Tito 2:12 - Le Nouveau Testament en Kikwango 1950

¹² yo ikele kulonga beto kubuya mambu ya konda vumi ya Nzambi, ye luzolo ya mbi ya nsi, na beto tavanda na moyo ya mbote, ye ya lunungu, ye ya vumi ya Nzambi, mu ntangu yai, Ef. 1:4; Kolo. 1:22; 1 Yoa. 2:16

Tito 2:12 Iomraidhean Croise

Matai 16:24

Buna Yesu tubaka kwa banlonguki ya yandi: Kana muntu zola kulanda nanima na mono, bika yandi dibuya ye baka kulunsi ya yandi ye landa mono. Mat. 10:38; Mal. 8:34; Luk. 9:23

Loma 6:19

Mono tuba mu kimuntu sambu na lebakana ya nsuni ya beno, kadi bonso beno pesaka biela ya beno bonso bampika ku nsumukunu, ku kimpumbulu ye ku bifu ya kimpumbulu, mpilayai beno pesa biela ya beno bonso bampika ku lunungu na kuvanda ya nlongo.

2 Petelo 2:9

Mfumu zaba kuvulusa bantu ya vumina Nzambi tuka mpukumunu, ye lunda bankwa konda lunungu nansi ya ndongi ti lumbu ya mfundusu.

1 Yoane 2:6

Yandi ya tuba yandi ikele kuvanda mu yandi, yandi kibeni fwiti kutambula bonso yandi tambulaka. Mat. 11:29; Yoa. 13:15; 15:4; Fili. 2:6; 1 Pet. 2:21

2 Timoteo 3:12

Bau yonso ya zola kuvanda mu vumi ya Nzambi mu Klisto Yesu, tamoniswa mpasi. Mat. 16:24; Yoa. 15:19; 16:1; Bis. 14:22

Nzaikulu 14:12

Awa ikele mvibudulu ya banlongo, bau ya lunda bansikudukusu ya Nzambi ye lukwikilu ya Yesu. Eb. 4:10; Nzai. 19:9

Luka 1:75

mu nlongo ye mu lunungu nantwala ya yandi mu bilumbu ya beto yonso. 1 Pet. 1:15

1 Tesalonika 4:7

Kadi Nzambi bingaka beto ve ku nsumukunu kansi ku mambu yanlongo.

Tito 3:3

Kadi ntete beto mpe vandaka buzoba, ye kolama, ye kuswa, beto vandaka bampika ya luzolo ya mbi ye kiese ya mbi mutindu ye mutindu, beto vandaka na kimpala ye kimbeni, beto tulanaka kimbeni. 1 Kol. 6:11; Ef. 2:1; 5:8; Kolo. 3:7

1 Tesalonika 4:9

Beno ikele nsatu ve na muntu sonika kwa beno sambu na zola ya kimpangi, sambu na Nzambi ikele kulonga beno kibeni kuzolana, Yoa. 13:34; 15:12; 1 Pet. 4:8; 1 Yoa. 3:11; 4:21

Efeso 2:2

Mu yo beno tambulaka ntete, bonso kifu ya nsi mu ntangu yai, bonso beno landaka nkuluntu ya bangolo ya mupepe. Yandi ikele mpeve ya kusala mu bana ya kolama. Kolo. 3:6

Loma 12:2

Beno difwanikisa ku nsi yai ve, kansi pinduka yampa mu mabanza ya beno, na beno lenda kuzaba yina ya ikele luzolo ya Nzambi ya mbote ye ya zolakana ye ya lunga. Ef. 4:23; 5:10, 17; Fili. 1:9

Loma 6:12

Sambu na yai, bika masumu yala ve mu nitu ya beno ya lufwa, na beno talemvuka lutondo ya yo;

Matai 28:20

longa bau kukeba mambu yonso ya mono sikidikisaka beno. Tala, mono ikele na beno bilumbu yonso, ti nsuka ya ntangu.

1 Yoane 2:27

Kansi sitwa ya mafuta ya beno bakaka tuka yandi ikele kuvanda mu beno, mpilayai beno ikele na nsatu ve na muntu longa beno, kansi sitwa ya mafuta yina ikele kulonga beno mambu yonso, yo ikele kieleka ye luvunu ve, bonso yo longaka beno, mpilayai beno vanda mu yandi. Yel. 31:34; Yoa. 14:26; 16:13

2 Petelo 3:11

Sambu na beto mona, na bima yai yonso tamana, buna beto fwiti kuvanda bantu mutindu nki, mu bisalu yanlongo ye vumi ya Nzambi ?

