Luka 9:1 - Le Nouveau Testament en Kikwango 1950

¹ Yandi bingaka banlonguki kumi ye zole sikamosi, ye pesaka bau ngolo ye luyalu va zulu ya bampeve yonso ya mbi ye kubelula bambevo. Mat. 10:1; Mal. 6:7; Luk. 6:13

Luka 9:1 Iomraidhean Croise

Matai 16:19

Mono tapesa nge nsabi ya kimfumu ya zulu; yonso ya nge takanga va ntoto takangwa mu zulu, yonso ya nge takangula va ntoto takangulwa mu zulu.

Matai 4:24

Nsangu ya yandi kwendaka mu nsi yonso ya Silia. Bau twalaka kwa yandi bambevo yonso ya vandaka na maladi ye mpasi mpila na mpila, ya bakama na bampeve ya mbi ye bantu ya mbikulu ya ngonda ye bantu ya mianzi; yandi belulaka bau.

Matai 8:9

Kadi mono mpe ikele muntu na nsi ya ngolo; ye basoldat nanima na mono: mono tuba kwa mosi: Kwenda; yandi kwenda; kwa yankaka: Kwiza; yandi kwiza; kwa mpika ya mono: Sala yai, yandi sala yo.

Luka 10:1

Bu mambu yai imene, Mfumu solaka makumi nsambwadi yankabasika na bala-bala ya bau, ye tuka, ye fidisaka bau zole zole nantwala na luse ya yandi ku bambanza ye sika yonso ya yandi kibeni zola kwenda.

Luka 10:19

Tala, mono pesaka beno ngolo kudiata va banioka, ye bankutu, ye ngolo va zulu ya ngolo yonso ya mbeni, ye kima mosi lenda ve kusadila beno mpasi. Mal. 16:18; Bis. 28:5

Yoane 14:12

Kieleka, kieleka, mono tuba kwa beno: Yandi ya kwikila mono, bisalu ya mono sala, yandi mpe tasala yau; ye bisalu ya luta yai nene yandi tasala, sambu na mono kwenda kwa Tata.

Bisalu Ya Bantumwa 1:8

Kansi beno tabaka ngolo bu Mpeve Yanlongo imene kwiza va beno, ye beno tavanda bantemo ya mono mu Yelusalemi ye mu Yuda yonso ye Samalia ti nsuka ya ntoto.

Bisalu Ya Bantumwa 3:16

Mu lukwikilu mu nkumbu ya yandi, nkumbu ya yandi imene kusala muntu yai kwiza ngolo, ya beno ikele kumona ye kuzaba. Lukwikilu ya ikele mu yandi imene kusala muntu yai kwiza ngolo yonso nantwala na beno yonso.

Bisalu Ya Bantumwa 4:30

Bu nge tula diboko ya nge kubelula, bika bidimbu ye nyitukulu salwa mu nkumbu ya Yesu sielo ya nge ya nlongo.

Bisalu Ya Bantumwa 9:34

Petelo tubaka kwa yandi: Ene, Yesu Klisto belula nge, telema ye yidika mbeto ya nge. Nswalu yandi telemaka. Bis. 3:6