Ngalata 6:2 - Le Nouveau Testament en Kikwango 1950

² Beno natana bizitu ya beno, buna beno talungisa nsiku ya Klisto. Lom. 15:1-2; Lom. 15:1; 1 Tes. 5:14

Ngalata 6:2 Iomraidhean Croise

Matai 8:17

na yo lenda kumaniswa ya tubwaka mu Yesaya mbikudi, kutuba: Yandi kibeni bakaka kimbevo ya beto ye nataka maladi ya beto. Yes. 53:4

Luka 11:46

Kansi yandi tubaka: Ndola kwa beno, bazabi ya nsiku, kadi beno ikele kupesa bantu bizitu ya luta mingi kunata, kansi beno kibeni ikele kuvalakana bizitu yina ve na musapi mosi ya beno. Bis. 15:10

Yoane 13:34

Nsikudukusu yampa mono pesa beno, na beno zolana, bonso mono zolaka beno, beno mpe zolana 3 Mose 19:18; Mat. 22:39; Yoa. 15:12, 17; Lom. 13:8; Ngal. 6:2; 1 Pet. 1:22; 1 Yoa. 3:11; 4:21

Yoane 15:12

Yai ikele nsikudukusu ya mono, na beno tazolana, bonso mono imene kuzola beno. Yoa. 13:14, 34; Ef. 5:2; 1 Tes. 4:9; 1 Yoa. 3:11, 16; 4:21

Loma 15:1

Beto ya ikele ngolo fwiti kunata kimbevo ya bankwa lebakana, ye beto diyangidisa ve. 1 Kol. 9:22; Ngal. 6:1

Loma 8:2

Kadi nsiku ya Mpeve ya moyo mu Klisto Yesu, kangulaka mono tuka nsiku ya masumu ye ya lufwa.

1 Kolinto 9:21

Kwa bau ya konda nsiku, mono ikele bonso ya konda nsiku, mono konda nsiku ya Nzambi ve, kansi mono ikele nansi ya nsiku ya Klisto, na mono lenda kubaka bau ya konda nsiku. Ngal. 2:3

Ngalata 6:5

Kadi muntu na muntu tanata kizitu ya yandi kibeni.

1 Tesalonika 5:14

Bampangi, beto bombidila beno, longa bau ya nkindu, pesa kikesa kwa bau ya ntima ya petepete, sadisa bau ya lebakana, vibidila bantu yonso. Lom. 14:1; Ngal. 6:1

Yakobi 1:25

Konso muntu ya tala mu nsiku ya lunga, yo ikele nsiku ya kimpwanza, ye yandi vibidila, ye ikele muwi ve ya vila, kansi musadi ya sala, yandi tasakumunwa mu kisalu ya yandi.

Yakobi 2:12

Beno tuba ye sala bonso bantu ya funduswa na nsiku ya kimpwanza.

Yakobi 2:8

Kansi kana beno lungisa nsiku ya kimfumu bonso ikele ma masonukwa: Zola bamfinangani ya nge, bonso nge kibeni, beno imene kusala mbote.

1 Petelo 2:24

Yandi kibeni nataka masumu ya beto, mu nitu ya yandi va nti, buna bu beto imene kufwa kwa masumu ya beto, beto lenda kuvanda na moyo ku lunungu, sambu na kubula ya yandi beto imene kubelulwa. Yes. 53:5; Lom. 6:1

2 Petelo 2:21

Kadi yo lutaka mbote kana bau zabaka ve nzila ya lunungu, na bau zaba yo ye tula nima ya bau ku nsikudukusu ya nlongo ya peswaka kwa bau. Luk. 12:47

2 Petelo 3:2

na beno tabambuka mambu ya tubwaka ntete mu bambikudi ya nlongo ye nsikudukusu ya Mfumu ye Mvulusi mu bantumwa ya beno.

1 Yoane 4:21

Beto ikele na nsikudukusu yai tuka yandi: Yandi ya zola Nzambi, bika yandi zola mpangi ya yandi mpe.