Tito 2:10 - Le Nouveau Testament en Kikwango 1950

¹⁰ Bau kuyiba ve, kansi kusonga kwikama yonso ya mbote, na bau lenda kuyidika malongi ya Nzambi, Mvulusi ya beto, mu mambu yonso.

Tito 2:10 Iomraidhean Croise

Matai 24:45

Buna nani ikele mpika ya kwikama ye ya ngangu, ya mfumu ya yandi tulaka va zulu ya bantu ya nzo ya yandi, sambu na kupesa bau madia mu ntangu ya lunga.

Matai 5:16

Mpilayai, bika mwini ya beno kienzula nantwala ya bantu, na bau lenda kumona bisalu ya beno ya mbote, ye kembila Tata ya beno ya ikele mu zulu. 1 Pet. 2:12

Luka 1:47

mpeve ya mono ikele kuyangalala mu Nzambi, Mvulusi ya mono;

Luka 1:80

Ye mwana kulaka ye kwizaka ngolo mu mpeve ye vandaka mu nsi ya mpamba ti na kilumbu ya songwa kwa Isaeli. Luk. 2:40

Luka 16:10

Yandi ya ikele kwikama mu bima fioti, ikele kwikama mu bima mingi mpe; yandi ya konda lunungu mu bima fioti, ikele kukonda lunungu mu bima mingi mpe. Luk. 19:17

Yoane 12:6

Yandi tubaka yo ve, sambu na yandi zolaka bansukami, kansi kaka sambu na yandi ikele muyifi, ye ngoto ya mbongo ikele na yandi, ye yandi ikele kubaka ya bau tula muna.

1 Kolinto 4:2

Mu mambu yai yo ikele kusoswa kwa banlundi na bau fwiti kuvanda ya kwikama.

Efeso 4:1

Mpilayai, mono muntu ya boloko mu Mfumu, ikele kubombidila beno, kutambula ya lunga mu mbokolo ya beno bingwaka. Ef. 2:1

Filipi 1:27

Beno vanda ya lunga mu nsamu mbote ya Klisto, kana mono kwiza kutala beno keti mono kwiza ve, mono lenda kuwa beno ikele kutelema ngolo mu mpeve mosi ye kunwana mu mwela mosi, sambu na lukwikilu ya nsamu mbote. Bis. 4:32; Ef. 4:1; Kolo. 1:10; 1 Tes. 2:12

Filipi 4:8

Mpilayai bampangi, konso mambu ya ikele kieleka, konso mambu ya ikele na luzitu, konso mambu ya ikele lunungu, konso mambu ya ikele vedila, konso mambu ya ikele ya zolwa, konso mambu ya ikele na nsangu mbote, kana bifu ya mbote ikele, kana nsikulu ikele, beno banza mambu yina.

1 Timoteo 1:1

Paulu, ntumwa ya Klisto Yesu, bonso nsikudukusu ya Nzambi, Mvulusi ya beto, ye Klisto Yesu, vuvu ya beto, Bis. 9:15; Ngal. 1:1; Tit. 1:1

1 Timoteo 5:17

Bambuta ya ikele kuyala mbote, bika bau kuvanda na luzitu ya nene, ye luta kuzitisa bau ya sala mu ndinga ye malongi.

1 Timoteo 6:1

Bantu yonso ya ikele mu kimpika nansi na vangu, bika bau kutanga bamfumu ya bau lunga na luzitu yonso, na nkumbu ya Nzambi ye malongi lenda kutubwa mbi ve. Ef. 6:5; Kolo. 3:22; Tit. 2:9; Yak. 2:7; 1 Pet. 2:18

1 Timoteo 6:3

Kana muntu longa malongi yankaka, ye kwikila ve malongi ya kieleka, ya ikele ndinga ya Mfumu ya beto Yesu Klisto, ye malongi ya kufwana vumi ya Nzambi.

Tito 1:3

Kansi mu ntangu ya yandi, yandi zabisaka mambu ya yandi mu nsamunu ya peswaka kwa mono bonso nsikudukusu ya Nzambi, Mvulusi ya beto. Ef. 1:9; 3:9; Kolo. 1:26; 1 Tes. 2:4; 1 Tim. 1:1

Tito 3:4

Kansi bu nkenda ya Nzambi Mvulusi ya beto, ye zola ya yandi kwa bantu monikaka.

1 Petelo 2:12

Vanda na bifu ya mbote nakati na bapaien, buna bu bau tuba mbi na beno, bonso beno ikele basadi ya mbi, bu bau mona bisalu ya beno ya mbote, bau lenda kupesa nkembo kwa Nzambi, mu kilumbu ya yandi kwiza kwa bau. Mat. 5:16; 1 Pet. 3:16

1 Petelo 3:16

Vanda na kansansa ya mbote, buna bau ya tuba mbi sambu na bisalu ya beno ya mbote mu Klisto lenda kumoniswa nsoni, mu mambu ya bau ikele kutuba sambu na beno. Tit. 2:8; 1 Pet. 2:12, 15

2 Yoane 1:9

Konsonani ya ikele kwenda nantwala ye ikele kuvanda ve mu malongi ya Klisto, yandi ikele na Nzambi ve; kansi yandi ya ikele kuvanda mu malongi ya Klisto ikele na Tata ye Mwana. Yoa. 14:23