Luka 4:42 - Le Nouveau Testament en Kikwango 1950

⁴² Bu kuma kia, yandi basikaka ye kwendaka ku sika ya mpamba. Bibuka sosaka yandi, ye kwizaka kwa yandi, ye tubaka kwa yandi, na yandi takatuka ve nakati na bau. Mal. 1:35

Luka 4:42 Iomraidhean Croise

Malako 1:45

Kansi bu yandi basikaka, yandi yantikaka kusamuna yo mingi, yandi mwangisaka mambu yina, sambu na yai Yesu lendaka ve kukota diaka mu mbanza, kansi yandi vandaka na nsi ya mpamba; bau kwizaka kwa yandi tuka ndambu yonso.

Luka 24:29

Bau bombidilaka yandi, kutuba: Vanda na beto; sambu na nkokila imene kubwa, ye kilumbu imene. Yandi kotaka ye vandaka na bau.

Luka 6:12

Yo vandaka mu bilumbu yina, yandi kwendaka ku mongo kulomba, mpimpa yamvimba yandi vandaka kuna kulomba Nzambi. Mat. 10:1; Mal. 3:13

Yoane 4:34

Yesu tubaka kwa bau: Madia ya mono ikele kusala luzolo ya yandi ya fidisaka mono, ye kumanisa kisalu ya yandi. Yoa. 5:30; 6:38; 17:4

Yoane 4:40

Mpilayai baSamalia kwizaka kwa yandi, bau bombidilaka yandi kuvanda na bau. Ye yandi vandaka na bau kuna bilumbu zole.

Yoane 6:24

Bu kibuka monaka, Yesu ikele kuna ve ye kanlonguki ya yandi mpe ve, bau kotaka mu babota, bau kwizaka ku Kapenaumi kusosa Yesu.