Luka 8:10 - Le Nouveau Testament en Kikwango 1950

¹⁰ Yandi tubaka: Beno peswa kuzaba mambu ya kinsweki ya kimfumu ya Nzambi, kansi kwa bankaka, mu bingana, sambu na bau ikele kutala, kansi mona ve, ye kuwa, kansi zaba ve. Yes. 6:9; 29:10; Yoa. 12:40; Bis. 28:26

Luka 8:10 Iomraidhean Croise

Matai 11:25

Ntangu yina Yesu vutulaka ye tubaka: Mono pesa nge matondo, Tata, Mfumu ya zulu ye ntoto, sambu na nge imene kusweka mambu yai na bankwa ngangu ye bantu ya zaba, ye nge imene kuzabisa yau kwa bana fioti. Luk. 10:21

Matai 16:17

Kansi Yesu vutulaka ye tubaka kwa yandi: Simoni mwana ya Yona, kiese ikele na nge kadi nsuni ye menga imene kuzabisa yo kwa nge ve kansi Tata ya mono ya ikele mu zulu. 1 Kol. 2:10

Malako 4:11

Yandi tubaka kwa bau: Yo ikele kupeswa kwa beno kuzaba mambu ya kinsweki ya kimfumu ya Nzambi, kansi kwa bayina ya ikele nanganda mambu yai yonso ikele kusalwa mu bingana;

Malako 4:12

bau ya tala, ikele kutala, kansi bau mona ve; ye bau ya kuwa ikele kuwa kansi bau zaba ve, keti bau tapindula diaka ye masumu ya bau vidiswa. Yes. 6:9; 9:10; Yoa. 12:40; Bis. 28:26

Yoane 12:40

Yandi kufwaka meso ya bau, ye yandi tulaka bau ntima ngolo, na bau lenda ve kutala na meso ya bau, ye bakisa mu ntima ya bau ve, ye pindula mabanza ya bau ve, na mono kubelula bau. Yes. 6:9; 29:10

Loma 16:25

Kwa yandi ya lenda kusikidika beno bonso ikele mu nsamu mbote ya mono, ye nsamunu ya Yesu Klisto, bonso nzaikusu ya mambu ya kinsweki ya vandaka mu kinsweki tuka na bantangu ya luyantiku, Ef. 3:20; Yud. 24

1 Kolinto 12:11

Kansi Mpeve yina mosi ikele kusala mambu yai yonso, ye kukaba yau kwa muntu na muntu bonso yandi zola.

Kolosai 2:2

na ntima ya bau lenda kubombwa, bu bau bundanaka mu zola ye kwa kimvwama yonso ya nzailu ya lunga, na bau lenda kuzaba mambu ya kinsweki ya Nzambi, ikele Klisto, Yoa. 17:3; Kolo. 1:27

1 Timoteo 3:16

Kansi kondwa ntembe, vumi ya Nzambi ya kinsweki ikele nene: Nzambi monikaka mu nsuni, yandi nunguswaka mu mpeve, yandi monwaka kwa banjo, yandi samunwaka kwa bapaien, bantu ya nsi kwikilaka yandi, ye yandi bakwaka ku zulu mu nkembo.