Tito 1:16 - Le Nouveau Testament en Kikwango 1950

¹⁶ Bau tuba bau zaba Nzambi; kansi na bisalu ya bau, bau ikele kubuya yandi, bau ikele mbi ye kolama, bau lenda ve kusala mambu ya mbote, tafioti. 2 Tim. 3:5; Yud. 4

Tito 1:16 Iomraidhean Croise

Loma 1:28

Mpilamosi bau buyaka kukeba Nzambi mu mabanza ya bau, buna Nzambi pesaka bau ku mabanza ya mbi ya lenda kupindula ve, sambu na kusala yina ya lunga ve.

Efeso 5:6

Bika muntu kukusa beno ve mu ndinga ya mpamba, kadi sambu na mambu yai, makasi ya Nzambi ikele kwiza va bana ya kolama. Lom. 1:18; Kolo. 3:6; 2 Tes. 2:3

1 Timoteo 1:9

Beto zaba yai, nsiku tulwaka ve, sambu na muntu ya lunungu, kansi sambu na bantu ya buya nsiku, ye bakolami, ye bau ya konda kuvumina Nzambi, ye bankwa masumu, ye bantu ya sumuka, ye bafingi ya Nzambi, ye bafwi ya batata ye ya bangudi ye ya bantu Ngal. 3:19; 5:23

1 Timoteo 5:8

Kansi kana muntu buya kusadisa bibutu ya yandi, ye ya luta bantu ya nzo ya yandi kibeni, yandi imene kubuya lukwikilu, ye yandi luta mbi na muntu ya konda lukwikilu.

2 Timoteo 3:17

na muntu ya Nzambi lenda kuvanda ya lunga, ye ya toma yidikwa mu bisalu yonso ya mbote. 2 Tim. 2:21

Tito 3:1

Kubambukisa bau kulemvuka kwa bakuluntu ye bankwa ngolo, kulemvuka bau ye vanda ya yidikwa kwa bisalu yonso ya mbote, Lom. 13:1; 2 Tim. 3:17; 1 Pet. 2:13

Tito 3:3

Kadi ntete beto mpe vandaka buzoba, ye kolama, ye kuswa, beto vandaka bampika ya luzolo ya mbi ye kiese ya mbi mutindu ye mutindu, beto vandaka na kimpala ye kimbeni, beto tulanaka kimbeni. 1 Kol. 6:11; Ef. 2:1; 5:8; Kolo. 3:7

1 Yoane 2:4

Yandi ya tuba: Mono zaba yandi, kansi yandi ikele kukeba ve bansikudukusu ya yandi, yandi ikele nkwa luvunu, ye kieleka ikele mu yandi ve. 1 Yoa. 1:6

Yuda 1:4

Kadi bantu yankaka kotaka mu kinsweki, bantu yai sonamaka ntete ku mbedoso yai. Bau kondaka vumi ya Nzambi, ye kitulaka nlemvo ya Nzambi bonso mambu ya nsoni, ye buyaka Nyadi ya beto mosi kaka, ikele Mfumu Yesu Klisto.

Nzaikulu 21:27

Konsokima ya sumuka takota muna ta fioti ve, keti muntu ya sala masumu keti luvunu lenda kukota muna ve, kansi bau kaka ya sonama mu nkanda ya moyo ya Mwana Dimeme. Yes. 35:8; 52:1; Yeh. 44:9; Nzai. 13:8; 20:12; 2:15

Nzaikulu 21:8

Kansi bau ya ikele na boma, ye ya konda lukwikilu, ye ya sala masumu, ye bafwi ya bantu, ye bankwa bizumba, ye bankwa kindoki, ye basambidi ya biteki, ye bankwa luvunu yonso, sika ya bau tavanda mu zanga ya lema, na tiya ye solofo, yai ikele lufwa ya zole. 1 Kol. 6:9; Ngal. 5:21; Ef. 5:6; Nzai. 20:10, 14; 22:15