Ngalata 5:1 - Le Nouveau Testament en Kikwango 1950

¹ Sambu na kimpwanza, Klisto kangulaka beto, sambu na yai, telema ngolo, ye kangwa diaka ve na vangu ya kimpika.

Ngalata 5:1 Iomraidhean Croise

Matai 23:4

Bau ikele kukanga bizitu ya nene ye ya mpasi ye tula yau va mapeka ya bantu, kansi bau kibeni zola ve kutula musapi va yau. Luk. 11:46; Bis. 15:10; Ngal. 6:13

Luka 5:38

Kansi vinia yampa fwiti kutulwa mu makuba yampa.

Bisalu Ya Bantumwa 15:10

Sambu na nki beno yunsa Nzambi, na beno tula vangu va nkingu ya banlonguki, ya batata ya beto, ye beto lendaka kunata ve. Bis. 15:23; Ngal. 5:1

Loma 6:14

Kadi masumu tayala beno ve, kadi beno ikele nansi nsiku ve, kansi nansi nlemvo. Ngal. 5:18

Loma 6:18

Ye beno imene kukangulwa tuka masumu, beno imene kukituka bampika ya lunungu. 1 Kol. 7:22

Loma 7:3

Buna kana yandi bundana na bakala yankaka, bu bakala ya yandi ikele na moyo, yandi tabingwa nkwa bizumba; kansi kana bakala imene kufwa, yandi kangulwa tuka nsiku, buna yandi ikele nkwa bizumba ve kana yandi kwela na bakala yankaka. Mat. 5:32; 19:9; Mal. 10:11; Luk. 16:18

Loma 7:6

Kansi ntangu yai beto imene kukangulwa tuka nsiku, beto imene kufwa ku yina ya kangaka beto, buna beto ikele kuvanda bampika mu mambu yampa ya Mpeve, ye mu mambu ya nkulu ya bisono ve. 2 Kol. 3:6

Loma 8:15

Kadi beno bakaka ve mpeve ya kimpika na kuvanda na boma diaka, kansi beno bakaka Mpeve ya kimwana, ya beto ikele kuboka: Aba, Tata! 2 Tim. 1:7

Loma 8:2

Kadi nsiku ya Mpeve ya moyo mu Klisto Yesu, kangulaka mono tuka nsiku ya masumu ye ya lufwa.

1 Kolinto 15:58

Mpilayai, bampangi ya mono ya zolwa, vibidila, ye nikuka ve, luta kuvanda ngolo ntangu yonso mu kisalu ya Mfumu, sambu na beno zaba kisalu ya beno ikele mpamba ve mu Mfumu.

1 Kolinto 16:13

Tomatala, telema ngolo mu lukwikilu, vanda bonso bakala, vanda na ngolo. Ef. 6:10; Kolo. 1:11

1 Kolinto 7:22

Kadi konsonani ya ikele mpika bu yandi bingwaka mu Mfumu, yandi ikele muntu ya Mfumu ya kangula, mpilamosi mpe, yandi ya kangulwa bu Mfumu bingaka yandi, yandi ikele mpika ya Klisto. Yoa. 8:36; Lom. 6:18, 22; Ef. 6:6; Kolo. 3:24

2 Kolinto 11:20

Kadi beno vibidila, kana muntu tula beno bampika, kana muntu kudia beno, kana muntu kanga beno, kana muntu ditombola, kana muntu bula beno va luse.

2 Kolinto 3:17

Mfumu ikele Mpeve, konsosika ya Mpeve ya Mfumu ikele, kuna ikele kimpwanza. Ngal. 5:1, 13

Ngalata 2:4

Mono salaka yai sambu na bampangi ya luvunu kotaka mu kinsweki, kutala kimpwanza ya beto ya ikele mu Klisto Yesu, na bau lenda kutula beto mu kimpika.

Ngalata 3:25

Kansi ntangu yai lukwikilu imene kwiza, beto ikele nansi ya nlongi diaka ve.

Ngalata 4:26

Kansi Yelusalemi ya ikele na zulu ikele ya pwanza, yai ikele ngudi ya beto.

