Luka 9:16 - Le Nouveau Testament en Kikwango 1950

¹⁶ Yandi bakaka mampa tanu ye mbizi ya masa zole, ye talaka ku zulu, ye sakumunaka yau, ye bukunaka yau, ye pesaka yau kwa banlonguki, sambu na kutula nantwala na bibuka ya bantu.

Luka 9:16 Iomraidhean Croise

Matai 14:19

Yandi sikidikisaka bibuka kuvanda va matiti, yandi bakaka mampa tanu ye bambizi ya masa zole ye talaka ku zulu, yandi sakumunaka yau ye bukunaka yau ye pesaka mampa kwa banlonguki, ye banlonguki pesaka yau kwa bibuka. 1 Tim. 4:3; 6:17

Matai 15:36

yandi bakaka mampa nsambwadi ye bambizi ya masa, ye yandi pesaka matondo ye bukunaka ye pesaka kwa banlonguki; ye banlonguki pesaka yau kwa bibuka.

Malako 7:34

Yandi talaka ku zulu ye vumukaka ye tubaka kwa yandi: Efata, yo ikele mpilamosi: Kanguka.

Luka 22:19

Yandi bakaka dimba. Bu yandi pesaka matondo, yandi bukunaka yo, ye pesaka kwa bau, kutuba: Yai ikele nitu ya mono ya imene kupeswa sambu na beno. Beno sala yai mu bambukilu ya mono. Mat. 26:26; Mal. 14:22, 27; 1 Kol. 11:23

Luka 24:30

Yo vandaka bu yandi vandaka na bau na meza, yandi bakaka dimpa, ye sakumunaka ye bukunaka yo, yandi pesaka bau.

Luka 9:15

Bau salaka yo, ye vandisaka bau yonso.

Luka 9:17

Bau kudiaka ye yonso yukutaka; bau logotaka bitini ya bikaka, bitunga kumi ye zole.

Yoane 6:11

Buna Yesu bakaka mampa ye yandi pesaka matondo, buna yandi pesaka kwa bau ya vandaka, mpilayai mpe mbizi ya masa na kitezo ya bau zolaka.

Yoane 6:23

Babota yankaka katukaka na Tibelia, ye kwizaka mfinama ku sika ya bau kudiaka mampa, bu Mfumu imene kupesa matondo.

Bisalu Ya Bantumwa 27:35

Bu yandi imene kutuba mpilayai, yandi bakaka mampa ye pesaka matondo kwa Nzambi nantwala na bau yonso, yandi bukunaka yau, ye yantikaka kudia.

Loma 14:6

Yandi ya banza sambu na lumbu, banza sambu na yo mu Mfumu; yandi ya kudia, kudia mu Mfumu, kadi yandi pesa matondo kwa Nzambi. Yandi ya kudia ve, kudia ve mu Mfumu, ye pesa matondo kwa Nzambi. 1 Kol. 10:31

1 Kolinto 10:30

Kana mono baka yo na matondo, sambu na nki mono ikele kufingwa sambu na yina ya mono imene kupesa matondo ? Lom. 14:16; 1 Tim. 4:4

1 Kolinto 11:24

bu yandi imene kupesa matondo, yandi bukunaka yo ye tubaka: Yai ikele nitu ya mono ya ikele kupeswa sambu na beno. Beno sala yai sambu na bambuka mono.