Ngalata 2:2 - Le Nouveau Testament en Kikwango 1950

² Mono kwendaka sambu na nzaikusu, ye mono songaka bau nsamu mbote ya mono samunaka kwa bapaien, kansi mu kinsweki kwa bau ya nzitusu, na yo tavanda ve na mono ikele kutina keti imene kutina mpamba.

Ngalata 2:2 Iomraidhean Croise

Matai 10:16

Tala, mono fidisa beno bonso mameme nakati na bambizi ya makasi, sambu na yai, beno vanda na ngangu bonso banioka ye konda luvunu bonso mayembe. Luk. 10:3; Lom. 16:19

Bisalu Ya Bantumwa 15:12

Kibuka yamvimba vandaka napi, ye kuwaka Banaba ye Paulu, bu bau songaka bau bidimbu ye nyitukulu ya Nzambi salaka mu bau nakati bapaien.

Bisalu Ya Bantumwa 15:2

Kansi bu Paulu ye Banaba swanaka ye vandaka na ntembe mingi na bau, bampangi zengaka mambu na Paulu ye Banaba ye bankaka ya bau fwiti kwenda ku Yelusalemi kwa bantumwa ye bambuta sambu na ntembe yai.

Bisalu Ya Bantumwa 15:4

Bu bau kwizaka ku Yelusalemi, dibundu ye bantumwa ye bambuta bakaka bau, bau songaka mambu yonso ya Nzambi salaka na bau. Bis. 14:27; 21:19

Bisalu Ya Bantumwa 18:9

Mfumu tubaka kwa Paulu mu mpimpa mu mona-meso: Vanda na boma ve, kansi tuba, vanda napi ve. Bis. 16:9; 23:11

Bisalu Ya Bantumwa 23:11

Mu mpimpa ya landa, Mfumu telemaka mfinama kwa yandi ye tubaka: Vanda na kikesa, kadi bonso nge imene kutuba kitemo ya mono mu Yelusalemi, nge fwiti kutuba kitemo mu Loma mpe. Bis. 18:9; 19:21

Bisalu Ya Bantumwa 5:34

Mufalisi mosi, nkumbu ya yandi Ngamalieli, nlongi ya nsiku, ya bantu yonso zitisa, telemaka nakati sikidikisaka kubasisa bantumwa ntangu fioti.

Loma 9:16

Mpilayai yo ikele ve kwa yandi ya zola keti kwa yandi ya teza ntinu, kansi ya Nzambi ya kuwila nkenda.

1 Kolinto 1:23

kansi beto samuna Klisto ya komwa va kulunsi, kwa baYuda ikele nteso ya sakuba ye kwa bapaien ikele kinzoba,

1 Kolinto 2:2

Kadi mono kanaka kuzaba kima yankaka ve nakati na beno, kansi Yesu Klisto kaka ikele yandi ya komwaka va kulunsi.

1 Kolinto 9:24

Beno zaba ve na bau ya ikele teza ntinu, bau yonso ikele kutewa ntinu, kansi mosi kaka ikele kubaka nsendo ? Mpilayai, tina na nge lenda kubaka. Fili. 3:12

1 Kolinto 9:26

Sambu na yai, mono teza ntinu mu mambu ya ntembe ve, mono ikele kunwana ve bonso muntu ya bula mupepe;

2 Kolinto 12:1

Mono fwiti kuyana, kansi yina ikele kusadisa mono ve, mono tatuba sambu na mona-meso ye nzaikusu ya Mfumu.

Ngalata 1:12

Kadi mono bakaka yo ve keti longwaka yo ve na muntu, kansi mu nzaikusu ya Yesu Klisto. Ef. 3:3

Ngalata 1:16

Bu yandi zolaka kuzabisa Mwana ya yandi mu mono, na mono lenda kusamuna nsamu mbote ya yandi kwa bapaien, buna mono yuvulaka ngangu na nsuni ye menga ve.

Ngalata 1:6

Mono yituka sambu na beno ikele kukatuka nswalu tuka yandi ya bingaka beno mu nlemvo ya Klisto, ye ku nsamu ya mbote mutindu yankaka.

Ngalata 2:6

Bau ya banzaka na bau ikele ya luzitu—bonso bau vandaka ikele mambu ya mono ve, sambu na Nzambi ikele kutala luse ya muntu ve—bau yai ya luzitu longaka mono mambu ve. Lom. 2:11

Ngalata 2:9

Bu bau zabaka nlemvo ya peswaka kwa mono, buna Yakobi ye Kefa ye Yoane ya tangwa makunzi, bau pesaka diboko ya kibakala ya kintuadi kwa mono ye Banaba, na beto takwenda kwa bapaien, kansi bau kwa bazengwa. Bis. 15:12

Ngalata 5:7

Beno tinaka mbote. Nani buyaka beno, na beno talemvuka ve mambu ya kieleka ? Ngal. 3:1

Filipi 2:16

Nangula mambu ya moyo, na mono lenda kuyana mu kilumbu ya Klisto, na mono tezaka ntinu mpamba ve ye salaka mpamba ve. Yes. 49:4; 2 Kol. 1:14; 1 Tes. 2:19

Filipi 2:29

Beno baka yandi mu Mfumu mu kiese yonso, ye pesa bau ya mpilayai luzitu;

1 Tesalonika 3:5

Kadi na yai mono mpe, bu mono lendaka kuvibidila diaka ve, mono fidisaka ntumwa sambu na kuzaba lukwikilu ya beno, keti kana mpukumuni kupukumuna beno, ye kisalu ya beto imene kwiza mpamba.

2 Timoteo 4:7

Mono imene kunwana ndwanunu ya mbote, mono imene kumanisa kitezo ya mono ya ntinu, mono imene kukeba lukwikilu. 1 Kol. 9:24; Fili. 3:14; 1 Tim. 6:12; Eb. 12:1

Ebeleo 12:1

Mpilayai, sambu na beto ikele na dituti yina yanene ya bantemo ya zunga beto, bika beto katula kizitu yonso ye masumu ya ikele kusimba beto nswalu, ye bika beto tambula mu mvibudulu mu nzila nantwala na beto;