Ngalata 3:1 - Le Nouveau Testament en Kikwango 1950

¹ Beno bisi Ngalatia ya bunzoba, nani imene kuvengumuna beno ? Beno ikele kusongwa mbote Yesu Klisto komwa va kulunsi.

Ngalata 3:1 Iomraidhean Croise

Matai 24:24

Kadi baklisto ya luvunu ye bambikudi ya luvunu tatelema ye songa bidimbu ya nene, ye mambu ya nyitukulu, sambu na kukusa basolwa, kana yo lendwa. 2 Tes. 2:11

Matai 7:26

Konso muntu ya kuwa mambu ya mono, ye sala yau ve, ikele mpilamosi bakala ya nzoba, ya tungaka nzo ya yandi va zelo.

Luka 24:25

Buna yandi tubaka kwa bau: O, beno bantu ya buzoba ye ntima na kwikila nswalu ve mu mambu yonso ya tubaka bambikudi.

Bisalu Ya Bantumwa 16:6

Bu Mpeve Yanlongo buyaka bau kulonga mambu mu Asia, bau lutaka mu Filingia ye ntoto Ngalatia.

Bisalu Ya Bantumwa 6:7

Mambu ya Nzambi mwanganaka ye ntalu ya banlonguki kwizaka mingi mu Yelusalemi, ye banganga mingi lemvukaka lukwikilu yina. Bis. 12:24; 19:20; Yoa. 12:42

Loma 10:16

Kansi bau yonso ndimaka ve kwa nsamu mbote, kadi Yesaya tubaka: Mfumu, nani imene kukwikila nsangu ya beto. Yes. 53:1

Loma 2:8

Kansi makasi ye ndola kwa bau ya ntu ngolo ya lemvuka ve mambu ya kieleka, kansi bau lemvuka konda ya lunungu. 2 Tes. 1:8

Loma 6:17

Kansi matondo kwa Nzambi, bonso beno vandaka bampika ya masumu, beno imene kulemvuka tuka ntima ya beno malongi yina ya longwa kwa beno.

1 Kolinto 11:26

Kadi konso ntangu ya beno kudia dimpa yai ye kunwa kopo yai, beno ikele kusamuna lufwa ya Mfumu ti yandi kwiza. Mat. 26:64; 24:42; Yoa. 14:3; Bis. 1:11

1 Kolinto 2:2

Kadi mono kanaka kuzaba kima yankaka ve nakati na beno, kansi Yesu Klisto kaka ikele yandi ya komwaka va kulunsi.

2 Kolinto 10:5

Mu yo beto ikele kupasula makani ye bima yonso ya kuditombolo kuluta nzailu ya Nzambi, beto ikele kutwala mabanza yonso mu kimpika ku lemvukilu ya Klisto.

2 Kolinto 11:3

Kansi mono ikele na boma, keti bonso nioka kusaka Eva mu mayele ya yandi, buna mabanza ya beno tabiviswa ye katuka na kwikama mu Klisto. 1 Mose 3:4; Yoa. 8:44; 10:12—11:12

Ngalata 1:2

ye bampangi yonso ya ikele na mono, fidisa mbote kwa mabundu ya Ngalatia.

Ngalata 1:6

Mono yituka sambu na beno ikele kukatuka nswalu tuka yandi ya bingaka beno mu nlemvo ya Klisto, ye ku nsamu ya mbote mutindu yankaka.

Ngalata 2:14

Bu mono monaka na bau tambulaka ya sungama ve mu kieleka ya nsamu mbote, mono tubaka kwa Kefa nantwala na bau yonso: Kana nge ya ikele muYuda ikele kutambula mu bifu ya bapaien, ye mu bifu ya baYuda ve, buna sambu na nki nge tula bapaien kutambula mu bifu ya baYuda ?

Ngalata 3:3

Beno ikele bunzoba mpilayai ? Bu beno yantikaka mu Mpeve, ntangu yai beno maniswa mu nsuni ?

