Ngalata 1:7 - Le Nouveau Testament en Kikwango 1950

⁷ Yo ikele nsamu ya mbote yankaka ve, kansi bankaka ikele kumonisa beno ntantu ye bau zola kupindula nsamu ya mbote ya Klisto. Bis. 15:1; 2 Kol. 11:3; Ngal. 5:10

Ngalata 1:7 Iomraidhean Croise

Matai 24:24

Kadi baklisto ya luvunu ye bambikudi ya luvunu tatelema ye songa bidimbu ya nene, ye mambu ya nyitukulu, sambu na kukusa basolwa, kana yo lendwa. 2 Tes. 2:11

Bisalu Ya Bantumwa 13:10

yandi tubaka: Nge ya fuluka na luvunu yonso, ye yiba mutindu yonso, mwana ya diable, ye mbeni ya lunungu yonso, nge tabika ve kuvengumuna banzila ya sungama ya Mfumu ?

Bisalu Ya Bantumwa 15:24

Sambu na beto imene kuwa na bankaka ya katuka na beto imene kumonisa beno mpasi mu mambu, ye bau pindulaka miela ya beno, kansi beto sikidikisaka bau ve. Ngal. 1:7; 1 Yoa. 2:19

Bisalu Ya Bantumwa 20:30

Nakati na beno kibeni bantu tatelema ye tuba mambu ya mbi kubenda banlonguki kulanda bau. 1 Yoa. 2:19

2 Kolinto 11:13

Kadi bantu mpilayai ikele bantumwa ya luvunu, ye basadi ya lukusu, bau ikele kukitula bonso bantumwa ya Klisto. Fili. 3:2

2 Kolinto 2:17

Kadi beto ikele kubivisa mambu ya Nzambi ve, sambu na kubaka ndandu, bonso bankaka mingi ikele kusala, kansi mu kieleka nantwala ya Nzambi, beto ikele kutuba mu Klisto mambu ya katuka na Nzambi. 2 Kol. 4:2

2 Kolinto 4:2

Kadi beto buyaka mambu ya kinsweki ya nsoni, beto ikele kutambula ve mu luvunu, beto ikele kulonga mambu ya Nzambi mu kukusa ve, kansi mu nzaikusu ya kieleka, beto ikele kudisonga kitemo mpe kwa kansansa ya bantu yonso nantwala na Nzambi. 1 Kol. 4:5

Ngalata 1:6

Mono yituka sambu na beno ikele kukatuka nswalu tuka yandi ya bingaka beno mu nlemvo ya Klisto, ye ku nsamu ya mbote mutindu yankaka.

Ngalata 2:4

Mono salaka yai sambu na bampangi ya luvunu kotaka mu kinsweki, kutala kimpwanza ya beto ya ikele mu Klisto Yesu, na bau lenda kutula beto mu kimpika.

Ngalata 4:17

Bankaka ikele kusosa beno mu ngolo, kansi bonso yo lunga ve, bau tonda kukatula beno, na beno lenda kusosa bau.

Ngalata 5:10

Mono ikele na vuvu mu Mfumu sambu na beno, na beno tabaka mabanza yankaka ve, kansi konsonani ya monisa beno mpasi tanata mfundusu ya yandi.

Ngalata 5:12

Bau ya monisa beno mpasi, mono zola bau kukatulwa.

Ngalata 6:17

Tuka na ntangu yai, bika muntu monisa mono mpasi ve, kadi mu nitu ya mono, mono ikele kunata kidimbu ya Yesu.

2 Timoteo 2:18

Bau ikele bantu ya vengumukaka sambu na mambu ya kieleka, bau ikele kutuba mfulukulu imene kuluta, ye ikele kufwa lukwikilu ya bankaka. 1 Tim. 6:21

1 Yoane 2:26

Mono sonikaka kwa beno mambu yai sambu na bantu ya zola kuvengumuna beno.

1 Yoane 4:1

Bazolwa, kwikila bampeve yonso yonso ve, kansi meka bampeve, kana bau ikele ya Nzambi, sambu na bambikudi mingi ya luvunu kotaka mu nsi. Mat. 7:15; 24:4; Bis. 20:29; 1 Tes. 3:1; 2 Pet. 2:1; 2 Yoa. 7

2 Yoane 1:10

Kansi kana muntu kwiza kwa beno ye twala malongi yina ve, beno baka yandi ve mu nzo ya beno, ye pesa yandi mbote ve. Lom. 16:17; Tit. 3:10

2 Yoane 1:7

Kadi bakusi mingi imene kukota mu nsi, bau ya ndima ve, Yesu Klisto kwizaka mu nsuni. Yai ikele mukusi ye antiklisto. 1 Yoa. 2:18; 4:1

Yuda 1:4

Kadi bantu yankaka kotaka mu kinsweki, bantu yai sonamaka ntete ku mbedoso yai. Bau kondaka vumi ya Nzambi, ye kitulaka nlemvo ya Nzambi bonso mambu ya nsoni, ye buyaka Nyadi ya beto mosi kaka, ikele Mfumu Yesu Klisto.

Nzaikulu 12:9

Dalaka ya nene loswaka na nsi, yandi ikele nioka ya nkulu, ya bingwa diable ye Satana, yandi ikele mukusi ya bantu yonso na nsi, yandi loswaka ku ntoto, ye banjo ya yandi loswaka sikamosi na vandi 1 Mose 3:1, 4; Luk. 10:18; Yoa. 12:31; Nzai. 20:2

Nzaikulu 13:14

Ye yandi kusaka bau ya vandaka va ntoto sambu na bidimbu ya yandi peswaka kusala nantwala ya mbizi, ye kutuba kwa bau ya vandaka va ntoto na bau tasala kifwanusu sambu na mbizi ya lwadiswa na mbele ye ikele na moyo. 2 Tes. 2:11; Nzai. 13:3

Nzaikulu 19:20

Mbizi bakwaka sikamosi na mbikudi ya luvunu ya salaka bidimbu nantwala na yandi, mu yai yandi kusaka bau ya bakaka kidimbu ya mbizi, ye bau ya sambilaka kifwanusu ya yandi. Bau zole loswaka mu zanga ya tiya ya ikele kulema na solofo. Yes. 30:33; Dan. 7:11; Nzai. 16:13; 20:10

Nzaikulu 2:2

Mono zaba bifu ya nge ye kisalu ya nge ye mvibudulu ya nge, nge lenda ve kuvibidila bankwa mbi, ye nge mekaka bau ya dibinga bantumwa, kansi bau ikele yo ve, nge monaka bau bankwa luvunu. 2 Kol. 11:13; 1 Tes. 1:3; 1 Yoa. 4:1

Nzaikulu 2:20

Kansi mono ikele na nge mambu, na nge ndima nkento yina Isabeli ya dibinga mbikudi, yandi ikele kulonga ye kuvengumuna basielo ya mono, na bau sala bizumba ye kudia bima ya yokwa ku biteki. 1 Nt. 16:31; 2 Nt. 9:22; Bis. 15:20; 1 Kol. 10:19

Nzaikulu 2:6

Kansi yai ikele na nge, nge ikele na makasi na bisalu ya bantu ya Nikolau, ya mono mpe ikele kuwa makasi.

Nzaikulu 20:3

Ye losaka yandi mu dibulu ya konda nsuka, ye kangaka yo, ye tulaka kidimbu va zulu na yandi, na yandi takusa makanda ya bantu diaka ve, ti mvu funda mosi kumana. Nanima na mambu yai yandi takangulwa ntangu ndambu.