Ngalata 4:31

Mpilayai bampangi, beto ikele bana ya nkento kimpika ve, kansi bana ya nkento kimpwanza.

Ngalata 4:9

Ntangu yai, bu beno imene kuzaba Nzambi ye Nzambi imene kuzaba beno, buna nki beno vutuka diaka ku mabanza ya lebakana ye ya nsukami ya kimwana, ye beno tonda kuvanda diaka mu kimpika ? 1 Kol. 8:3; Kolo. 2:20

Ngalata 5:13

Bampangi, beno bingwaka sambu na kimpwanza, kansi sala kimpwanza ya beno pesa nzila kwa nsuni ve, kansi sadilana mu zola. 1 Kol. 8:9; 9:19; Ngal. 6:1

Efeso 6:14

Sambu na yai beno telema, beno kanga kieleka va tuketo ya beno ye vwata nkaku ya lunungu ya ntulu, 1 Tes. 5:8

Filipi 1:27

Beno vanda ya lunga mu nsamu mbote ya Klisto, kana mono kwiza kutala beno keti mono kwiza ve, mono lenda kuwa beno ikele kutelema ngolo mu mpeve mosi ye kunwana mu mwela mosi, sambu na lukwikilu ya nsamu mbote. Bis. 4:32; Ef. 4:1; Kolo. 1:10; 1 Tes. 2:12

1 Tesalonika 3:8

kadi beto ikele na moyo kana beno telema ngolo mu Mfumu.

2 Tesalonika 2:15

Sambu na yai, bampangi, telema ngolo ye simba nsiku nkulu ya bambuta, ya beno longwaka, keti na ndinga ya beto keti na nkanda ya beto. 1 Tes. 3:8

Ebeleo 10:23

bika beto simba ngolo kitemo ya lukwikilu ya beto na yo vanda ntembe ve, kadi yandi ya tulaka nsilulu ikele ya kwikama

Ebeleo 3:14

Kadi beto kitula bintwadi ya Klisto, kana beto simba vuvu ya beto ya ntete ngolo ti nsuka. Eb. 3:6

Ebeleo 3:6

kansi Klisto bonso Mwana vandaka na mawete mu nzo ya yandi yonso. Beto ikele nzo ya yandi, kana beto simba kikesa ya nkembo ya vuvu ya beto ti nsuka. Mat. 24:13; 1 Kol. 3:16; 1 Tim. 3:15; Eb. 3:14; 10:21

Ebeleo 4:14

Buna sambu na beto ikele na nganga nene ya luta, ya lutaka mu mazulu, Yesu Mwana ya Nzambi, bika beto simba ngolo kitemo ya beto ya lukwikilu. 2 Tes. 2:15; Eb. 3:1; 7:26; 8:3; 9:11, 24; 10:23

1 Petelo 2:16

Beno vanda bonso mpwanza, kansi sadila kimpwanza ya beno ve bonso kazaku ya fuka mbi, kansi bonso bampika ya Nzambi. Yoa. 8:32; Lom. 6:18; Ngal. 5:1, 3

2 Petelo 2:19

Bau silaka bau kimpwanza, bu bau kibeni ikele bampika ya mbivisu, kadi konso ya lutwa muntu kwa, yandi ikele mpika ya yo. Yoa. 8:34; Lom. 6:16

Yuda 1:3

Bazolwa, bu mono tulaka ngolo yonso kusonika kwa beno sambu na mpulusu ya beto ya kintuadi, mono monaka na mono fwiti kusonika kwa beno kubombidila beno kunwana ngolo sambu na lukwikilu ya peswaka kwa banlongo kimakulu.

Nzaikulu 2:25

Kansi mambu ya ikele na beno, simba yau ngolo ti mono kwiza. Nzai. 3:11

Nzaikulu 3:3

Mpilayai bambuka; bonso nge imene kubaka ye kuwa. Keba yo ye pindula mabanza. Kana nge tomatala ve, mono takwiza bonso mwivi, ye nge tazaba ve lokula ya mono takwiza kwa nge. Mat. 24:42; 1 Tes. 5:2; 2 Pet. 3:10; Nzai. 16:15