Ebeleo 8:11

Muntu talonga mwisi nsi ya yandi ve, keti mpangi kwa mpangi ya yanli ve, kutuba: Zaba Mfumu! Kadi bantu yonso tazaba mono, tuka na ya fioti ti na yanene nakati na bau, Yes. 54:13; 1 Yoa. 2:27

1 Timoteo 6:17

Sikidikisa bamvwama ya nsi yai, na bau kuditombola ve, keti kutula vuvu mu kimvwama ya lenda kuvila, kansi kutula vuvu mu Nzambi. Yandi ya pesa beto bima yonso mu kimvwama kuyangidisa beto. Yobi 31:24; Nk. 62:10; Mal. 4:19; 10:23; Luk. 12:15, 20; Yak. 5:1

1 Timoteo 4:12

Bika muntu kusaula kinleke ya nge ve; kansi vanda kifwani kwa bakwikidi, mu ndinga, mu bifu, mu zola, mu lukwikilu, ye mu vedila. Tit. 2:7; 1 Pet. 5:3

Kolosai 1:22

mu nitu ya nsuni ya yandi mu lufwa, sambu na kutula beno banlongo ye konda kieta ye konda kusemba nantwala na yandi kibeni, Ef. 5:27

Ngalata 5:24

Kansi bau ya Klisto Yesu, imene kukoma nsuni sikamosi na lutondo mbi na yo va kulunsi. Lom. 6:6

Ngalata 1:4

Yandi dipesaka sambu na masumu ya beto, na yandi lenda kuvulusa beto tuka ntangu yai ya mbi, bonso ikele luzolo ya Nzambi ye Tata ya beto. Mat. 20:28; Ngal. 2:20; Ef. 5:2; Tit. 2:14

2 Kolinto 7:1

Sambu na yai beno bazolwa, sambu na beto ikele na bansilulu yai, bika beto divedisa tuka nsumukunu yonso ya nsuni ye ya mpeve, ye lungisa mvedolo mu vumi ya Nzambi. 1 Yoa. 3:3

2 Kolinto 1:12

Kadi luyanu ya beto ikele yai, kitemo ya kansansa ya beto, beto tambula mu nsi ye nakati na beno mu nlongo ya kieleka ya Nzambi, mu ngangu ya kinsuni ve, kansi mu nlemvo ya Nzambi. 1 Kol. 2:4, 13; 2 Kol. 6:6

Loma 8:13

Kadi kana beno tambula mu kinsuni, beno fwiti kufwa, kansi kana beno kufwa bifu ya nitu mu Mpeve, beno tavanda na moyo. Kolo. 3:5

Bisalu Ya Bantumwa 24:25

Bu yandi tubaka sambu na lunungu ye bika masumu ye mfundusu ya ikele kwiza, Feliki vandaka na boma, ye vutulaka: Kwenda kwa nge ntangu yai, bu mono mona ntangu ya lunga, mono tabinga nge. Eb. 10:27

Bisalu Ya Bantumwa 24:16

Sambu na yai mono sala ngolo kuvanda na kansansa ya vedila kwa Nzambi ye kwa bantu ntangu yonso. Bis. 23:1; 1 Pet. 3:16

1 Yoane 5:19

Beto zaba beto ikele ya Nzambi, ye nsi yamvimba ikele kulala mu nkwa mbi.

Efeso 1:4

Kadi yandi solaka beto mu yandi, bu nsi imene kusalwa ve, na beto tavanda ya nlongo ye konda kieta nantwala na yandi, Lom. 8:29; Ef. 5:27; 2 Tim. 1:9; 2 Tes. 2:13; Tit. 2:12

Yoane 14:30

Mono tatuba kwa beno mambu mingi yankaka ve. Sambu na nkuluntu ya nsi yai imene kwiza, yandi ikele na mambu mu mono ve. Yoa. 16:11

Yoane 6:25

Bu bau monaka yandi ku simu ya mbu, bau tubaka kwa yandi: Nlongi, nki ntangu nge kwizaka awa ?

Luka 1:6

Bau zole vandaka balunungu nantwala ya Nzambi, bau tambulaka mu nsikudukusu yonso ye ndinga ya Mfumu, bau konda kusembwa.

Yuda 1:18

na bau tubaka kwa beno: Mu ntangu ya nsuka basaudi tavanda ya tambula mu luzolo ya bau ya nsuni ya konda vumi ya Nzambi. Bis. 20:29; 1 Tim. 4:1; 2 Tim. 3:1; 2 Pet. 2:10; 3:3

2 Timoteo 4:10

Kadi Dema bikaka mono, sambu na yandi zolaka mambu ya nsi yai, ye yandi kwendaka ku Tesalonika; Kleske kwendaka ku Ngalatia; Tito kwendaka ku Dalamatia. Kolo. 4:14

Matai 12:32

Ye konsonani ya tuba mambu ya mbi sambu na Mwana ya muntu, yo tavidiswa, kansi konsonani ya tuba mbi sambu na Mpeve Yanlongo, yo tavidiswa ve mu ntangu yai keti mu yina ya ikele kwiza.

1 Timoteo 6:9

Kansi bau ya zola kuvanda kimvwama ikele kubwa mu mpukumunu ye siongi ye luzolo mingi ya buzoba ye ya mbi, yau takotisa bantu mingi mu mpasi ya ngolo ye mu lufwa. Bing. 11:28; 28:20; Mat. 13:32; Mal. 10:20; Luk. 16:19; Yak. 5:1

Yakobi 1:27

Nsambilu ya kieleka, ye ya kondwa kusumuka nantwala ya Nzambi Tata ya beto ikele yai: Sadisa bau ya konda tata, ye bafwola mu mpasi ya bau, ye dikeba kukondwa ya matona mu nsi.