Ngalata 1:10 - Le Nouveau Testament en Kikwango 1950

¹⁰ Kadi ntangu yai mono ikele kusosa luzolo ya bantu keti ya Nzambi ? Keti mono sosa kuyangidisa bantu ? Kana mono ikele kuyangidisa bantu buna mono ikele sielo ya Klisto ve. 1 Tes. 2:4; Yak. 4:4

Ngalata 1:10 Iomraidhean Croise

Matai 22:16

Bau fidisaka banlonguki ya bau ye bantu ya Elode kwa yandi, bau tubaka: Nlongi, beto zaba na nge ikele ya kieleka, ye ikele kulonga nzila ya Nzambi mu kieleka, ye nge ti ta muntu ve, kadi nge ikele kutala luse ya bantu ve.

Matai 28:14

Kana nyadi kuwa mambu yai, beto takwikidisa yandi ye vulusa beno.

Matai 6:24

Muntu lenda ve kusadila bamfumu zole, kadi yandi tavanda na makasi na mosi ye zola yankaka, keti yandi tavanda na mosi ye saula yankaka. Beno lenda ve kusadila Nzambi ye kimvwama. Luk. 16:13

Bisalu Ya Bantumwa 12:20

Elode vandaka na kimbeni kwa bantu ya Tilo ye Sidoni. Bau kwizaka sikamosi kwa yandi, bau kitulaka Blastu kapita ya bima ya ntinu, kwiza nduku ya bau, bau lombaka yenge, kadi ntoto ya bau bakaka madia na ntoto ya ntinu.

Bisalu Ya Bantumwa 5:29

Petelo ye bantumwa vutulaka ye tubaka: Beto fwiti kulemvuka Nzambi ye bantu ve. Bis. 4:19

Loma 1:1

Mono Paulu, mpika ya Yesu Klisto, ya bingwa kuvanda ntumwa ye solwa kusamuna nsamu ya mbote ya Nzambi, Bis. 13:2; 1 Kol. 1:1

Loma 2:29

kansi yandi ikele muYuda ya ikele mpilayina mu ntima, ye nzengolo ikele yina ya ntima mu mpeve, mu bisoni ve; nsikulu ya yandi katuka na bantu ve kansi ya Nzambi. Bis. 7:51; Kolo. 2:11; Fili. 3:2; 1 Pet. 3:4

Loma 2:8

Kansi makasi ye ndola kwa bau ya ntu ngolo ya lemvuka ve mambu ya kieleka, kansi bau lemvuka konda ya lunungu. 2 Tes. 1:8

1 Kolinto 10:33

bonso mono mpe ikele kusala mbote kwa bantu yonso mu mambu yonso, ye mono kusosa ndandu ya mono mosi ve, kansi ya bau mingi, na bau lenda kuvuluswa.

2 Kolinto 12:19

Tuka ntama beno banza beto ikele kusweka mambu ya beto kwa beno. Kansi na luse ya Nzambi mu Klisto beto ikele kutuba mambu yonso, bazolwa sambu na kutunga beno.

Efeso 6:6

Ikele mu bisalu kaka ve, bonso beno yangidisa bantu, kansi bonso bampika ya Klisto, beno sala luzolo ya Nzambi mu ntima ya mbote. Kolo. 2:22

Filipi 1:1

Paulu ye Timoteo, bampika ya Klisto Yesu, fidisa mbote kwa banlongo yonso mu Klisto Yesu ya ikele mu Filipi ye minkengi ye basielo.

Kolosai 3:22

Bampika, lemvuka kwa bamfumu ya beno mu nsuni mu mambu yonso, kaka ve mu bisalu ya bau ikele kutala, na bantu tazola beno, kansi mu luzolo ya ntima beno vumina Mfumu. Ef. 6:5; 1 Tim. 6:1; Tit. 2:9; 1 Pet. 2:18

1 Tesalonika 2:4

kansi bonso Nzambi imene kumona beto ya lunga kupeswa nsamu mbote, mpilayina beto tuba, sambu na yangidisa ve bantu kansi Nzambi ya meka mintima ya beto. Ngal. 1:10; 2:7

Yakobi 4:4

Beno bafwi ya makwela, beno zaba ve kinduku ya nsi ikele kimbeni kwa Nzambi ? Konsonani ya zola kuvanda nduku ya nsi, ikele kudisala mbeni ya Nzambi.

1 Yoane 3:9

Konsonani ya butwa ya Nzambi ikele kusala masumu ve, kadi nkuna ya yandi ikele kuvanda mu yandi; ye yandi lenda ve kusala masumu, sambu na yandi butwa ya Nzambi. 1 Pet. 1:23; 1 Yoa. 5:18