Luka 8:1 - Le Nouveau Testament en Kikwango 1950

¹ Yo vandaka ndambu ntama nanima, yandi kwendaka ku mbanza ku mbanza ye bwala ku bwala ye samunaka ye tubaka nsamu mbote ya kimfumu ya Nzambi, banlonguki kumi ye zole vandaka na yandi.

Luka 8:1 Iomraidhean Croise

Matai 11:1

Yo vandaka, bu Yesu imene kusikidikisa banlonguki ya yandi kumi ye zole, yandi katukaka kuna ye kwendaka kulonga ye kusamuna mu bambanza ya bau.

Matai 13:19

Bu muntu kuwa mambu ya kimfumu ye zaba yo ve, buna nkwa mbi ikele kwiza kubotula yina ya kunwaka mu ntima ya yandi. Yai ikele yina ya kunwaka mfinama na nzila.

Matai 4:23

Yesu kwendaka kutambula mu nsi yonso ya Ngalili, kulonga mu banzo ya bau ya sambilu, ye kusamuna nsamu mbote ya kimfumu, ye kubelula maladi mutindu yonso ye kimbevo yonso nakati na bantu. Mat. 9:35; Mal. 1:23; Luk. 4:16, 23

Matai 9:35

Yesu kwendaka kutambula mu mabanza yonso ya nene ye ya fioti, kulonga mu banzo ya bau ya sambilu, ye kusamuna nsamu ya mbote ya kimfumu, ye kubelula maladi mutindu yonso ye kimbevo yonso. Mat. 12:24; Mal. 3:22; Luk. 11:15

Malako 1:39

Yandi kwendaka kusamuna mu banzo ya bau ya sambilu mu Ngalili yonso, yandi basisaka bampeve mbi.

Luka 1:80

Ye mwana kulaka ye kwizaka ngolo mu mpeve ye vandaka mu nsi ya mpamba ti na kilumbu ya songwa kwa Isaeli. Luk. 2:40

Luka 20:1

Yo vandaka mu kilumbu mosi, bu yandi longaka bantu mu tempelo ye samunaka nsamu mbote, bambuta banganga, ye bansoniki ye bambuta ya bantu kwizaka kwa yandi. Mat. 21:23; Mal. 11:27

Luka 4:18

Mpeve ya Mfumu ikele va mono, kadi yandi imene kusita mono, kusamuna nsamu mbote kwa bansukami, yandi imene kufidisa mono kusamuna mpulusu kwa bampika; ye kumona kwa bampofo, ye kupesa nzila kwa bau ya lwadiswa,

Luka 9:6

Bau kwendaka, ye lutaka mu bwala na bwala, ye samunaka nsamu mbote, ye belulaka bantu ya ndambu yonso.

Bisalu Ya Bantumwa 10:38

Ikele Yesu ya Nazaleti, ya Nzambi sitaka na Mpeve Yanlongo ye na ngolo, yandi zietaka ye salaka mbote ye belulaka bau yonso ya moniswa mpasi ya diable, kadi Nzambi vandaka na yandi.

Bisalu Ya Bantumwa 13:32

Beto twala kwa beno nsamu mbote ya nsilulu ya peswaka kwa batata. 1 Mose 22:18; Yes. 7:14; 9:6; Yel. 33:14; Dan. 9:24

Loma 10:15

Mpila nki bau tasamuna kana bau fidiswa ve ? Bonso yo ikele kusonama: Makulu ya bau ya twala nsamu mbote ya mambu ya mbote ikele kitoko mingi. Yes. 52:7; Neh 2:1