Ngalata 1:4 - Le Nouveau Testament en Kikwango 1950

⁴ Yandi dipesaka sambu na masumu ya beto, na yandi lenda kuvulusa beto tuka ntangu yai ya mbi, bonso ikele luzolo ya Nzambi ye Tata ya beto. Mat. 20:28; Ngal. 2:20; Ef. 5:2; Tit. 2:14

Ngalata 1:4 Iomraidhean Croise

Matai 13:22

Kansi yina ya kunwaka nakati ya minti ya nsende ikele yandi ya kuwa mambu, buna mabanza ya ntangu yai ye luvunu ya kimvwama ikele kufietikisa mambu ye yandi konda mabundu. 1 Tim. 6:9

Matai 20:28

Mpilayai Mwana ya muntu kwizaka ve sambu na bantu tasadila yandi, kansi kusadila bantu ye kupesa moyo ya yandi sambu na nkudulu ya bantu mingi. Yoa. 13:14; Ef. 1:7; Fili. 2:7; 1 Tim. 2:6; Tit. 2:14; 1 Pet. 1:19, 21

Matai 26:28

Kadi yai ikele menga ya mono ya luwawanu yampa, ya tiamukaka sambu na bantu mingi kuvidisa masumu. Mat. 20:28; Lom. 5:9

Matai 26:42

Yandi kwendaka diaka mbala ya zole, ye lombaka, kutuba: Tata ya mono, kana yo lenda kuluta ve, kansi mono fwiti kunwa yo, bika luzolo ya nge kusalwa.

Matai 6:9

Sambu na yai beno lomba mpilayai: Tata ya beto ya ikele mu zulu, bika nkumbu ya nge zitiswa; Luk. 11:2

Malako 10:45

Kadi Mwana ya muntu kwizaka ve, na bantu sadila yandi, kansi kusadila bau ye kupesa moyo ya yandi nkudulu ya bantu mingi. Yoa. 12:14; Fili. 2:7; Ef. 1:7; Kolo. 1:14; 1 Tim. 2:6; Tit. 2:14; 1 Pet. 1:18

Luka 22:19

Yandi bakaka dimba. Bu yandi pesaka matondo, yandi bukunaka yo, ye pesaka kwa bau, kutuba: Yai ikele nitu ya mono ya imene kupeswa sambu na beno. Beno sala yai mu bambukilu ya mono. Mat. 26:26; Mal. 14:22, 27; 1 Kol. 11:23

Luka 22:42

Tata, kana nge zola, katudila mono kopo yai, kansi luzolo ya mono ve, bika luzolo ya nge salwa.

Yoane 10:11

Mono ikele mvungi ya mbote; mvungi ya mbote pesa moyo ya yandi sambu na mameme ya yandi. Nk. 23:1; Yes. 40:11; Yel. 23:1; Yeh. 34:2; 37:24; Zak. 11:1; Mika 5:4

Yoane 12:31

Ntangu yai ikele mfundusu ya nsi yai; ntangu yai nkuluntu ya nsi yai takatulwa. Yoa. 16:11

Yoane 5:30

Mono lenda kusala kima mosi ve, mu mono kibeni; bonso mono kuwa, mono fundisa, ye mfundusu ya mono ikele ya lunungu, sambu na mono sosa luzolo ya mono mosi ve, kansi luzolo ya yandi ya fidisaka mono. Yoa. 6:38

Yoane 6:38

kadi mono kulumukaka tuka zulu, sambu na kusala luzolo ya mono ve, kansi luzolo ya yandi ya fidisaka mono. Mat. 26:39; Yoa. 4:34; 5:30

Loma 1:7

kwa bau yonso ya ikele mu Loma, bazolwa ya Nzambi, ya bingwa kuvanda banlongo. Kwa beno Nlemvo ye yenge ya katuka na Nzambi, Tata ya beto, ye na Mfumu Yesu Klisto. 2 Tim. 1:9; Ef. 1:1

Loma 12:2

Beno difwanikisa ku nsi yai ve, kansi pinduka yampa mu mabanza ya beno, na beno lenda kuzaba yina ya ikele luzolo ya Nzambi ya mbote ye ya zolakana ye ya lunga. Ef. 4:23; 5:10, 17; Fili. 1:9

Loma 4:25

Yandi ya yekulwaka sambu na masumu ya beto, ye fulukiswaka kunungisa beto.

