kadi bu mono lutaka, mono monaka bima ya beno ikele kusambila, mono monaka zikwa ya ikele na sonama yai: KWA NZAMBI YA KONDA ZABAKANA. Yandi ya beno sambila, mu konda ngangu, mono ikele kusamuna yandi kwa beno.
Bau pindulaka nkembo ya Nzambi ya konda mbivisu sambu na kiteki ya kifwani ya muntu ya lenda kubivisa, ye ya bandeke, ye ya bambizi ya makulu iya, ye ya banioka ya dibenda. 2 Nt. 17:29; Nk. 106:20; Yes. 40:19; Yel. 2:11; Bis. 17:29
Mpilamosi bau buyaka kukeba Nzambi mu mabanza ya bau, buna Nzambi pesaka bau ku mabanza ya mbi ya lenda kupindula ve, sambu na kusala yina ya lunga ve.
Kadi bu nsi mu ngangu ya nsi zabaka Nzambi ve mu ngangu ya yandi, yo vandaka nzolakani ya Nzambi kuvulusa bau ya kwikila mu kinzoba ya nsamunu ya nsamu mbote. Mat. 11:25; Luk. 10:21
Buna sambu na mbizi ya yokwa nkailu kwa biteki, beto zaba kiteki ikele kima ve na nsi yai, ye Nzambi yankaka ikele ve, kansi mosi kaka. 5 Mose 4:36; 6:4; Mal. 12:29; 1 Kol. 10:20; Ef. 4:5; 1 Tim. 2:5
Bau ikele tombe mu nzailu ya bau, ye ikele banzenza ya moyo ya Nzambi, sambu na buzoba ya ikele na bau, ye sambu na ngolo ya ntima ya bau. Ef. 5:8; Kolo. 1:21
Kadi bau kibeni ikele kutuba bonso beto kotaka nakati ya beno, ye bonso beno pindukaka kwa Nzambi ye bikaka biteki, sambu na sadila Nzambi ya ikele na moyo ye ya kieleka. Bis. 4:15
Kadi yo lunga, mu ntangu ya lutaka, beto salaka luzolo ya bapaien, kutambulaka mu bizumba, zola ya nsuni, kolwa ya malafu, makinu, mambu ya nsoni, ye nsambilu ya biteki ya sumuka. Lom. 13:13; Ef. 4:17
Tala, zola ya nene ya Tata zolaka beto, na beto bingwa bana ya Nzambi, ye beto ikele yina mpe, sambu na yai nsi zaba beto ve, kadi yo zabaka yandi ve. Yoa. 1:12; 16:3