Tito 2:3 - Le Nouveau Testament en Kikwango 1950

³ Mpilayai mpe, bankento ya nuna fwiti kuvanda na nkadulu ya lunga, kutuba kitemo ya luvunu ve, keti kuvanda bampika ya malafu ve, kansi kuvanda balongi ya mambu mbote; 1 Tim. 2:9; 3:11; 5:13; 1 Pet. 3:3

Tito 2:3 Iomraidhean Croise

Loma 1:29

Bau fuluka na konda ya lunungu yonso, bau sala mambu mbi, bau tonda bima, bau sala nsoki, bau fuluka na kimpala, bau kufwa bantu, ntembe, lukusu, bungubi, bitubatuba, 1 Kol. 6:9; 2 Kol. 12:20; Ngal. 5:19; Ef. 5:3

Loma 16:2

Beno baka yandi mu Mfumu, bonso yo lunga na banlongo, sadisa yandi mu mambu yonso ya yandi ikele na nsatu nakati na beno; kadi yandi kibeni mpe vandaka nsadisi ya bantu mingi ye ya mono kibeni mpe.

Efeso 5:3

Kansi bizumba ye nsumukunu yonso keti zola ya bima, bika yo vanda ta fioti ve nakati na beno, bonso yo lunga kwa banlongo, Mal. 7:21; Kolo. 3:5; Ngal. 5:19

1 Timoteo 3:11

Mpilayai, bankento mpe fwiti kuvanda na luzitu, kuvanda na luvunu ve, kukolwa na malafu ve, kuvanda ya kwikama mu mambu yonso.

1 Timoteo 3:8

Mpilayai basielo ya dibundu fwiti kuvanda na luzitu, kuvanda na ndinga zole ve, kuzola malafu ve, kutula luzolo na bima ve.

1 Timoteo 5:23

Kunwa masa kaka ve, kansi kunwa ndambu ya vinia sambu na divumu ya nge, ye sambu na lebakana ya ikele na nge ntangu na ntangu.

Tito 1:7

Kadi nkengi fwiti kukonda mbi, bonso nlundi ya bima ya Nzambi, ya dizola ve, ya baka makasi nswalu ve, ya zola malafu ve, ya nwana ve, ya zola ndandu ya nsoni ve, 3 Mose 10:9; 1 Tim. 3:2; 1 Pet. 5:2

Tito 2:4

na bau lenda kulonga bankento ya nleke kuzola babakala ya bau ye bana ya bau;

Ebeleo 5:12

Kadi tuka ntama beno fwiti kuvanda banlongi, kansi beno ikele na mfunu diaka na muntu longa beno luyantiku ya nsamu ya Nzambi; beno imene kituka bonso bana ya ikele na nsatu ya mabele, kansi madia ya ngolo ve. 1 Kol. 3:1

Nzaikulu 2:20

Kansi mono ikele na nge mambu, na nge ndima nkento yina Isabeli ya dibinga mbikudi, yandi ikele kulonga ye kuvengumuna basielo ya mono, na bau sala bizumba ye kudia bima ya yokwa ku biteki. 1 Nt. 16:31; 2 Nt. 9:22; Bis. 15:20; 1 Kol. 10:19