Tito 1:3 - Le Nouveau Testament en Kikwango 1950

³ Kansi mu ntangu ya yandi, yandi zabisaka mambu ya yandi mu nsamunu ya peswaka kwa mono bonso nsikudukusu ya Nzambi, Mvulusi ya beto. Ef. 1:9; 3:9; Kolo. 1:26; 1 Tes. 2:4; 1 Tim. 1:1

Tito 1:3 Iomraidhean Croise

Malako 1:15

Ntangu imene kulunga, ye kimfumu ya Nzambi ikele mfinama, pindula mabanzi ya beno, ye kwikila nsamu mbote.

Malako 13:10

Kansi nsamu mbote fwiti kusamunwa ntete kwa makanda yonso ya bantu.

Malako 16:15

Yandi tubaka kwa bau: Beno kwenda ku nsi yonso, ye samuna nsamu mbote kwa nsemono yamvimba. Mat. 28:19

Luka 1:47

mpeve ya mono ikele kuyangalala mu Nzambi, Mvulusi ya mono;

Bisalu Ya Bantumwa 10:36

Mambu ya yandi fidisaka kwa bana ya Isaeli, mu samuna ya nsamu mbote ya yenge mu Yesu Klisto, yandi ikele Mfumu ya bantu yonso. Yes. 52:7

Bisalu Ya Bantumwa 17:26

Yandi salaka makanda yonso ya bantu katuka na tata mosi, sambu na kuvanda na ntoto yonso, yandi songaka nsungi ya zengwa, ye kitezo ya ntoto ya bau tavanda. 1 Mose 1:27; 5 Mose 32:8

Loma 15:19

mono sala yai mu ngolo ya bidimbu ye nyitukulu, mu ngolo ya Mpeve Yanlongo, sambu na mono imene kulungisa nsamu mbote ya Klisto tuka Yelusalemi ye ndambu yonso ya yo, ti na Ililiko.

Loma 16:25

Kwa yandi ya lenda kusikidika beno bonso ikele mu nsamu mbote ya mono, ye nsamunu ya Yesu Klisto, bonso nzaikusu ya mambu ya kinsweki ya vandaka mu kinsweki tuka na bantangu ya luyantiku, Ef. 3:20; Yud. 24

Loma 16:26

kansi ntangu yai yo imene kuzabiswa mu masonukwa ya bambikudi bonso nsikudukusu ya Nzambi ya mvu ya mvu. Yo imene zabiswa kwa bansi ya bantu yonso kwa lemvukilu ya lukwikulu. Ef. 1:1

Loma 5:6

Kadi bu beto vandaka lebakana, mu ntangu ya lunga Klisto kufwaka sambu na bankwa konda vumina Nzambi. 1 Pet. 3:18

1 Kolinto 9:17

Kadi kana mono sala yai na luzolo ya mono, mono ikele na nsendo; kansi kana na luzolo ya mono ve, kinlundi peswaka kwa mono.

Ngalata 4:4

Bu ntangu ya lunga kwizaka, Nzambi fidisaka Mwana ya yandi, ya butuka na nkento ya butuka nansi ya nsiku. Ef. 1:10

Efeso 1:10

Buna mu lukanu ya yandi, bu ntangu imene kulunga, yandi tadikutikisila bima yonso mu Klisto, ya ikele mu zulu, ye yina ya ikele va ntoto. Ngal. 4:4; Kolo. 1:16, 19

Efeso 2:17

Yandi kwizaka kusamuna nsamu mbote ya yenge kwa beno ya vandaka ntama, ye yenge kwa bau ya vandaka mfinama, Yes. 57:19

Filipi 1:13

mpilayina minyololo ya mono mu Klisto imene kumonika mu kibuka yamvimba ya basoldat ye kwa bankaka yonso,

Kolosai 1:23

kana beno vanda mu lukwikilu ya lunga ye vanda ngolo ya konda kukatulwa mu vuvu ya nsamu mbote ya beno kuwaka, ya samunwaka mu nsemono yonso nansi ya zulu, mu yo, mono Paulu kitulwa sielo. Lom. 10:18; Ef. 3:7

Kolosai 1:6

Mambu yai kwizaka kwa beno bonso yau ikele mpe mu nsi yamvimba, yau ikele kubuta mabundu ye kwiza mingi bonso mu beno mpe, tuka kilumbu yina ya beno kuwaka ye kuzabaka nlemvo ya Nzambi mu kieleka, Mal. 4:8; Bis. 6:7

1 Tesalonika 2:4

kansi bonso Nzambi imene kumona beto ya lunga kupeswa nsamu mbote, mpilayina beto tuba, sambu na yangidisa ve bantu kansi Nzambi ya meka mintima ya beto. Ngal. 1:10; 2:7

1 Timoteo 1:1

Paulu, ntumwa ya Klisto Yesu, bonso nsikudukusu ya Nzambi, Mvulusi ya beto, ye Klisto Yesu, vuvu ya beto, Bis. 9:15; Ngal. 1:1; Tit. 1:1

1 Timoteo 1:11

bonso ikele nsamu mbote ya nkembo ya Nzambi ya nsakumunu, ya tulwaka mu maboko ya mono. Ngal. 2:7; 1 Tes. 2:4

1 Timoteo 2:3

Sambu na yai ikele ya mbote ye ya lunga na luse ya Nzambi, Mvulusi ya beto

1 Timoteo 4:10

Sambu na yai, beto sala ye nwana, sambu na beto imene kutula vuvu mu Nzambi ya ikele na moyo, yandi ikele Mvulusi ya bantu yonso, kansi luta kwa bau ya kwikila.

2 Timoteo 4:17

Kansi Mfumu telemaka sikamosi na mono, ye siamisaka mono, na nsamunu lenda kuzabiswa ndambu yonso, sambu na mono, ye na bapaien yonso lenda kuwa, na mono vuluswaka na munoko ya nkosi.

Tito 2:10

Bau kuyiba ve, kansi kusonga kwikama yonso ya mbote, na bau lenda kuyidika malongi ya Nzambi, Mvulusi ya beto, mu mambu yonso.

Tito 2:13

bu beto vingila vuvu ya kiese, ye kumonika ya nkembo ya Nzambi ya nene, ye Mvulusi ya beto Klisto Yesu. 1 Kol. 1:7; Fili. 3:20

Nzaikulu 14:16

Yandi ya vandaka va dituti tulaka kizengilu ya yandi va ntoto, ye bilanga ya ntoto yonzikwaka. Mat. 13:39