Loma 8:27

Kansi yandi ya yunsa mintima zaba mabanza ya Mpeve, sambu na yandi ikele kutubila banlongo, bonso luzolo ya Nzambi. 1 Lus. 28:9

Loma 8:3

Kadi yina ya nsiku lenda ve kusala sambu na yo ikele lebakana mu nsuni, Nzambi salaka yo bu yandi fidisaka Mwana ya yandi mu kifwani ya nsuni ya masumu, ye sambu na masumu, yandi bedisaka masumu mu nsuni, Fili. 2:7

Loma 8:32

Yandi ya buyaka ve Mwana mosi ya yandi, kansi pesaka yandi sambu na beto yonso, yandi lenda ve mu yandi kupesa beto mpe bima yonso ya matabisi ? Yoa. 3:16; Lom. 4:25; 5:6, 9

1 Kolinto 15:3

Kadi ntete mono mpe pesaka beno yina ya mono bakaka, na Klisto kufwaka sambu na masumu ya beto, bonso ikele mu masonukwa. Yes. 53:1; Dan. 9:24; 1 Kol. 11:23

2 Kolinto 4:4

Kadi nzambi ya nzi yai imene kufwa meso ya mabanza ya bantu ya konda lukwikilu, na mwini ya nsamu mbote ya nkembo ya Klisto ya ikele kifwani ya Nzambi takienzudila bau ve. Kolo. 1:15

Ngalata 2:20

Mono komwaka va kulunsi sikamosi na Klisto; yo ikele mono diaka ve ya ikele na moyo, kansi Klisto ikele na moyo mu mono; moyo ya ikele na mono ntangu yai mu nsuni, ikele na mono mu lukwikilu mu Mwana ya Nzambi ya zolaka mono ye dipesaka sambu na mono. Ef. 5:2; Tit. 2:14

Ngalata 6:14

Kansi mu mono, Nzambi zaba mono zola kuyana ve, kansi mu kulunsi ya Mfumu ya beto Yesu Klisto kaka, mu yo nsi imene kukomwa kwa mono, ye mono ku nsi. Lom. 6:6; Ngal. 2:19

Efeso 1:11

Mu yandi beto bakaka difwa mpe, sambu na yandi solaka beto ntete, bonso lukanu ya yandi ya sala bima yonso, bonso lukanu ya luzolo ya yandi, Lom. 8:17; Ef. 3:11

Efeso 2:2

Mu yo beno tambulaka ntete, bonso kifu ya nsi mu ntangu yai, bonso beno landaka nkuluntu ya bangolo ya mupepe. Yandi ikele mpeve ya kusala mu bana ya kolama. Kolo. 3:6

Efeso 5:16

Beno sadila ntangu mbote, sambu na bilumbu ikele mbi.

Efeso 5:2

Tambula mu zola, bonso Klisto mpe zolaka beno, ye dipesaka sambu na beto, nkailu ye nkailu ya yokwa ya nsunga ya mbote kwa Nzambi. Yoa. 13:34; Yoa. 15:12; 1 Tes. 4:9; 1 Yoa. 3:11; Ngal. 2:20; Eb. 8:3; 1 Pet. 3:18

Efeso 6:12

Kadi kunwana ya beto ikele na menga ye nsuni ve, kansi na bakuluntu ye bankwa ngolo ye banyadi ya nsi yai ya tombe, ye bampeve mbi mu sika ya zulu.

Filipi 4:20

Ntangu yai kwa Nzambi ye Tata ya beto, nkembo mvu ya mvu. Amen. Lom. 11:36; 16:27; Ef. 3:21

1 Tesalonika 1:3

Beto bika ve kubambuka beno nantwala na Nzambi, Tata ya beto, sambu na kisalu ya beno ya lukwikilu ye kisalu ya beno ya zola ye mvibidilu ya vuvu ya beno mu Mfumu ya beto Yesu Klisto.

1 Tesalonika 3:11

Kansi Nzambi yandi kibeni ye Tata ya beto ye Mfumu ya beto Yesu, bika yandi sungika nzila ya beto kwa beno.

