Ngalata 3:10 - Le Nouveau Testament en Kikwango 1950

¹⁰ Kadi bantu yonso ya ikele mu bisalu ya nsiku ikele nansi ya ndola, sambu na yo ikele kusonama: Ndola ikele na konsonani ya vanda ve mu mambu yonso ya sonikwa mu nkanda ya nsiku, sambu na kusala yo. 5 Mose 27:26

Ngalata 3:10 Iomraidhean Croise

Matai 25:41

Buna yandi tatuba kwa bau va diboko kinkento ya yandi: Katuka na mono, beno ya ikele na ndola, ye kwenda mu tiya ya mvu ya mvu, ya yidikwa sambu na diable ye banjo ya yandi. Nk. 6:8; Mat. 7:23; Luk. 13:27

Loma 4:15

Kadi nsiku ikele kubasisa makasi, kansi bu nsiku ikele ve, kufwa ya nsiku mpe ikele ve. Yoa. 15:22; Lom. 5:13; 7:8, 10; 1 Kol. 15:56

Loma 6:23

Kadi lufutu ya masumu ikele lufwa, kansi matabisi ya nlemvo ya Nzambi ikele moyo ya mvu ya mvu, mu Klisto Yesu Mfumu ya beto. 1 Mose 2:17; Lom. 5:12, 18; Yak. 1:15

Loma 8:7

sambu na mabanza ya nsuni ikele kimbeni kwa Nzambi, kadi yo ikele kulemvuka nsiku ya Nzambi ve, mpe yo lenda kusala mpila yai ve.

2 Kolinto 3:7

Kansi kana kisielo ya lufwa ya sonikwa mu bisono va matadi vandaka na nkembo, na bana ya Isaeli lendaka ve kutala luse ya Mose, sambu na nkembo ya luse ya yandi, ye nkembo yina katukaka, 2 Mose 34:29

Ngalata 2:16

Kansi beto zaba muntu ikele kunungiswa mu bisalu ya nsiku ve, kansi mu lukwikilu mu Klisto Yesu, beto mpe imene kukwikila mu Klisto Yesu, na beto lenda kunungiswa mu lukwikilu mu Klisto, mu bisalu ya nsiku ve; sambu na nsuni mosi tanungiswa ve mu bisalu ya nsiku. Nk. 143:2; Bis. 13:38; Lom. 1:17; 3:20; 8:3; Ngal. 3:11