Luka 7:42 - Le Nouveau Testament en Kikwango 1950

⁴² Bu bau vandaka na kima ve ya futila, yandi vidisilaka bau zole. Buna nani ya bau luta kuzola yandi ?

Luka 7:42 Iomraidhean Croise

Matai 18:27

Mfumu ya mpika yina kuwilaka yandi nkenda, ye bikaka yandi ye vidisaka mfuka ya yandi.

Matai 18:34

Mfumu ya yandi vandaka na makasi ye pesaka yandi kwa bantu ya monisa mpasi, ti yandi tafuta mfuka yonso.

Matai 6:12

vidisa mfuka ya beto bonso beto mpe imene kuvidisa bau ya ikele na beto mfuka,

Luka 7:43

Simoni vutulaka, ye tubaka: Mono banza yandi ya luta kuvidiswa mfuka. Yandi tubaka kwa yandi: Nge zenga mbote.

Loma 3:24

bau nungiswa ya matabisi mu nlemvo ya yandi mu nkudulu ya ikele mu Klisto Yesu. Ngal. 2:16; Ef. 1:7; 2:8; Kolo. 1:14; 1 Tim. 2:5; Tit. 3:5, 7; 1 Pet. 1:18

Loma 5:6

Kadi bu beto vandaka lebakana, mu ntangu ya lunga Klisto kufwaka sambu na bankwa konda vumina Nzambi. 1 Pet. 3:18

Ngalata 3:10

Kadi bantu yonso ya ikele mu bisalu ya nsiku ikele nansi ya ndola, sambu na yo ikele kusonama: Ndola ikele na konsonani ya vanda ve mu mambu yonso ya sonikwa mu nkanda ya nsiku, sambu na kusala yo. 5 Mose 27:26

Efeso 1:7

Mu yandi beto ikele na nkudulu, mu menga ya yandi, mvidisilu ya masumu ya beto, bonso kimvwama ya nlemvo ya yandi. Kolo. 1:14; 1 Pet. 1:18

Efeso 4:32

Beno vandana na nlembami ye nkenda, vidisana masumu, bonso Nzambi imene kuvidisa masumu ya beno mu Klisto. Mat. 6:14; 11:26; Kolo. 3:12

Kolosai 3:13

beno vibidilana, ye vidisana masumu, kana muntu ikele na yankaka mambu; bonso Mfumu vidisaka beno, beno sala mpilayai mpe. Mat. 6:14; Mal. 11:25