Ngalata 4:9 - Le Nouveau Testament en Kikwango 1950

⁹ Ntangu yai, bu beno imene kuzaba Nzambi ye Nzambi imene kuzaba beno, buna nki beno vutuka diaka ku mabanza ya lebakana ye ya nsukami ya kimwana, ye beno tonda kuvanda diaka mu kimpika ? 1 Kol. 8:3; Kolo. 2:20

Ngalata 4:9 Iomraidhean Croise

Matai 11:27

Tata ya mono imene kupesa mono bima yonso; muntu zaba Mwana ve kaka Tata, ye muntu zaba Tata ve kaka Mwana, ye konsonani ya Mwana zola kuzabisa yandi. Nk. 8:6; Mat. 28:18; Yoa. 1:18; 3:35; 6:46; 17:2

Luka 5:38

Kansi vinia yampa fwiti kutulwa mu makuba yampa.

Yoane 10:14

Mono ikele mvungi ya mbote, ye mono zaba mameme ya mono, ye mameme ya mono zaba mono,

Yoane 10:27

Mameme ya mono kuwa ndinga ya mono, ye mono zaba bau, ye bau landa mono. Yoa. 10:3

Yoane 17:3

Yai ikele moyo ya mvu ya mvu, na bau tazaba nge Nzambi mosi kaka ya kieleka; ye yandi ya nge fidisaka Yesu Klisto.

Loma 8:29

Kadi bau ya yandi zabaka ntete, yandi mpe solaka bau na kuvanda kifwani ya Mwana ya yandi, na yandi lenda kuvanda mwana ya ntete nakati bampangi mingi.

Loma 8:3

Kadi yina ya nsiku lenda ve kusala sambu na yo ikele lebakana mu nsuni, Nzambi salaka yo bu yandi fidisaka Mwana ya yandi mu kifwani ya nsuni ya masumu, ye sambu na masumu, yandi bedisaka masumu mu nsuni, Fili. 2:7

1 Kolinto 13:12

Kadi ntangu yai beto tala mu talatala bonso mu kingana, kansi ntangu yina luse ku luse, ntangu yai mono zaba ndambu kaka, kansi ntangu yina mono tazaba mbote, bonso mono ikele kuzabwa mbote.

1 Kolinto 15:34

Sikama ku konda kukolwa, sala lunungu, sala masumu ve! Kadi bankaka konda kuzaba Nzambi. Mono tuba yai kumonisa beno nsoni.

1 Kolinto 8:3

Kana muntu zola Nzambi, Nzambi ikele kuzaba yandi. Ngal. 4:9

2 Kolinto 11:20

Kadi beno vibidila, kana muntu tula beno bampika, kana muntu kudia beno, kana muntu kanga beno, kana muntu ditombola, kana muntu bula beno va luse.

2 Kolinto 4:6

Sambu na yo ikele Nzambi ya tubaka: Mwini kienzula mu mpimpa; yo kienzulaka ntima ya beto, kupesa mwini ya nzailu ya nkembo ya Nzambi na luse ya Klisto.

Ngalata 3:3

Beno ikele bunzoba mpilayai ? Bu beno yantikaka mu Mpeve, ntangu yai beno maniswa mu nsuni ?

Ngalata 4:3

Buna beto mpe, bu beto vandaka bana, beto vandaka mu kimpika mu mabanza ya nsi. Kolo. 2:20

Efeso 1:17

Na Nzambi ya Mfumu ya beto Yesu Klisto, Tata ya nkembo, lenda kupesa beno Mpeve ya ngangu ye ya nzaikusu, na beno lenda kuzaba yandi mbote.

2 Timoteo 2:19

Kansi lufulu ya ngolo ya Nzambi ikele kutelema, yo ikele na kidimbu yai; Mfumu zaba bantu ya yandi, ye konso muntu ya binga nkumbu ya Mfumu fwiti kudikatula na mambu ya konda lunungu.

Ebeleo 7:18

Kadi nsikudukusu ya vandaka ntete kitulwaka mpamba, sambu na yo vandaka lebakana ye konda kusadisa,

2 Petelo 2:20

Kadi kana bu bau imene kukatuka na mambu ya sumuka ya nsi mu nzailu ya Mfumu ye Mvulusi Yesu Klisto, bau ikele kukanga mu yau diaka ye lutwa ngolo, buna nsuka ya bau luta mbi na luyantiku ya bau. Mat. 12:45; Eb. 6:4

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.