1 Tesalonika 3:13

na yandi lenda kusikidika ntima ya beno ya konda mbi mu nlongo nantwala na Nzambi ye Tata ya beto, bu Mfumu ya beto Yesu kwiza ye banlongo yonso ya yandi. Fili. 1:10; 1 Tes. 5:23; 2 Tes. 1:7; 2:17

2 Tesalonika 2:16

Yandi kibeni, Mfumu ya beto Yesu Klisto, ye Nzambi Tata ya beto, ya zolaka beto mu nlemvo, ye pesaka beto mbombolo ya mvu ya mvu ye vuvu ya mbote,

1 Timoteo 2:6

yandi dipesaka lufutu kuvulusa bantu yonso, kitemo ya mambu yai tazabakana mu nsungi ya yau. Mat. 20:28; Tit. 2:14

Tito 2:14

Yandi ya dipesaka sambu na beto, na yandi lenda kuvulusa beto tuka na mambu ya mbi yonso, ye kuyidika beto kuvanda bantu ya yandi kibeni, ya vibidila mu bisalu ya mbote. 2 Mose 19:6; Ngal. 1:4; 2:20; Ef. 2:10; 5:2; 1 Tim. 2:6; Eb. 9:14

Ebeleo 2:5

Kadi Nzambi tulaka nsi ya kwiza, yina ya beto tuba, nansi ya luyalu ya banjo ve.

Ebeleo 6:5

ye mekaka mambu yambote ya Nzambi, ye bangolo ya ntangu ya ikele kwiza,

Ebeleo 9:14

buna menga ya Klisto luta, bu yandi dipesaka nkailu ya zikwa mu Mpeve ya mvu ya mvu ye konda kieta kwa Nzambi, yo luta kusukula kansansa ya beno mu bisalu ya lufwa kusadila Nzambi ya ikele na moyo. Ngal. 1:4; 2:20; Tit. 2:14; 1 Yoa. 1:7

Yakobi 4:4

Beno bafwi ya makwela, beno zaba ve kinduku ya nsi ikele kimbeni kwa Nzambi ? Konsonani ya zola kuvanda nduku ya nsi, ikele kudisala mbeni ya Nzambi.

1 Petelo 2:24

Yandi kibeni nataka masumu ya beto, mu nitu ya yandi va nti, buna bu beto imene kufwa kwa masumu ya beto, beto lenda kuvanda na moyo ku lunungu, sambu na kubula ya yandi beto imene kubelulwa. Yes. 53:5; Lom. 6:1

1 Petelo 3:18

Kadi Klisto mpe kufwaka mbala mosi sambu na masumu, nkwa lunungu sambu na bankwa kondwa lunungu, na yandi lenda kutwala beto kwa Nzambi, bau kufwaka yandi mu nsuni, kansi yandi ikele na moyo mu mpeve. Lom. 5:6; 2 Kol. 13:4; Eb. 9:15, 28

1 Yoane 2:2

Yandi ikele nkailu ya vidisa masumu ya beto, ye ya beto kaka ve, kansi masumu ya nsi yamvimba. 2 Kol. 5:18; Kolo. 1:20

1 Yoane 3:16

Mu yai beto zaba zola, sambu na yandi pesaka moyo ya yandi sambu na beto; beto mpe fwiti kupesa moyo ya beto sambu na bampangi. Yoa. 16:12; Lom. 5:8; Ef. 6:2; 1 Yoa. 4:9

Nzaikulu 1:5

ye tuka Yesu Klisto, ntemo ya kwikama, ya ntete ya fulukiswa tuka bafwa ye yandi ikele nyadi ya bamfumu ya ntoto. Kwa yandi ya zolaka beto ye sukulaka masumu ya beto mu menga ya yandi. Nk. 89:27; 51:2; 1 Kol. 15:20; Kolo. 1:18; Eb. 9:12, 14; 1 Pet. 1:18; 1 Yoa. 1:7, 9; Nzai. 3:14

Nzaikulu 5:9

Bau yimbaka nkunga yampa, kutuba: Nge lunga kubaka nkanda ye kukangula bidimbu ya yo, sambu na bau imene kufwa nge ye nge sumbaka kwa Nzambi na menga ya nge, bantu ya makanda yonso ye bandinga ye bantu ye makanda yonso, Nk. 144:9; 1 Kol. 6:20; 1 Pet. 1:18; Nzai. 4:11; 14:2

Nzaikulu 7:9

Nanima na mambu yai, mono monaka ye tala, kibuka ya nene ya muntu lenda kutanga ve. Bau katuka na nsi yonso ya bantu ye makanda yonso ya bantu ye bandinga yonso. Bau telema nantwala na kiti ya nkembo ye nantwala na Mwana Dimeme, ye vwata mvwatu ya mpembe ye mandala mu maboko ya bau. Dan. 6:19; Yoa. 12:13; Nzai. 5:9