteo ye Tikiko ye Tolofimo bantu ya Asia, bau kwendaka na yandi.

1 Kolinto 16:6

kansi mono banza mono tavanda na beno ntangu fioti, keti mu nsungi ya madidi yamvimba, na beno lenda kusindika mono konso nzila ya mono kwenda.

Efeso 6:21

Kansi na beno lenda kuzaba mambu ya mono ye mpilamosi mono ikele, Tikiko mpangi ya zolwa ye sielo ya kwikama mu Mfumu, tazabisa beno mambu yonso.

Kolosai 4:7

Bonso mono ikele, Tikiko tasonga beno, yandi ikele mpangi ya zolwa ye sielo ya kwikama ye sielo sikamosi na mono mu Mfumu.

2 Timoteo 4:12

Mono fidisaka Tikiko ku Efeso.

2 Timoteo 4:21

Tula ngolo nakwiza ntete na nsungi ya madidi. Eubolo fidisa nge mbote, ye Pude, ye Lino, ye Klaudia, ye bampangi yonso.

2 Timoteo 4:9

Tula ngolo kwiza kwa mono nswalu.