Biblia Todo Logo
Bìoball air-loidhne

- Sanasan -




Ngalata 4:5 - Le Nouveau Testament en Kikwango 1950

5 na yandi lenda kuvulusa bau ya ikele nansi ya nsiku, na beto lenda kubaka kimwana. Yoa. 1:12; Ngal. 3:13, 26

Faic an caibideil Dèan lethbhreac




Ngalata 4:5
26 Iomraidhean Croise  

Mpilayai Mwana ya muntu kwizaka ve sambu na bantu tasadila yandi, kansi kusadila bantu ye kupesa moyo ya yandi sambu na nkudulu ya bantu mingi. Yoa. 13:14; Ef. 1:7; Fili. 2:7; 1 Tim. 2:6; Tit. 2:14; 1 Pet. 1:19, 21


Mfumu Nzambi ya Isaeli, ikele Nkwa Lusakumunu, kadi yandi kwiza kutala bantu ya yandi ye sadila bau nkudulu; Luk. 2:30


Kansi yonso ya bakaka yandi, yandi pesaka bau ngolo kuvanda bana ya Nzambi, ikele bau ya kwikila mu nkumbu ya yandi. Ngal. 3:26; 1 Yoa. 3:1


Beno ditomatala beno kibeni ye kibuka yamvimba ya mameme, ya Mpeve Yanlongo imene kutula beno minkengi, kuvanda bamvungi ya dibundu ya Mfumu, ya yandi sumbaka na menga ya yandi kibeni. Nk. 74:2; Kolo. 1:14; 1 Tim. 3:1; 4:16; 1 Pet. 5:2; Ef. 1:7


Kadi Klisto ikele nsuka ya nsiku mu lunungu kwa konsonani ya kwikila. Ngal. 3:24; Eb. 9:28—10:15


Kadi bau yonso ya twadiswa mu Mpeve ya Nzambi, bau ikele bana ya Nzambi.


Kadi beno bakaka ve mpeve ya kimpika na kuvanda na boma diaka, kansi beno bakaka Mpeve ya kimwana, ya beto ikele kuboka: Aba, Tata! 2 Tim. 1:7


Kadi nsemono ikele kuvingila na vuvu mingi nzaikusu ya bana ya Nzambi.


Kaka yai ve, kansi beto kibeni mpe, ya ikele na mabundu ya ntete ya Mpeve, beto mpe ikele kuvumuka mu beto kibeni, bu beto ikele kuvingila kimwana, yo ikele nkudulu ya nitu ya beto.


Bau ikele baIsaeli, kwa bau ikele kimwana ye nkembo ye baluwawanu ye peswa ya nsiku ye kisalu ya Nzambi ye bansilulu,


Klisto imene kuvulusa beto tuka ndola ya nsiku, bu yandi ditulaka ndola sambu na beto, kadi yo ikele kusonama: Ndola ikele va konsonani ya bangwa va nti. 4 Mose 21:23; Ngal. 4:5


Kadi beno yonso ikele bana ya Nzambi mu lukwikilu mu Klisto Yesu. Yoa. 1:12; Lom. 8:15; Ngal. 4:5


Tuba kwa mono, beno ya tonda kuvanda nansi ya nsiku, beno ikele kuwa nsiku ve ?


Buna nge ikele mpika diaka ve, kansi mwana; kana nge ikele mwana, buna nge ikele mvingidi ya difwa mu Nzambi.


mu zola, yandi solaka beto ntete, na beto tavanda bana ya yandi mu Yesu Klisto, bonso nzolakani ya luzolo ya yandi,


Mu yandi beto ikele na nkudulu, mu menga ya yandi, mvidisilu ya masumu ya beto, bonso kimvwama ya nlemvo ya yandi. Kolo. 1:14; 1 Pet. 1:18


Tambula mu zola, bonso Klisto mpe zolaka beno, ye dipesaka sambu na beto, nkailu ye nkailu ya yokwa ya nsunga ya mbote kwa Nzambi. Yoa. 13:34; Yoa. 15:12; 1 Tes. 4:9; 1 Yoa. 3:11; Ngal. 2:20; Eb. 8:3; 1 Pet. 3:18


Yandi ya dipesaka sambu na beto, na yandi lenda kuvulusa beto tuka na mambu ya mbi yonso, ye kuyidika beto kuvanda bantu ya yandi kibeni, ya vibidila mu bisalu ya mbote. 2 Mose 19:6; Ngal. 1:4; 2:20; Ef. 2:10; 5:2; 1 Tim. 2:6; Eb. 9:14


yandi ikele ntentina ya nkembo ya Nzambi, ye kifwani ya mutindu ya yandi, ye yandi simba bima yonso mu ndinga ya ngolo ya yandi. Buna, bu yandi manisaka kuvedisa masumu, yandi vandaka na diboko kibakala ya Nkwa nene mu zulu. Nk. 110:1; Eb. 8:1


ikele mu menga ya bankombo ye mu menga ya bana ya bangombe mpe ve, kansi mu menga ya yandi kibeni, yandi kotaka mbala mosi mu sika ya nlongo, bu yandi bakaka nkudulu ya mvu ya mvu. Bis. 20:28; Eb. 10:10; 1 Pet. 1:18


Sambu na mambu yai, yandi ikele nwawasi ya luwawanu yampa, bau ya bingwa lenda kubaka difwa ya mvu ya mvu ya silwaka kwa bau sambu na mosi kufwaka sambu na nkudulu ya kufwa nsiku ya vandaka nansi ya luwawanu ya ntete. Lom. 3:25; 1 Tim. 2:5; Eb. 12:24; 1 Pet. 3:18


Kadi Klisto mpe kufwaka mbala mosi sambu na masumu, nkwa lunungu sambu na bankwa kondwa lunungu, na yandi lenda kutwala beto kwa Nzambi, bau kufwaka yandi mu nsuni, kansi yandi ikele na moyo mu mpeve. Lom. 5:6; 2 Kol. 13:4; Eb. 9:15, 28


Bau yimbaka nkunga yampa nantwala na kiti ya nkembo, ye nantwala na bambizi iya ya moyo ye bambuta; muntu lenda ve kulonguka nkunga yina, kansi bayina mafunda nkama mosi ye makumi iya ye iya ya sumbwaka tuko ntoto. Nk. 33:3; 96:1; Nzai. 5:9


Bau yimbaka nkunga yampa, kutuba: Nge lunga kubaka nkanda ye kukangula bidimbu ya yo, sambu na bau imene kufwa nge ye nge sumbaka kwa Nzambi na menga ya nge, bantu ya makanda yonso ye bandinga ye bantu ye makanda yonso, Nk. 144:9; 1 Kol. 6:20; 1 Pet. 1:18; Nzai. 4:11; 14:2


Lean sinn:

Sanasan


Sanasan