Ngalata 4:9

Ntangu yai, bu beno imene kuzaba Nzambi ye Nzambi imene kuzaba beno, buna nki beno vutuka diaka ku mabanza ya lebakana ye ya nsukami ya kimwana, ye beno tonda kuvanda diaka mu kimpika ? 1 Kol. 8:3; Kolo. 2:20

Ngalata 5:11

Bampangi, kana mono ikele kusamuna mambu ya nzengolo, sambu na nki mono ikele kumoniswa mpasi ? Buna nteso ya sakuba ya kulunsi imene.

Efeso 3:8

Kwa mono, ya luta fioti na banlongo yonso ya fioti, peswaka nlemvo yai, kusamuna kwa bapaien nsamu mbote ya kimvwama ya Klisto, ya lenda ve kuteswa. 1 Kol. 15:9; Lom. 1:6; 11:33; Ngal. 1:16; 2:3; Kolo. 1:27

Efeso 4:14

Na beto tavanda bana diaka ve, ya natwa ye twalwa na mupepe yonso mu kimpa ya bantu ye mu bungubi ye kinkita ya vengumuna. 1 Kol. 14:20; Eb. 13:9

Efeso 5:15

Mpilayai, beno tomatala, bonso beno fwiti tambula, bonso bazoba ve, kansi bonso bankwa ngangu. Kolo. 4:5

2 Tesalonika 1:8

mu nlemo ya tiya kuvutula ndinda kwa bau ya zaba Nzambi ve ye bau ya lemvuka ve nsamu mbote ya Mfumu ya beto Yesu. Yes. 66:15; Lom. 2:8; 2 Pet. 3:7

1 Timoteo 6:4

Yandi ikele na lulendo, ye kuzaba kima ve, ye ikele kutula biuvu, ye ntembe, yau ikele kubasisa kimpala, mvita, mafingu, ye mabanza ya mbi, 1 Kol. 8:2; 2 Tim. 2:14

Ebeleo 11:8

Mu lukwikilu Abalahami, bu yandi bingwaka, yandi lemvukaka ye kwendaka ku sika ya yandi tabaka mpilamosi difwa, ye yandi basikaka ye zabaka ve sika ya yandi ikele kwenda. 1 Mose 12:1

Ebeleo 5:9

Bu yandi imene kulunga, yandi kitukaka mfumu ya mpulusu ya mvu ya mvu kwa bau yonso ya lemvuka yandi. Eb. 2:10

1 Petelo 1:22

Sambu na beno imene kuvedisa miela ya beno mu kulemvuka ya beno ku kieleka ku zola ya bampangi ya konda luvunu, mpilayai beno zolana mingi mu ntima yamvimba. Lom. 12:10; Ef. 4:2; 1 Tim. 1:5; 1 Pet. 2:7

1 Petelo 4:17

Kadi ntangu imene kwiza ya mfundusu kuyantika mu nzo ya Nzambi, kansi kana yo yantika ntete mu beto, buna nki tavanda nsuka ya bau ya buya nsamu mbote ya Nzambi ?

2 Petelo 2:18

Kadi bu bau tuba mambu nene ya lulendo ye kusa mu luzolo ya nsuni ye mu bizumba bau ya ikele kudikatula tuka bau ya vanda mu luvengumuni. Yud. 16

Nzaikulu 18:3

Kadi bansi yonso ya bantu imene kunwa vinia ya makasi ya bizumba ya yandi, ye bantinu ya ntoto imene kusala bizumba na yandi, bateki yonso ya ntoto imene kituka bamvwama sambu na ngolo ya kimvwama ya mbi ya yandi. Yel. 25:15; 51:7; Nah 3:4; Nzai. 14:8; 17:2

Nzaikulu 2:20

Kansi mono ikele na nge mambu, na nge ndima nkento yina Isabeli ya dibinga mbikudi, yandi ikele kulonga ye kuvengumuna basielo ya mono, na bau sala bizumba ye kudia bima ya yokwa ku biteki. 1 Nt. 16:31; 2 Nt. 9:22; Bis. 15:20; 1 Kol. 10:19